عرس شعبي

الحلقة الرابعة:المغرفة

💃عرس شعبي💃

بقلمي: أريا ستارك

الحلقة الرابعة:المغرفة

عينيه تحولو دغيا كلهم غضب من قلة احترام هاد لبنت خلاتو وضارت ياله دارت زوج خطوات عكلها غوتات وهي طايحة على ركابيها، حطات يدها هي لولة تحردات وكالات بيها على ركابيها ماوقع لبهم والو غير شوية لحمورية...
خرجت وحدة من طيابات كتجري كانت مقابلة معاها كتقلب فدجاج لي فلبرمة وشافتها:

▪︎الله يانوال جبتي ربحة فاعلة تاركة
عينيها باقين على شخص لي عطاها بضهر وتاجه للخيمة لكبيرة ديال لعرس، رجعات عينيها للطيابة وبتاسمات بشر
▪︎أري أختي أري ديك لمغرفة
خداتها ليها من يدها وقفات غمضات عين وحدة ونيشات شيرات عليه جاتو ديريكت لقفاه...
▪︎أاااي الله ينعل *********
من لي دار كيقلب لقا غير طيابة جاية تاخد مغرفتها وكتعتادر: ماشي انا اوليدي واللهما انا
▪︎هانية هانية اختي غير سيري الله يسهل علك

بخطوات مترنحة من جهد دقة لمغرفة لي وضراتو كل مرة كيضور راسه كيقلب بعينيه عليها، سمع تيليفونو صونا جبده من جيبو وبتاسم...

▪︎افين امولاي السلطان
▪︎عثمان ماتقولش ليا ماغاتحضرش عرس خوك؟؟ واش تسطيتي لا؟؟ اصحبي من صباح وحنا كنتسناوك شدينا طريق ونتا باقي ماكينش حسك
▪︎قوليا جبتي حوايجي معاك راه ماعندي والو من غير دجينات
▪︎جيتي بعدا؟؟
▪︎هاني قدام لعرس دقايقية جاو وانا باقي حتى مالبست
▪︎شوف سول على عبد الله دهيبي غاتلقاه كتر منك باقي ماوجدش اي واحد يوصلك لعندو هو يعاونك وانا غاندوز نحط حوايجك... اصاحبي راني لعريس مانقدرش نتعطل... شوف قالت لك لواليدة حتى تشوفك وتفاهم معاك على هاد لفعايل...
▪︎من لي غانشوف لواليدة تانا غانتقاهم معاها على هاد زواجة لي خلاتك دير لي بغيتي واش أصحبي بعقلك جايبنا للحي شعبي هاكة؟؟ عل اقل نديرو للعرس فقاعة ولا شي بلان ماشي خزاين فشانطي بسيف مابغاوش ناس يحضرو ليه ونتا دايرو وسط هاد لقنت...
▪︎خويا عثمان عارفك كبر مني وكلمتك فوق راسي ولكن مراتي بغات عرسها شعبي بغات تفرح وسط دربهم ناسهم وجيرانهم، بغات تبقا بصباغتها وتعيش لعرس لي حلمات بيه وهي ماشي من نوع لي كيحلم بالرفاهية للحد لآن ماعارفاش كاع شحال لباس علينا واخة شافت دار لي عندنا فكاليفورنيا ماعارفاش ومامسوقاش تعرف...
▪︎ههههههههههه اصحبي كتيق فبابا نويل هههههه لعباتها علك نيت تيقتيها تلقى نص فالدقيقيية كانت مصاحبة معاهم ههههههههه...

تقطع عليه تيليفون وعاود عيط لخوه من لي جاوب وماهضرش تنهد عثمان:
اصحبي غير ضاحكين إمتى وليتي جدي هاكة ههههه منير تهدن اصاحبي ونتا طحتي على زنافرك.. أودي الله يكمل عليكم بالخير ان شاء الله تلاح أنمشي نشوفو هاد عبد الله يدير معانا لمزيان...

أرائكم حبيباتي