حجر النرد 🔞

١٩

حجر النرد ....

زينب علي .....

.
.
.
ثم تعود فارغاً ..!
لست متأكداً من أي شيء .. لا تكترث لشيء ..
لا ترغب بشيء .. لا تتمنى شيء .. لا تريد حتى التحدث ..
ترخي يدك من كل شيء ..
تهدأ .. تنطفئ .. تستسلم ربما ..
لا أدري ماذا يسمى هذا الشعور بالتحديد ..!
لا أدري اذا مازال هناك شعور حتى ..
أم أن الفراغ وصل إلى الروح هذه المره

#وبعد ..
‏ستستمر في معاناتك طالما مازلت تبحث عن شخص تلومه ..
حتى لو كان هذا الشخص هو أنت !

هووو انت .... انت ..... اي اني اني الي جاي تشوف عيوني بيت خالي من الروح .... خالي من ضحكه طفل وبجي .... وقت فراغ هوووووواي يطلع احمد للشغل اسوي الريوك وارجع انام اكعد الساعه بلوحده الضهر اسويله الغده لحد الساعه ب ٣ يكمل ب٣ ونص يجي ياكل اكل قليل وينام شويه فد نص ساعه يكعد اسوي جاي يشربه ويطلع . واضل وحدي محبوسه بلبيت . اكوم انضف اكوي ملابس وارجع اكعد بلقنفه ... فتحت القران قريت شويه . ورجعت .

ما عندي طاقه لا لعباده ولا لضحكه ولا لسالفه .

كمت على ميز المرايه اباوع لوجهي الي تغير بمرور الوكت . التجارب والحقد خلتني غير انسانه ....

طلعت صور زواجي وضحكت .... طفله اي والله طفله جنت مدللة ورحت ركض ع العرس . وخدمة العيال ...

واسمع كلبي يكلي ... اي موهذا الي كتلتي روحج عليه ... مو هذا الي موتي نفسج حتى تصيرين من قسمته ....

وعقلي يكلي ... كافي سفانه احمدي ربج واشكري كلشي مقسوم . ع الاقل عندج عافيه . غيرج يتخسر عليها ...

طبكت صوري وضميتهن بلكنتور ورجعت كعدت ع القنفه . صفنه بأثر صفنه يخلص نهاري .

عندي طبع لا احب جوارين . ولا الي اختلاط ابنات عمامي لو عماتي ولا خوالي هم . مبتعده عن الدنيا. جانت بس امي صديقتي . وهسه حتى بيت اهلي اكره اروحله من وره امر .... كلما اروح اكره حياتي . ويوميه اسمع من ناس ام احمد تريد تزوج احمد اني بينه ما بين نفسي اضحك ....
لو الصوج بيه جان اني لسه بعدني بذيج النكره وجان مرته الثانيه هنا بهذا البيت بس ربي رحمني الصوج بي ههههههه ...

حنيت لرب العالمين ولزمت سجاتي وسجدت لربي . ودعوه من كل كلبي . يا ربي هييلي طفل يا ربي والله كلبي خلص . دموعي ترسن وجهي واني ادعي يا ربي التفتلي التفاته كريمه منك يا الهي ... تعبت من هلوحده . تعبت من كل شي .....

.
.
.
.

ام يعرب .....
.........

اذكر بيوم زواجي كعدني ابو يعرب كدامه وكلي هذا كله بيتج امي مره جبيره وتعبانه كللللله هذا الج . اريدج تشيلين راسي كدام الناس واني ادري بيج متقصرين . انتي ام البيت . لتكولين امك وفلان وعلان اريد اكلي منج وعزايمي عليج ولبستي من ايدج اريد اتباهه بيج ما اريد تنزلين راسي يوم من الايام ....