AS1: RISK [✔]

24

Chapter 24
Zari

Years later has already passed. Napag-isipan ko nang umuwi sa Pilipinas. I already booked a ticket last night. Ang kulang nalang ay kung paano ko ito sasabihin kay Suji. Alam ko kasing ayaw nya munang bumalik doon kasi nandito ang jowa nya.

Si Shawn.

They fell in love with each other after Suji healed. Magaling na rin si Shawn sa Tagalog kasi tinuruan rin sya ni Suji. They are perfect for each other.

[Talaga ba? Uuwi ka na talaga?] nagningning ang mga mata ni Reign. Ka Face Time ko kasi sya ngayon. [Paano naman yung isang gaga? Uuwi rin daw ba?]

"Ewan," I shrug my shoulders. "Alam mo namang may jowa na. Baka ayaw pa."

Napairap si Reign kaya natawa ako. [Jowa amputa. Nakamove on na ba talaga iyan sa ex nya?]

"Hoy! Nakamove on na iyon! Grabe ka naman kay Suji." kaagad na sabi ko.

I believed in Suji. Alam ko na simula noong sinagot nya si Shawn...healed na talaga sya. But still, I'm not contented. I still can't forget when she told me that she wants to revenge on her ex.

[Oh sige na nga. Naka move on na.] napabuntong hininga si Reign. [Eh, ikaw kaya? Naka move on na ba?] biglaang tanong ni Reign, inaasar ata ako nito, eh.

Napanguso ako sa tanong nya. "Susunduin mo ba ako sa airport?" pagchange ko sa topic, napansin nya naman kaagad iyon kaya tinawanan nya ako. "Tumigil ka nga, Reign."

Napahalakhak lamang sya. [Depende sa sagot mo.]

"Nakamove on na ako! May asawa na kaya sya!"

Reign just laughed at my answer so I decided to end the call. Mahirap ba talagang paniwalaan na nakamove on na ako? Hindi naman ako masyadong nalunod sa pag iibigan namin para mahirapang bumangon, eh.

Lmao. Napaka clown ko talaga sa sariling nararamdaman ko.

"Suji," tawag ko kay Suji.

Nakaupo sya sa hita ni Shawn na nakaupo sa sofa. Kumakain sila ng popcorn habang nanonood ng movie. Galing sa tv, ibinaling nya sa akin ang tingin nya. Nagtaas pa sya ng kilay, hinihintay ang susunod na sasabihin ko sa kanya.

"Pwede ba tayong mag usap?" kalmang pagtanong ko.

Nilingon nya muna saglit si Shawn bago tumayo na at tumungo sa balcony. Ako naman ay sumunod sa kanya. Nilingon nya ako. "Bakit? May problema ba?"

"Ano kasi..." I sigh. "May plano ka bang umuwi sa Pilipinas? Ano kasi eh, uuwi na kasi ako. Balak ko kasi na doon na maghahanap ng permamenteng trabaho."

Saglit na natigilan si Suji sa sinabi ko pero kaagad ding nakabawi. "May plano naman pero next month na ata? Gusto kasi ni Shawn na sumama sa akin pauwi sa Pilipinas. He wants to meet Mama and Papa." ngumisi sya sa akin kaya napairap ako. "Tamis, noh?"

"Siraulo." sabi ko. "Sige, mauuna ata ako sa inyo. Nag book na kasi ako ng ticket ko pauwi. Hindi ako nakabook ng ticket para sayo kasi hindi naman ako sigurado kung may balak ka ba na umuwi."

Napatango si Suji. "Oh sige, okay lang naman sa akin. Mas mabuti iyon para kami nalang ni Shawn dito," she rolls her tounge in her lips.

Napailing na lamang ako kay Suji kaya tinawanan nya kaagad ako.

Alam nila Shawn at Suji na next week ay uuwi na ako patungo sa Pilipinas kaya kaagad nila akong inaliw. We even planned on going to the bar. Sinuot ko na lamang ang color black na Satin Dress ko at ipinares ko naman ang color silver na sandal ko.

Nakatitig ako nang matagal sa kwentas na binigay sa akin ni Gin noon. I want to wear it but I know for sure that Suji will tease me. Kaya kaagad ko na lamang itong itinago. I just chose to wear a different necklace. Hindi nga lang ako masyadong komportable roon. Iba pa rin yung kwentas na binigay sa akin ni Gin noon.