DIAMOND RING

Episode 10

Jin එහෙම්මම ගියේ Su-Mi ව හම්බ වෙන්න. Jin එක්ක J-Hope හිටියත් එයා හිටියෙ වටේ පිටේ කවුද ඉන්නෙ කියන කල්පනාවෙන්.

Jin සිද්ධ වෙලා තියෙන දේ පැහැදිලි කරද්දි කෙල්ල නම් හිටියෙ ඇස් දෙකත් උඩ දාගෙන. එයාට තාම හිතා ගන්න බෑ තමන්ගෙ ලෝකෙදිම කෙනෙක් ආත්මයක් වුනේ කොහොම ද කියලා. අනික එයාලාට මෙහිදි ප්‍රශ්නයක් නැතුව ඉන්න පුලුවන් වෙලා තියෙන එක ගැනත් කෙල්ලට තාම තේරුම් ගන්න බැරුවයි හිටියෙ.

Su-Mi විතරක් නෙවේ මේ වෙලා තියෙන දේවල් ගැන කාටවත්ම හිතා ගන්න බෑ. Jin නුත් හිටියෙ මේ දේවල් මෙහෙම වුනේ කොහොම ද කියලා කල්පනා කර කර.

"Oppa."

Su-Mi කතා කලේ Jin දිහා බලන්. කෙල්ලගෙ මූණ දුකින් පිරිලා. කෙල්ල දුක හංගන් කතා කලේ Jinගෙ හිත රිද්දන්න බැරි නිසා. Su-Mi දන්නවා Jin කොයි තරම් නම් තමන්ගෙ නංගිලා දෙන්නට ආදරේ කරනවා ද කියලා. ඒ නිසා කෙල්ල Jin ඉස්සරහා වචනයක් වත් ඒ ගැන කතා නොකර ඉන්න පරිස්සම් වුනා.

"Oppa... මට තියෙන ප්‍රශ්නෙ කොහොම ද ඒ දෙන්නා ඒ විදිහට ආත්ම වුනේ කියලා? ඒ කියන්නෙ මේ ඉන්න දෙන්නාත් අපේම ලෝකෙ අය ද?"

කෙල්ල ඇහුවෙ මෙච්චර වෙලා හිතේ තෙරපි තෙරපි තිබ්බ ලොකුම ලොකු ප්‍රශ්නෙ.

"අනි. එයාලා අපේ ලෝකෙ අය වෙන්න බෑ. මායි J-Hope වුයි ඒ ගැන සෑහෙන්න හෙව්වා. ඒත් මෙයාලා වගේ දෙන්නෙක් ගැන කිසිම තැනක සඳහනක් නෑ."

Jin කිව්වෙ හොඳට හිතලා. කෙල්ල නභ් කටත් උල් කරන් කල්පනා කරන්නෙ මේ අය කොහෙන්ද ආවෙ කියලා.

"ඒ කියන්නෙ මේ අය ඒ ලෝකෙ අය ද?"

"දේ... මේ අය ඒ ලෝකෙ අය වෙන්න ඕනි... ඒත් තාම අපිට confirm ම නෑ. ඒක confirm කර ගත්තා නම් මොකක්ම හරි කරන්න තිබ්බා."

"ඒත් hyun... අපිට මේ අය ඒ ලෝකෙ අය ද කියලා හොයලා බලන්න නම් ලබන හඳ පායන දවස වෙනකම් ඉන්න වෙනවා නෙ. එතකන් අපිට ඒ ලෝකෙට යන්න විදිහක් නෑනෙ."

"දේ... ඒක තමා මාත් කල්පනා කලේ... එයාලාව හඳ පායනකම් නතර කර ගන්න වෙනවා. එහෙම නැත්තම් මේ කිසි දෙයක් ගැන හොයා ගන්න වෙන් නෑ."

Jin කිව්වෙ හිටපු ඉරියව්වෙන්ම කල්පනා කර කර.

"Ji-Min කිව්වා ඒ දෙන්නාව නතර කර ගන්න නම් විදිහක් බලන්නම් කියලා. බලමු. අද රෑට අපි මේ ගැන තව කතා කරමු අනිත් කට්ටියත් එක්ක. සමහර විට මොනා ම හරි විස්තරයක් දැන ගන්න පුලුවන් වෙයි."