عرس شعبي

الحلقة الأولى:زير نساء

💃عرس شعبي💃

بقلمي: أريا ستارك

الحلقة الأولى:زير نساء

أشعة شمس كضرب ليه فعينيه حل عين وحدة وسد لأخرى حس بشي حد تحرك حداه وهو يقرن حجبانه وعاود حل عينيه ضور عينيه بان ليه شعر صفر وبنت شقراء حداه، برك فوق سرير بزربة هز تيليفونو من حداه وناض وقف عريان وبخطوات تابتة تاجه لبلاكار هز بوكسر لبسو ولاح تيشورط لفوق.. سمع لبنت فاقت وهو كيسيفط مسج ضار ببطء..

▪︎رجع لسرير باقي لحال نعسو شوية ولا نديرو ماطش أخر؟؟
▪︎عندي طيارة من دابة لزوج سوايع
وقفات عريانة قدامه كتحاول تغريه، محاولة فاشلة لبارح غراته دكشي علاش جابها معاه للبرطمة لإحتياطية خوا فيها غرائزه..
▪︎عطيني نمرة تيليفونك من لي ترجع نعيط لك
▪︎ماكنعطيش نمراتي للأي واحد
▪︎ولكن كيصحابلي عجبتك وتفاهمنا؟؟ لبارح داز واعر ماكرهتش نعاودوها
▪︎عندي واحد ز.* عشاق ملال ماكنخشيهش مرة خرا فنفس لبلاصة
▪︎نعطك نمراتي حتى تعيط ليا؟!!

تسمع دقان وحل للباب دخل عندو راجل لابس كلشي كحل وداير نضارات شمسية، هز راسو بانت ليه لبنت عريانة خدر راسه للأرض تاني :

▪︎طوموبيل واجدة لتحت كتسنى أسيدي
▪︎قلت لك تبقى تعيط ليا بسميتي اصحبي مالك راسك قاصح
▪︎احم ختنا غاتخرج زبطة ولا شنو؟؟
▪︎ههههههههههه (ضار عند.لبنت وجمع ضحة) منال طوموبيل لتحت كتسناك توصلك لطوموبيلتك لي خلينا فالبار... (زاد زوج خطوات وهز كسوتها من لأرض بصباع يديه وخبا وجهو من وراها كيضحك)من لأحسن تلبسي حوايجك امنال
▪︎ نورة سميتي نورة احم اوكي انا نخلي ليك نمرة تيلي ديالي نقدرو نتلاقاو ونخرجو من لي ترجع ولا نعاودو فحال ليلة ديال بارح...
▪︎منال احم نورة شوفي انا ماكنديرش دكشي ديال تصاحيب ولخروج ونحبك وتحبيني، كنشوف بنت ولا مرا تعجبني كنعس معاها زوج شروط عندي ماتكونش مزوجة وماتباتش معايا نقضيو غرض وتلاح فحالها... نتي بقيتي حيت اصلا جينا لهنا مع ربعة صباح ودابة سبعة... بغيتي شي حاجة فلوس حوايج مرحبا شي حاجة خرا تو تو تو ...مفاهمين امنال؟؟ ياله باي ....  علي وصلها الله يحفضك
▪︎ولا عليك

وقفات شقراء قدامه كتقاد فكسوتها لي لبساتها منها للحمها ديريكت هازة سترينغ ديالها بين صباعها هزات يدو وحطاتو ليه بين صباعو وغمزاتو: call me (اتصل بيا)
بادلها لغمزة غير خرجات مشا لاحو فنفس طارو زبل مع لعازل طبي توجه للدوش دخل وحل لما يسخن ورجع هز تيليفونو مضور نمرة..

#يتبع