حجر النرد 🔞

٤٧

حجر النرد .....

زينب علي ......

.............

سفانه ......
.....
مرت سنه وفاة امي والسنه الي وراها وابهر يكبر شي بشي وبده يشتد عوده ... الله خالقه عباره عن يعرب صغير ... بده يطول بحيث ما الحك على بالملابس بسرعه يطولن .
وشعره اشكر ذهبي وعيونه بلون عيون البحر . اباوعله ملاك محطوط . يربي هذا اذا تشوفه زلخيا تشنق نفسها مو بس تكص اديها هههه وكاعده واتغزل بي ... وهو بده يفتهم الحجي ويرجع عليه الجواب ... اني هلو(حلو)

يمه بعد امك تخبل ....

.
.
اخذ احمد هالفتره غيابه الي صار ملحوظ وبده تواجده يقل شي عن شي ...

واستمرت هلحاله ما يقارب شهر كامل وهنا جان لازم عليه اسأله : احمد صاير شي ؟؟؟؟

جاوبني بقلق : لا ليش ...

عيونه حاول يداري بيها شي مبطن ...

شنو شو صاير تتأخر يلا ترجع شنو البيت فندق بس للنومة

تضايق من كلامي وأبدى امتعاضه من طريقه تحكمي بي : شنو قابل اني طفل وكاعده تتحكمين بيه اطب واطلع ...

سفانه : شمتحكمه بيك هسه ؟؟؟! بس غير أسألك يابه يعني ليش تتأخر قابل هسه ما النه حق عليك .....

احمد : لا ما الكم انتي شفتي حياتج واختاريتي طريقج ...

سفانه : طريقيش الي اختاريته ها ... احمد طريق شنو ...

احمد : عايفتني ومجلبه بهذا الطفل ...

سفانه: احمد لتاخذ الطفل حجه سولفلي شبيك ...

احمد : اهووووووووو منخلص ....

عافني وطلع . واني باهته . شنو معقوله هذا احمد هيج يحجي ..

.
.

يوميه يرجع متأخر إلى أن يوم شفت علامه بركبته ...

نجنيت فقدت اعصابي ... لك احمد فهمنييييي وكلي منو الي خذتك مني احمد ولك كلييي شلون طاوعك كلبك تخوني ...

اصيح بجنون وهو يحاول يهديني قلقان: شبيج وحده مره لزكتلي لزك ...

جن جنوني جوابه : لزكتلك احمدددد ... حتى عذرك أقبح من فعلك احمدددد ....

كافي عاد لتسويها قصه ....

لبس ملابس وراد يطلع واني جنت ميته حسيت نار وسعرت بكلبي ...

وكفته : اذا تريد تطلع وديني لأهلي يلا تروح ...

من هلحظه حسيت بانكساري حسيت ما عندي سند .

رحب بالفكره وهو يكلي يلا اخذيها يومين اهدي واحجي وياج ....

سفانه : لتحجي وياي ابدددد ولا اريد اشوف خلقتك بعد ....