Unlimited Thoughts

MARLINI

MARLINI

sweetblues025

Ano ba ang aking ilalagay, wala talaga akong maisip

Bukod sa katotohanang parehas tayong takot sa ipis

Ang tili ko nga lang ay halatang mas matinis

Pero ang pisngi mo ay di hamak na mas makinis

Madalas kang manggulat kaya minsan ay nakaka-inis

Kapag wala ka naman, hindi maiwasan na ika'y ma-miss

Paano'y wala akong kasamang kumain at umuwi

Wala ring nakikinig sa mga panlalait at panunuri

Madalas ka 'man nilang sabihang madaldal

Alam naman namin na ikaw ay masasandalan

Sikretong ibabahagi ay iyong iingatan

Kadaldalan lang minsan ay hindi maiwasan :P

Pero palagi kang nandiyan kapag ikaw ay kailangan

Mga sikreto kong malupit iyo namang iningatan

Matalas ang mata sa mga guwapong nilalang

Madalas tayong mag kasundo sa ganyang bagay kaibigan

Madalas mo nga lang kaming ipag-palit sa'yong kasintahan

Hinihiling pa rin namin na kayo'y mauwi sa simabahan

Alam naming 'di biro ang hirap na pinagdaanan

Upang ang kaligayahan ay iyong makamtan

Marlini, Marlini, oh mumunting binibini

Pasensya na kung minsan ako'y bingi

Salamat sa iyong pananatili sa aking tabi

Sana ikaw ay makasama namin palagi ^^,

**************

AN: nauubusan na ako ng ideya ^^, please enjoy ^^,