DIAMOND RING

Episode 28

කාලය ගෙවිලා ගියේ හිතා ගන්නවත් බැරි වේගෙකින්. Ji-Min, JK විතරක් නෙවේ Eun ලාගෙ පවා හිත්වල තිබුනෙ අමුතුම හැඟීමක්. හැමෝම තම තමන්ගෙ හිත් එක්ක හැම රෑකම තනියම යුද්ද කලා. ආදරය, වේදනාව, දුක, සතුට වගේම තමන්ගෙ කියන හැඟීමත් එක්ක හැම හිතකටම අයිතිකාරයෙක් හිටියා. කෑ ගහලා නොකිව්වත් සමහර හිත් වෙන් වෙලා තිබුනෙ කියා ගන්න බැරි ආදරයක් එක්ක. ඒත් දෛවය ගොඩක් ගැටලු ඉතුරු කරලා තිබුනා. ඒ නිසා සමහර ආදර කතා හිත් ඇතුලට ම විතරක් සීමා වුනා. යන්තමින්වත් එලියට නො එන්න. ඒත් උපරිමයෙන්ම රැක ගන්න.

Nam Joon වැඩි හරියක් ම කලේ නූරාට උගන්නපු එක. එයා, එයා දැනන් හිටපු හැම දේම වගේ නූරාට කියා දුන්නා. දැන් Nam Joon විතරක් නෙවේ නූරාත් කිඳුරු රාජධානියෙ ප්‍රතිකාර කරනවා. ඒ පොරොන්දු වුන විදිහටම Jin හදලා දීපු පුංචි ගන්ගම් වල. ගන්ගම් තරම් විශාල නොවුනත් ගන්ගම්වල මතක ගොඩක් පුංචි ගන්ගම්වලත් ඉතුරු වෙලා තිබුනා. ඒ නුරා යි රෝසුයි එක්ක. ඒ නිසා රාජ්‍යයේ මූලිකම රෝහලට ගන්ගම් කියලා නම දාන්න Nam Joon ට වුවමනා වුනා. කාලයත් එක්ක හැමෝම කිව්වෙ පුංචි ගන්ගම් කියලා. ඒ... තාමත් ගන්ගම් ප්‍රතිකාර මධ්‍යස්ථානය රෝගීන් අමතක නොකරපු නිසා. ඒ නිසා රාජධානියේ හැමෝම වගේ ගන්ගම් රෝහල, පුංචි ගන්ගම් විදිහට හැඳින්වුවා. Nam Joon තමා ගන්ගම් රෝහලේ පූර්ණ භාරකාරත්වය දැරුවෙ. Nam Joon යටතේ නූරාත් පුහුණු වුනා. ඒ එයාගෙ උපන් හැකියාව ප්‍රයෝජනයට ගනිමින්.

**************************************

පුංචි ගන්ගම්වලට ඕනි කරන ඖෂධ ගේන්න සතියට දවස් දෙකක් Nam Joonනුයි නූරායි ගන්ගම් ගියා. ඒ... එහෙ වැඩ කටයුතු ගැනත් හොයලා බලන්න එක්ක. Nam Joon හිටියෙ වෙනදටත් වඩා ප්‍රබෝධයෙන්. එයා පණටත් වඩා නූරාව ආරක්ෂා කලා. ඒ... තාමත් 100% ක්ම කෙල්ල ශක්තිමත් නැති නිසා. නූරාත් පුලුවන් හැම වෙලාවකම Nam Joonට උදව් වුනා. ඒ එයා වැඩියෙන් ම ගරු කරපු අය අතර Nam Joon ව සුවිශේෂී වුන නිසා. Jin වගේම Nam Joon ගැනත් තිබුනෙ නූරාට නම් එකම හැඟීමක්. ඒත් Nam Joon ට නම් නූරා එයාගෙ හැම දේම. කොල්ලා ඒකයි හැම වෙලේම කෙල්ල ළඟින් නො හෙල්ලුනේ.

**************************************

Ji-Min, Hae එක්ක Hobii ආවෙ ගන්ගම් ගිහින් එන දෙන්නව එක්ක යන්න. Ji-Min Haeත් එක්ක හෙවන තැනකින් ඉඳ ගත්තා. Hobii හිමීට වෙරළ දිගේ ඉස්සරහට ගියේ තනියමම. කොල්ලා ලොකු කල්පනාවක අතරමං වෙලා. Hobii කල්පනා කර කරම ගලක් උඩින් ඉඳ ගත්තා. Hobii කල්පනා පිටම හිටියෙ Hae ලා දිහා බලාගෙන. එයා එයත් එක්කම වාද කරනවා.