AS1: RISK [✔]

25

Chapter 25
Zari

"Nakaadjust na po ako sa trabaho, Ma. Magpapatulong na rin po ako kay Reign sa paghahanap ng condo ko na malapit lang sa pagtatrabahuan."

We're eating lunch today. Wala si Papa, may seminar daw sila ngayon. Weeks has already passed, nag apply ako sa kompanya ni Tito Carlos- Papa nila Kaia at Ren. Ayoko kasi na ako ang nagmamay-ari ng kompanya. Gusto ko lamang maging isang normal na Engineer. Buti nalang at pinayagan ako nila Mama at Papa.

Natigilan si Mama sa pag kain at sinamaan ako ng tingin kaya napakunot ang noo ko. "Condo?" medyo tumaas ang boses nya pagkatanong nito. "Aalis ka rito sa bahay? Bakit? Kulang pa ba ang pag-aalaga namin sa iyo, Zari?"

I sigh. Ineexpect ko talaga ito kahapon pa. "Ma," inabot ko ang kamay nya at hinawakan ito para pakalmahin sya. "I am already a grown-up woman. I need to stand up by myself. Dito naman po ako matutulog kapag wala na akong trabaho."

"Pero mamimiss kita," napanguso si Mama. "Limang taon ka sa US tapos pag uwi mo rito, sasabihin mo sa akin na lalayo ka na naman?" sinamaan nya ako ng tingin. "Ayaw mo ba sa amin ng Papa mo, Zari?"

Napabuntong hininga ako. "Ma, mahal ko po kayo. I just need to be independent. Ayokong masyadong magdepend sa inyo tsaka malayo po ang bahay natin sa workplace ko." pagpapaliwanag ko.

Tumahimik si Mama dahil sa sinabi ko. I bite my lips. I feel guilty for deciding on living on a condo without them but I really need to this. Kailangan kong tumayo sa mga sarili kong paa.

"Mama please," hinawakan ko ang kamay nya.

Mama sigh. "Mag-uusap tayo ulit pag nandito na ang Papa mo."

Napailing na lamang ako. Pagkatapos naming kumain, agad na akong pumunta sa kuwarto ko. I decided earlier to review the design that one of the architects in our office sent me. Napabuntong hininga ako nang mapansin na ang daming iadjust dahil sa design na binigay nya para irenovate yung condo ng client namin.

Napalingon ako sa phone ko nang mag ring ito. It's Reign. Kaagad ko itong kinuha sa bedside table ko bago sinagot.

"What? I'm busy, Reign." sabi ko pagkasagot ko sa tawag ni Reign.

[Punta tayo mamayang 7PM sa LCE Club.] sabi nya sa kabilang linya.

Napairap ako kahit hindi nya ito nakikita. "As what I've said earlier, busy ako, Reign. Mag-aya ka nalang ng iba o di kaya matulog ka katulad ng dati."

[Narinig kita kanina na busy ka. Alam ko, okay? Pero may pake ba ako?]

"Bahala ka. May inaasikaso ako, Reign. Tumahimik ka diyan."

She chuckles. [Dali na. We need to support Ren. Magpeperform yung banda nila sa LCE Club. Ano na? Pupunta tayo o hindi?]

Natigilan ako sa sinabi ni Reign. Banda? Bakit may banda si Ren? Diba dapat guro na sya ngayon? Naguluhan ako kaya para ma-ease yung naguguluhan kong utak, sinabihan ko si Reign na pupunta ako kasama sya. Natuwa naman ang gaga.

After the call, nireview ko ulit ang design. Tinawagan ko ang architect para naman matanong ko sa kanya kung ano ang iba rito. Tsaka nagtanong din ako kung okay lang ba sa kanya na baguhin ang iba kasi lalampas na kami sa budget na inilaan ng client namin. Pumayag naman kaagad sya kaya natuwa ako.

"Ma, walking lang kami ni Milo!" paalam ko bago lumabas na kasama si Milo.

Nakatali sya. Hawak ko lamang ito habang naglalakad kami. I even take pictures of us together. Napapangiti lamang ako habang nakatingin kay Milo. I can't imagine how big he is right now. Dati ang cute at ang taba nya pang puppy! Hindi nya nga maabot ang bewang ko. Hanggang tuhod lamang ang abot nya kada nag-a-up sya.