"နိုးပြီလား ကလေး လာ မမ ကလေးအကြိုက် ရှမ်းခေါက်ဆွဲလုပ်ပေးထားတယ် "
အိပ်ချင်မူးတူးနဲ့မမနောက်ကျောကိုဖက်ရင်း မှေးနေတဲ့ အမရာကို မမက အနောက်လှည့်ကာ နဖူးပေါ်သို့ အနမ်းခြွေချလေသည်။
"မမ ဒီနေ့ဆေးရုံမသွားဘူးလား "
အမရာ့စကားကြောင့် မမက သဘောကျစွာရယ်ရင်း
"ဒီကလေး အိပ်ချင်မပြေသေးဘူးထင်တယ် ဒီနေ့ မမနားရက်လေ "
အမရာသိပါတယ် ဒါပေမယ့်လည်း နားရက်မှာတောင် တစ်ခါတလေ ဆေးရုံမှာသာနေပြီး စာတွေလုပ်နေခဲ့တာ အမရာကသာ ဆေးရုံကို
လိုက်သွားပြီးတွေ့ရမြဲ အခုကျတော့ အမရာဆီကို အစောကြီး
ရောက်လာသည့်အပြင် မနက်စာပါပြင်ပေးနေသည်။
"မဟုတ်ပါဘူး မယုံနိုင်လို့ ဒါဆို ရှားရှားပါးပါး အမရာနဲ့ ဒီနေ့တစ်နေ့တာ ကုန်ဆုံးရမှာပေါ့ "
အချိန်အကြာကြီး မမ ရင်ခွင်ထဲမှာနေပြီးနောက် မနက်စာစားဖို့ပြင်လေသည်။
"ဒါနဲ့ ကလေး မနက်က ဖုန်းဆက်လာတာ ဘယ်သူလဲ
ကောင်လေးတစ်ယောက် "
ရုပ်တည်ကြီးနဲ့ အမရာကိုကြည့်ကာ မေးလာသည် အမှားမလုပ်ထားတဲ့ အမရာတောင် ကိုယ့်ကိုယ်ကို အပြစ်မကင်းသလိုခံစားရလာသည်။
"ဟမ် "
အမြန်ပင် အနားကဖုန်းကိုကောက်ကိုင်ကာ call history ကိုပြူးပြဲကာရှာကြည့်လိုက်သည်။ ပြီးမှ မမကို ပြုံးပြကာ
"သြော် EC လေ ကျူရှင်လခတောင်းတာ အမရာမေ့နေတာ "
ထိုအခါမှကျေနပ်သွားတဲ့မမက အမရာရေခွက်ထဲရေထည့်ပေးနေသည်။
"ဟုတ်ရဲ့လား သုံးစရာလိုရင်မမကိုပြောနော် "
ယူတောင်မယူရသေးဘူး မမရဲ့လစာတွေက အမရာအပိုင်ဖြစ်နေသည်။ အမရာကယော ပေးတိုင်းယူမည်ထင်လား။
"မလိုပါဘူး မမရဲ့ မေမေလတိုင်းပို့ပေးနေတာ သုံးမကုန်ဘူး "
ဖေဖေဆုံးပြီးနောက် မေမေက နောက်အိမ်ထောင်ကျတော့ အမျိုးသားရှိတဲ့ ဘန်ကောက်မှာသာသွားနေသည် အမရာကို ခေါ်ပေမယ့်လည်း အမရာက မြန်မာနိုင်ငံမှာ သာနေမည်ဟုဆိုသောကြောင့် မေမေက လတိုင်း အသုံးစရိတ်ပို့ပေးနေခြင်း။
YOU ARE READING
Oh, my baby, you're so annoying!
Short Story"ကျွန်မက ရှင့်မှတ်ဉာဏ်တွေထဲမှာ အချိန်အကြာကြီးရှင်သန်သွားချင်တာ"
