حجر النرد .....
زينب علي .....
.............
بسعاد ....
.....
مثل الصدأ من ياكل بلحديد الحزن اكل كلبي ونهش كل ذره فرح عندي ..... اخذ مني ضحكتي و وفرحتي وبسمتي وكل امل عندي ... اخذ مني طفوله محروقه بين تقاليد واعراف ... اخذ مني شباب لجريمه ما اقترفتها ايدي .... ما جنت محسبه حساب راح يصير هيج لحد ما طب علينه فراس وهو يركض مثل المجنون ويلعث ويصيح : يمه يمه وين اروح ...
عيونه تتخطف وكأن ملك الموت يركض ورا ... تصرفاته مضطربه يركض بين الغرف وهو يسحل مرته ويصيح بعلو صوته : ولج كووووومي...
وهي ترد عليه متفاجاه: شكووو شكووو ...
فراس : لج كووومي كومي اخذي الجهال ويلا خل نطلع .
حاولت امي تحجي ويا : ولك شبيك دفهمني منو يركض وراك ...
كام يدك على راسه وهو يصيح : ولج يمه ركعته بطابوكه وساح دمه ..
دكت امي على كصتها وعلى خدودها وضلت تندب حظها : صخام الوجه ... اهووو امده حظي الاغبر ولك شصار بي ومنو هذااااااا ....
كام يبجي وهو يصيح : واحد اضن ضابط مدري شنو ما ادري يمه والله ما ادري منو هوه ماااا ادري ......
البيت كله مذعور ومخبوص وعدم تواجد ابويه بنفس الوقت زاد الطين بله . ضلينا منعرف شنصرف . لحد ما صاحت امي ابن اختي يشوف ابويه : امي بيبي شوف جدك بسرعه ....
وين الكا بيبي ....
تلكا بلكهوه اركض مو تتأخر واذا ما لكيته مر على ابو مروان وجيبه وتعال . كله ببيتي رايدك بشي ضروري عجل بلجيه ....
طلع سيوفي يركض يدور على ابويه وفراس مثل الممسوس امي تتوسل بي بس يكعد حتى يشوفون صورة حل اله . وهو مخبوص يلملم غراضه حتى يطلع وصيح : يمه على دقايق يطبون علينه .....
لم غراضه وطلع وراه بربع ساعه اجه ابويه وهو يسأل البرود : ها شكو ...
طكتها امي اله : فراس كتله واحد وشرد ....
بهت ابويه من الصدمه وضل صافن ويريد يعرف السالفه ستوه يريد يطلع اجتي دوريه أمن يم راسنه الخوف والعرب سيطر علينه اخذو ابويه وطلعو ....
ضلت امي تصيح ولتمت الناس وصار واحد يسولف للثاني بابن ابو فراس الي كتله ضابط وشرد .....
جان يوم اضلم وموحش ... واني اشوف عمامي وأولاد عمامي وأهل ابويه كلهم واكفين والهوسه والجوارين وكل واحد يحجي شكل وهذا يحجي بفلوس كم مليون وهذا يكول بلكي ما ميت وهذا يكول كذا ....
والحل الاخير الي توصلوله همه يرحون يسون كعده ويدزون شيخ العشيره وضلو مباحثات وحوارات لحد ما نص راح للتحقيق وره ابويه ونص راح لأهل الولد .....
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
