حجر النرد .....
زينب علي ......
..............
بسعاد : شوفي ام حسين ... اريدج تفترين ع المنطقه وكل مره تجيبيها اليه اخيطلج بمكانها شي ابلاش ...
ام حسين : ها دبدي بعباتي وبين اكل للنسوان ...
بسعاد : وعيونج ابديلج . بس اريد فلوس شويه تحرك اشتري مصاريف الخياط هواي يحتاج ....
ام حسين : شوفي اني راح اكل لمره الضابط . يجوز عدها هواي خياطات .
بسعاد : ام حسين كل مره تجيبها اليه نص الفلوس تلج بيهن ....
فرحت ام حسين وهي تكلي : اييي هيج الحجي ...
ام حسين : تعاي خل اعرفج عليها .....
.
.
طلعنه اني وياها وبديت اسألها: ام حسين انتي شلون تعرفيها ....
ام حسين : والله مرات تصيحني انضف الها المكان والي سمعته رجلها ضابط واسمه فارس ابو أمير ..
بسعاد : انتي ذيج المره مو كلتي معلمه ....
ام حسين : شوفي اني سمعت هي جانت مطلكه وحتى بزر عدها ويكلج شايفها ابو أمير ومطلكها من رجلها وماخذها ....
بسعاد : بيني ما بين نفسي كلت راح تسولفلي فلم هندي ام حسين وتبدل اميتاب بابو أمير ...
اكلج ام حسين احنه وين عايشين ويطلكها من رجلها شنو هالسوالف.....
ام حسين : والله اني سمعت بعد ما ادري صكد جذب ما ادري ....
ضلت تسولف عنها طول الطريق جسم عيون جمال شعر اناقه وتوصفها باجمل احلام ام حسين : لابسه ذيج التنوره الكبس الترد الروح جنها لعابه ....
وصلنه لبابهم وديت الباب قوي . وصت ناعم من وره سياج ضخم وهي تصيح : منووو .
جاوبتها ام حسين بعلو صوتها : انه انه ام حسين ....
فتحت الباب وطبينه سويه واشوفها ايه من الجمال ومتلتله بالذهب من فوكها لرجليها... حتى اذانها مشروطه من التراجي
وكل بوري حجل برجلها شكبره وطابكه ثنين ثنين .
: سلمت عليها .
سلمت بس ضلت عيونها تباوعلي تريد تعرف منو اني ....
اني بدون كل مقدمات استحيت من شفتها متثاقله مني بسرعه فتت بلموضوع : اني خياطه وخياطي حلو شتردين اني اخيطلج وسعري زين رخيص وبيج خير ودللي ...
ضحكت وهي تشوفني كتيتهن كلهن : اي تفضلن.
مشت ومشينه وراها لحد ما وصلنه للاستقبال وكعدنه بيها . وهي تحجي وي ام حسين . مريلي هليام عن قريب يجي ابو أمير . اريد شويه ترتيبات ....
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
