I don't need anything but you {j.jk ff}|mizo version|☑️

Special chapter 💖

Author pov

Jungkook chu office atang haw in Eunmi te school lamah chuan a tlang nghal a. A tiam tawh ang in school atang a hruai haw tur chuan a kal a.

"Sweety"

"Papa ropui" Eunmi chuan phur em em in a pa chu a kuah a. Jungkook chuan a lu ah fawp in a bag te reuh te chu a ken sak a.

"Papa ropui,vawin Eunmi hian tumah a in sualpui miah lo ania" in ti thei tak chuan ati a. Jungkook chu a nui chhuak deuh hak a.

"Papa ropuia hi chuan nitin in sual pui a nei thin asin"jungkook chuan a fanu fuih pawrh deuh pah chuan ati a. Eunmi chu a thaw deuh hak a.

"Kum5 chiah ka la ni a. Mahse ka rilru hi a hah ani. Ka bialpa nen kan in then a" Eunmi chuan ati zuai raih a. Jungkook chuan Eunmi chu mak tih hmel fe in a en. Kum5 mi lek in a pa hnenah a bialpa nen an in then thu a sawi a,a la lungngaih hmel em em zui.

"I nu nen in sawi dun zawk dawn nia" jungkook chuan alo ti vat a.

In an thlen chuan choka lam chu a ri deuh nawk2 a,jungkook chuan Aerum bag chu thuthleng ah dah in choka lam chu a en a.

"Honey,enge i-"

"AAHHH..min ti hlau a lawm. Takkalbi leh bulgogi ka ei chak a. Siam ka tum a,mahse a siam dan ka hrelo" Aerum chuan a hnung a bel chu sil turah chuan a nem liam zeuh a. Jungkook chuan choka a thil rim mak deuh chu a hre thei nghal bawk a.

"I ti kang ani maw?keiman ka lo siam ang. I fanu saw a bialpa nen an in then ania" jungkook chuan Aerum hmui ah chuan a fawp zeuh a.

"A bialpa maw?"

"Umm. Hmeichhe sawi chi ah ka ngai deuh a" jungkook chuan a kawrban chu a hlim chho a. Fridge atang chuan ei tur siam na tur vel la chhuak in a siam nghal mawlh2 a.

"Hey sweety"

"Mama,tinge nau ka la neih ve loh a? Ka thian te zawng zawng chuan an nei tawh a. Anna leh Sanwoo te pawn an nei tawh a. Sanwoo phei chuan nau pahnih ngawt a nei tawh a. Unau pa ka duh ve" Eunmi chuan anu pawh en lo chuan ati a. Aerum chuan sawi mai tur pawh a hrelo. Tinge tunah kher Eunmi hian nau a duh.

"Anna pawn unaupa te reuh te a nei a. Anna unaupa ang a hmeltha leh duhawm unaupa ka duh ve" mittui tling pang chuan ati leh a.

"Sweety,I nei em em ang. Lungngai suh aw. Chuan i bialpa nen in in then tak2 ami?"

"Umm. Hanbin oppa khan bialnu dang neih a duh tawh a. Chuan kan in then a" Eunmi chuan ti leh a. Aerum chu a nui deuh huk.

"I nulat hunah i pa ang a mawl leh ngaihtuah na tlem zet hi i tawng ve dawn lawm"Eunmi hnarah chuan a piai zeuh a. Eunmi chu a nui a.

"Papa ropuia ang a bialpa hmeltha leh chhelo hi ka nei ve dawn tih na"

"Ni chiah e. Mahse i Papa ropuia ang a mawl hi chu neih tum suh. Leee, homework tih a hun e"

Eunmi chuan phur tak in a bag atang chuan lehkhabu la in Aerum nen chuan an ti dun a.

"A ei theih e"jungkook chu in hnuai atang chuan a au a. Eunmi chu hmanhmawh zet in a tlan thla nghal a.

Aerum in hnuai a chhuk thla chiah chu a uak deuh tuar a. Eunmi chu a phu deuh zawk a. A kawrah chuan a ei tur suah Chu a ti tla a.

"Min lo hrethiam lawk" rang zet in Aerum chu bathroom ah a tlan lut a.

"Tinge a?" Eunmi chuan hriatthiam loh hmel zet chuan ati a. A kawr a a thil tih tlak chu tissue paper in a hru mawlh2 bawk a.

"Ka va em chhin ange"jungkook chu tho nghal in Aerum bulah chuan a kal a. Aerum chuan alo bun deuh pap2 a.