I don't need anything but you {j.jk ff}|mizo version|☑️

twenty five

Jungkook POV

Ka hun kal tawh ka ngaihtuah a. Ti em em hian hmeichhe pakhat vang a ka tawrh ka ring ngailo.

Ka hma hun ka ngaihtuah thiam lo a. Enge lo thleng dawn pawh ka hrelo. Mahse beisei na sang tak ka nei. Enge ka beisei tak pawh ka hre chuang lo.

"Hyung,min ngaidam dawn nia. Aerum chu ka ti hlim ve thei silo a" ka hriat tawk lek chuan ka ti sep a. Ka phone a Yoongi hyung nen a kan thlalak chu ka en a.

"Engtik ah mah nang chu ka tluk thei ngailo ang che. Engtik ah mah. I hmun awl hi ka luah khat zo ve lo ang." Engtik in nge ka mittui a tlak chu ka hrelo. Mahse dan ka tum lo.

A chang chuan ka nun hman dan hi ka hne a. Hmangaih na a mi vanduai an awm thin tih ka hria. Mahse chumi te zing ami Chu ka nih ka ring ngailo.

"Ka nupui chu khawvel a ka hmeichhe hmangaih ber ani tur ani"  tih ka sawi lai khan kum12 bak ka la nilo. Yoongi hyung nen a kan hmeichhe duhthusam kan sawi hmasak ber ni.

"Nupui ka neih hunah chuan ka bulah i ding anga,keipawh i bulah ka ding ang!" Yoongi hyung an a tih lai te kha ka mitthla ah alo lang a. Keimah chuan ka khi leh vur2 a. Mi â Chu ka lo ni ngei e.

"Chewing gum hi hmeichhe ho thut na ah kan dah anga. Chuan heng pen colour ho hi mipa ho kan tat dawn nia" kum15 mi Yoongi hyung chuan ati leh a. Ti em em khan kan sual ang tih tunah ka hre chiah.

"Hyung,hun hi koh kir theih se chu Seoul a college kan kal hma kha ka ko kir ang. Aerum kan tawn hma. Nang leh kei chiah" ka bul a whiskey nokhat awm chu ka tlak pawp a. Ka phone chu en in ka mittui a rawn hnam chhuak leh a.

"Ka ngaih vang che a ka mittui tla hi ka haw tak zet. 'Kum khua chatuan in kan awm dun ang. Tuman min then hrang lo ang' i tih te kha i theihnghilh anih ka ring. Keimah Chauh a whiskey ka in tak" a dang chu thlit belh leh in ka tlak leh pawp a. Ka in zel a. Ka thli zel bawk a.ka chah thlak thleng thak chu ka in zel a.

Author pov

"He thu hi sawi ka duh lo. Mahse ka dam chhung zawng a ka in chhir ber na chu Yoongi oppa kha ka hmangaih thu ka hrilh lo kha ani" Lisa chuan a ti nem dap a. Aerum mitah tak chuan a en bawk a. "Ka tan chuan thil harsa tak ani. A lak a ka hmangaih thu zep leh ka first love anih thu kha. Tunthleng hian keimah leh keimah ka in huat phah a. Mahse thim zing a ka thut lai in Jackson a rawn lang a. Tunah chuan ka hmangaih tawh" Lisa chuan nuisang hian ati a. Aerum chu a thaw deuh hak a.

"Jungkook oppa lakah hian feelings ka neih ka in ring ngailo. Mahse i hria em? Ka hlauhthawng tak zet ani" Aerum chuan ati leh a. A ti sual tawh a. Tih sual nawn leh a hlau a. A hma ang khan thil a thleng leh ang tih a hlau ani.

"I rilru awm dan tur chu ka hrethiam lo. Mahse ti khawp a hmangaih tu Che leh nghak tu che mihring mawl tak i nei hi ka itsik khawp mai che" Lisa chuan nuih deuh hak pah chuan ati leh a. Aerum pawh chu a nui deuh suk a.

"Yoongi oppa hian min ngaihdam theih i ring em?" Beisei na mitmeng chuan Lisa chu a en a. Lisa chuan nelawm tak hian a en a.

"I hre tawh lo ami? Hlim tur che leh nangmah hmangaih tu che bulah i nun hmang tur a a tih che kha. Yoongi oppa khan a hria asin,jungkook oppa hian a hmangaih che tih" Aerum kutah chuan a vuan a. A beng thak2 bawk a.

"Tinge thil zawng zawng hi ka lakah a zep vek?"

"Chhan a awm ngei ang"

"Hmangaih na hi a mak ani. "

"Engmah hi kawng nuam a awm hleinem" Lisa chuan in ring tawk tak chuan ati leh a. Aerum chu a nui a. A mittui chu hru hul in Lisa mitah tak chuan a en a.

"Hmeichhe chak tak nih ka tum a. Mi chak lo ang a lan ka tum ngailo. Mahse mi chak lo ber te zing ami." Hlauhthawn na mitmeng a khat Aerum chuan ati siam siam a. Lisa chuan a thusawi engkim chu chiang tak in a mal te te chuan a ngaithla a.

"Jungkook oppa chuan i lakah tlin loh na a neih a in ring avang in alo pan ngam tawh lo che a. Ka khawngaih khawp mai. Mahse khawngaih tak in be hram rawh. Ka ngen che anih chu" Lisa chuan Aerum kut hum ngheh sauh pah chuan ati a. Khawngaih dil na mitmeng chuan a en bawk a. Ti em em a in phah hniam hi a in ring ngailo. Mahse a unaupa tan chuan a chhe ber pawh thleng dawn se engpawh a ti mai.

Aerum POV

Kan room ah lut in table a Yoongi oppa thlalak chu ka en a. Ka la a,ka kuah a, ka tap bawk a.

"Ka mit ka chhin hian ka hma ah nui chung hian min lo en a. A tak anih beisei in ka meng a. Mahse engmah hmuh ka nei ngailo. Mahse nangnen a kan hun hman dun zawng2 vang te khan ka hlim a. A chhan chu kha hlim na khan rei a daih dawn loh tih. Mahse min kalbo san hma lutuk a,I fanu tal hi chu hmu ve hman la ka ti asin. Nikhat pawh hi nang ngailo hian ka la hmang ral lo.  Mahse hma lam ka pan a hun ve tawh ani tiraw? Min haw suh aw. Ka hriat reng na a kan hlim na awm te khan i kiang a awm ni mai hian min hriat tir thin. Ka hmangaih Che. Ka hmangaih lutuk che" ka kâ hup Chung chuan ka tap a. Eunmi hian ka tap lai hi hmulo se ka duh. Anu hi hmeichhe chak tak ang in hmu reng rawh se.

"Hun kal tawh tih in ka thlah liam ve theilo che. Ka mumang ah te hian I fanu nen in lo in fiam thin a. Eunmi pawh hi i ngai ani tiraw? I hmangaih lutuk tih ka hria. Mahse Eunmi khawngaih thlaki hian a pa nui hmel mawi tak a hmu ve hman silo a. Ka thiam loh vek ani. Damdawi kha ei lo ila chu i fanu i hmu ve hman tur ania. Kan fanu hi" ka tah chhunzawm leh a. Kum a liam hnu ah pawh ka mittui chu ala chu a anih si hi. Hun liam tur in a liam pui hun nghak in ka awm tawp chu ani a. Mahse a liam har tawh em ani.

----

Zaninah chuan ka complete hman leh loh hmel 😬

Please vote 🤗

Borahae 💜