في سري قلت الإسقاط النجمي دا شنو؟ ضربت ليها الباب و دخلت ،طول قعدتي معاها حاولت اعرف منها هي كانت وين و بتمشي وين و بتعمل شنو بس هي ردودها كانت مختصره و بترد علي بعد مسافة ، واضح إنها ما عايزا كلام مع زول 💔
قلت احسن اخش قوقل و اشوف الإسقاط النجمي دا شنو لأني ما حصل سمعت بيهو ، اول ما دخلت قوقل و قريت انو استغربت و انصدمت شديد مكتوب عنو:
ﺍﻹﺳﻘﺎﻁ ﺍﻟﻨﺠﻤﻲ ﺃﻭ ﺍﻹﺳﻘﺎﻁ ﺍﻷﺛﻴﺮﻱ بالإنجليزية (astral projection )...
ﻫﻮ ﺗﻔﺴﻴﺮ ﺍﻓﺘﺮﺍﺿﻲ ﻟﺤﺎﻟﺔ ﺍﻟﺨﺮﻭﺝ ﻣﻦ ﺍﻟﺠﺴﺪ ﻭﺫﻟﻚ
ﺑﺎﻓﺘﺮﺍﺽ ﺃﻥ ﻫﻨﺎﻙ ﻫﻴﺌﺔ ﻧﺠﻤﻴﺔ ﺗﻨﻔﺼﻞ ﻋﻦ ﺍﻟﺠﺴﺪ ﺍﻟﻔﻴﺰﻳﺎﺋﻲ ﻗﺎﺩﺭﺓ
ﻋﻠﻰ ﺗﺮﻙ ﺟﺴﻤﻪ ﻭﺍﻟﺴﻔﺮ ﻋﺒﺮ ﺍﻟﺠﺴﻢ ﺍﻷﺛﻴﺮﻱ ﻷﻱ ﻣﻜﺎﻥ ﻳﺮﻳﺪﻩ. ﻭﻓﻜﺮﺓ ﺍﻹﺳﻘﺎﻁ ﺍﻟﻨﺠﻤﻲ ﻣﻮﺟﻮﺩﺓ ﻣﻨﺬ ﺍﻟﻘﺪﻡ ﻓﻲ ﺍﻟﻌﺪﻳﺪ ﻣﻦ ﺍﻟﺪﻳﺎﻧﺎﺕ ﺣﻮﻝ ﺍﻟﻌﺎﻟﻢ، ﻭﺗﻌﺘﺒﺮ ﻛﺬﻟﻚ ﺃﺣﺪ ﺃﺷﻜﺎﻝ .ﺍﻷﺣﻼﻡ ﺍﻟﺠﻠﻴﺔ ﻭﺍﻟﺘﺄﻣﻞ ﻭﻗﺪ ﺷﻌﺮ ﺑﻌﺾ ﺍﻟﻤﺮﺿﻰ ﺍﻟﺬﻳﻦ ﻳﻬﻠﻮﺳﻮﻥ ﻭﺍﻟﺬﻳﻦ ﻋﺮﺿﻮﺍ ﺃﻧﻔﺴﻬﻢ ﻟﻠﺘﻨﻮﻳﻢ ﺍﻹﻳﺤﺎﺋﻲ ﻭﺍﻟﻤﻐﻨﺎﻃﻴﺴﻲ ﺍﻟﺬﺍﺗﻲ ﺷﻌﺮﻭﺍ ﺑﺸﻌﻮﺭ ﻣﺸﺎﺑﻪ ﻟﺤﺎﻟﺔ ﺍﻹﺳﻘﺎﻁ ﺍﻟﻨﺠﻤﻲ. ﻭﻋﻠﻰ ﺍﻟﺮﻏﻢ ﻣﻦ ﻭﺟﻮﺩ ﺑﻌﺾ ﺍﻷﺷﺨﺎﺹ ﺍﻟﺬﻳﻦ ﻳﺪﻋﻮﻥ ﺃﻧﻬﻢ ﻗﺎﺩﺭﻭﻥ ﻋﻠﻰ ﺍﻟﻘﻴﺎﻡ ﺑﺎﻹﺳﻘﺎﻁ ﺍﻟﻨﺠﻤﻲ ﺇﻻ ﺃﻧﻪ ﻻ ﻳﻮﺟﺪ ﺩﻟﻴﻞ ﻋﻠﻤﻲ ﻋﻠﻰ ﻫﺬﺍ، ﻟﺬﻟﻚ ﻓﻬﻮ ﻳﺼﻨﻒ ﺿﻤﻦ ﺍﻟﻌﻠﻮﻡ ﺍﻟﺰﺍﺋﻔﺔ. ﻭﻗﺪ ﺑﺎﺋﺖ ﺍﻟﻌﺪﻳﺪ ﻣﻦ ﻣﺤﺎﻭﻻﺕ ﺍﻟﺘﺤﻘﻖ. .ﻣﻦ ﺍﻟﻈﺎﻫﺮﺓ ﺑﺎﻟﻔﺸﻞ...
كما أنا أيضا أوافق على أنه لا وجود أمر كهذا ، لأن نحن نعلم أن الإنسان لا تخرج روحه إلا أثناء الموت .
و لكن هناك شيء آخر يمكنك أن تقول عنه أنه الإسقاط النجمي ..
هو عبارة عن تجسيد العالم الحي الحقيقي كما هو ، إلى حلم و هذا عن طريق ممارسة طقوس قبل أدائها كالوقت المحدد ، و الهدوء ..
فإن نجحت بإتمامها فيأتي أحد المخلوقات الأخرى (الجن أو الشياطين ) ليلعب بحلمك و يجعلك تظن أنك خرجت من جسمك لتقوم بما يحلو لك ، كالسفر بعيدا و الطيران و التجسس و فعل ما يحلو لك لكن دون وضع علامة مادية (كالشبح ).......الخ )
و تاني قريت عدة مقالات عنو و نظريات و قصص كتيره لناس قالوا إنهم جربوا الإسقاط النجمي ، بس العلماء بقولوا ماف دليل على صحة الكلام دا ، و الروح ما بتطلع من الجسد إلا لمن الإنسان يموت معناها في تفسير تاني للكلام دا ، في المقالة ال5 قريت قصة لزول قال حصل معاهو اسقاط نجمي اثناء ما كان في غرفة العمليات و شاف نفسو و هو مرقد على السرير و الدكاتره حولينو بعمل ليهو في العملية ، في ناس صدقتو و في ناس لا ، المقالة البعديها بتقول انو الإسقاط النجمي هو خروج الروح عشان تتجول و ممكن تمشي ابعاد و اماكن مختلفه (يعنى ما وراء الطبيعة ) حتى ممكن تمشي لعالم الجن و ممكن تمشي تشوف زول معين و تتوالي القصص وحده ورا التانيه ، في علماء صدقوا الكلام دا و قالوا بحصل عادي و إنو الله أدى الإنسان العقل عشان يستكشف بيهو و يبحث و يطور و استدلوا بالآية (لعلكم تعقلون ) أما باقي العلماء زي ما قلت ليكم قالوا الروح ما بتطلع من الجسد إلا عند الموت و فسروا الكلام و القصص دي بإنها من صنع العقل (اللاوعي ) بتحصل لمن الزول يكون بين الوعي و اللاوعي زي مثلا لمن زول يدوخ مش بنقول فقد (وعيو) و لمن زول فجأة يصحى من النوم و يقول كلام ما مفهوم ، و لمن يصحح و يقولوا ليهو انت قلت كدا و كدا مش بنكر و بقول ما قلت أو بقول ما متذكر؟ و قالوا يمكن تكون مجرد احلام بتنسجها ليك الشياطين و قالوا ماف داعي الناس تتابع الروحانيات و القصص دي لأنها بتأدى إلا ما لا يحمد عقباه و استدلوا بقوله: (وَلا تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُوْلَئِكَ كَانَ عَنْهُ مَسْئُولًا) [الإسراء:36]؟) بمعنى الزول ما يفتى في حاجه ما عندو بيها علم ، و بقوله تعالى:
﴿وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَآ أُوتِيتُم مِّنَ الْعِلْمِ إِلَّا قَلِيلًا﴾
[الإسراء: ٨٥]
و بكدا قالوا الروح ما بتطلع من الجسد عند الإسقاط النجمي و ماف زول بعرف حاجه عن الروح و ماف زول قدر يفسر الروح هي شنو الله وحده هو العالم و العارف.
قريت عن مخاطر الإسقاط النجمي ممكن يأدى إلى الموت أو الجنون أو المس فالعقل بطلع من نطاق اللاوعي و دا بأدى للجنون متابعة الروحانيات و اداء طقوس الإسقاط النجمي ممكن يجلب الشياطين و دا بأدى للمس ، الإسقاط النجمي ما حاجه جديد لأنو من زمان و ليهو قرون و في نظريات كتيره اتكلمت عنو و كتب فلسفية كتير عنو و أي زول بقول كلام براهو ، ما عارفه بس حسيتو زي الدجلة و الشعوذة و طقوس جلب الشياطين و حاجه بالشكل دا فالأحسن الناس تبعد عنها.
قلت معناها سجود بتعمل الحاجات دي؟ بس كدا حتضر نفسها ، لازم اتصرف بسرعة قبل ما تحصل ليها حاجه ....
ملحوظة: الإسقاط النجمي و غيرها من الظواهر الغامضة احسن الناس تبعد عنها و ما تدخل نفسها في دوامة الغموض دي ، في حاجات بتحصل لا عندها اثبات لا عندها تفسير احسن نتجاهل و نكمل حياتنا عادي من غير ما نغوص في بحور اللاوعي.
يتبع......
