عرس شعبي

الحلقة التاسعة: الشربيل

💃عرس شعبي💃

بقلمي: أريا ستارك

الحلقة التاسعة: الشربيل

دخلات تجري لعند صاحبتها بعد مالقات نقافات كيقلبو عليها، باقة عرقانة من شطيح وصلات قدام صاحبتها طلعاتها وهبطاتها لقات دموع فعينيها...

▪︎مالك تاني؟؟ جاك جوع تاني ولا شنو
امينة: واش انا دابة فشي ماكلة ... قوليهم يخرجوني خلاص راني تخنقت
صغرات عينيها كتحقق فأمينة لي كتشوف فكل بلاصة من غير عينين نوال: توحشتيه ياك؟؟ دكشي علاش كنتي غاتبكي؟؟ غير رتاحي راه كاين برا شفتو ودويت معاه
امينة: أش قلتي ليه ابنت لحرام؟؟ كنعرفك كتقولي غير لمصايب
نوال: تلاقيت بيه قبل مانمشي نشطح قلت ليه حابساني شطحة تانرجع ونتعرف عليه
امينة: ماتعرفي عليه مايتعرف علك أش هاد ضسارات هاي هاي على نتعرف عليه ... بأشمن مناسبة؟؟
نوال: تاواللهتا نشوهك قدامو بالله ... غانخلي ليك شهر لعسل ومن وراها ياواللهتا ندير ليك حمد لفرشة.... مهم تحركي ماماك برا لباب هي وعائلتك عماتك وخلاتك وياله نتحركو...
امينة: شوفي لعار ماتشطحيش بزاف وتخليني الله يرحم باك راك عارفاني مع شطيح
نوال: كتعرفي غير لشرقي وكتخرجي عينيك اجي نقولك شطحي لراجلك شرقي فليلة دخلة
امينة: لالا دكشي من بعد حتى نزور لمقام ونولف عاد نشوفو من بعد
نوال: هههههههههههه ياساااافلة ده نتي أسفل من السفالة ياختييييي ههههههه دابة نشوفو من لي غايتسد علك لباب معاه أش غاديري ههه
امينة: غاندير سسفة للعيالات والمرقة للرجالة ههههه اشنو غاندير زعمة؟؟

تسمع دقان فلباب ونقافات مزال غير كيضحكو من حوار هاد زوجات، بطبيعة لحال بسباب صغر سن لبنات كلامهم وحواراتهم كانت عادية بالنسبة للنقافات لي كيسمعو لعجب...
تحل لباب وخرجات نوال هي لولة صوتها تسمع هو لول بدات بصلاة على نبي ومن لي قربات سكتات قبل ماتسالي صلاة وات نفس عميق باش طلق صوتها مع تزغريتة، غير كملات تزغريتة حسات بشي حد جرها من ودنها:

لأم: يابنت لحرام قلت لك ماتشطحيش مع خوك وصحابو فالزنقة وقلت لك ماتبقايش تبرحي لينا بصوتك وعاد زغاريت تي مال مك واش باغة تفرقعي ليا لمرارة؟؟
نوال: نَجِيَة طلقي وانا نطلق غير طلقييي اشوفي ماما راه واللهما عندك لمرارة راك حيدتيها غير رتاحي والله هانتي راه إلا عصبتك كاااااع راه يطلع لك غير طونسيو صافي
أم: شوفو بنت لحرام كتفايل عليا فمك لحسو كلب
نوال حطات يدها على صدرها وخبطات وهي كتسطانع صدمة على وجهها: أنا بنت لحرام؟؟؟ ياك نتي وبابا كنتو مزوجين من لي ولدتوني ياكما لقيتوني فزتقة؟؟

طلقات منها ماماها وحيدات شربيلها من رجلها وهزاتو كتهدد عليها: هاد لحالة لمدنية لي جامعانا ليوم نقطع مها
أم امينة كتسطى بالضحك وهي شادة ليها يدها: طلقي من لبنت ماتعرفي تلقى سعدها هاد ليلة وتغبر علك وتهناي..
نوال: الله ينجيني يتزوج عدوك لي مايبغيك
أمينة خنزرات فصاحبتها: أري أخالتي داك شربيل أنا نوريها يتزوج عدوها...