حجر النرد .....
زينب علي .....
.
.
.
امر ........
.......
لحظات واشوف مره عمي متخربطه .. ومنظرها يخوف . بسرعه عمي اخذها وصعد بلسياره وكل لبته سفانه تعاي ورايه ....
طلعت سفانه تركض ماخذه عباتها وعبايه امها واحمد وياها. ضليت وحدي وامي واكفه فوك راسي ....
مديحه : اني هسه راح اروح وانتي ضلي هنا ....
رحت ركضت جلبت بيها : يمه تحجين صدك وين جايبتني ... وين مخليتني وحدي . اذا ماتت المره ياكلوني واني عدله . مروتج يمه ....
هدت ايدي حيل وصاحت : هذاااااا بيتج وكافي عياره طبي واسمعي منه واي يحجايه يحجوها وياج سدي حلكج ولتحجين ابد ... وخلي دموعج بس هنه الي يسولفن ... واني رايحه اساعدج ....
.
عافتني وراحت . واني ضليت وحدي . طبيت وكعدت اباوع بلبيت عباره عن فله .... ترتيب الاثاث وتنضيمها ... عافتني امي وضليت كاعده على واحد من التخامه . بصفي بكجتي . واباوع لبطني ... يا ترى راح يشمروني بلشارع . لو شراح يسووونن ....
.
على اثر الصفنه كمت ضليت اطب بلغرف . غرفه وره
اول غرفه طبيت . باخشابها الزاهيه . فتحت جرارها وشفت العطورات المتروسه عرفتها غرفه عمي ...
انتابني الفضول اشوف شبيها . فتحت اول كنتور شفت ملابسه العسكريه والقوط وجوه مسفطه الفالينات والشورتات ... ملابس البيت مسفطتهن ومرتبتهن .
سديته وفتحت الكنتور الثاني لكيت ملابسها وهم مرتبتهن بنضام ...
ضليت استمر لحد ما وصلت للخانات شفتها مخليه كراتين احذيه كلهن يعودن لعمي مصبوغات ومرتبات ومعزولات .
رحت شلت دوشك الجربايه وفكرت هم مخليه حجاب مثل ما جانت امي تخلي جوه راسه ابويه حتى يحبها وميشوف غيرها ... دورت ما لكيت شي ...
خليت وطلعت ... طبيت لغرفه ثانيه لكيت جربايتين معزولات وكنتتور بيهن ملابس يعرب وملابس خالد زوجي هم نفس التسفيط ...
دخلت لغرفه سفانه اضغر غرفه ما بيهن .. جانت حاطه صورة منظر طبيعي وره الجربايه وحاطه ام سبع عيون...
.
رحت للمطبخ لكيت ماعين مكومات وصخات ... قررت اغسلهن . كلهن
بدين غسلتهن كلهن . وانتظرت هسه يجون هسه يجون ... ماكو احد ....
.
.
.
خالد .......
........
اول يوم اباوع لعمي متنك وجهه عليه بلمحل . حاولت احجي ويا مطنكر ...
عمي خير خو ماكو شي ....
محمد : ماكو شي ...
خالد : احسك ضايج .
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
