عرس شعبي

الحلقة الخامسة عشر: مهلة لحد 2 دصباح

💃عرس شعبي💃

بقلمي: أريا ستارك

الحلقة الخامسة عشر: مهلة لحد 2 دصباح

نفضات تكشيطتها رجعات عينيها للعثمان خنزرات فيه وزادت راجعة للحفلة وغير قربات للموسيقى بدات تتمايل لي فيها مايهنيها غير كتسنع لأغاني كتبغي تشطح... عينين دراري بزوجهم عليها مقابلينها...
ضار عثمان بزربة وقف قدام صاحبو مدرق عليه شوفة فنوال وقاسم مبتاسم باستفزاز كيشوف فصاحبو لي مقابلو وحاجبو مهزوز...

عثمان: اش باغي من لبنت؟؟
قاسم رجع راسو لور كيضحك: مالك اصحبي داير ليا لعصا فرويضة راك عارف اشنو كنبغي من لبنات...
عثمان خنزر بعدم رضا: اصحبي كنقولك فوت علك بنات ناس راه عطا الله ل*****
قاسم: دابة باش عرفناها بنت دارهم؟؟ عادي اصحبي غانجرب حضي معاها صدقات هي هاديك ماصدقاتش نخليها لك شتك عاجباك هههه عنداك تقوليا انا لي شفتها لول ههههههه
عثمان ربع يديه وشاف فصاحبو للمدة طويلة: ماعرفتش كيفاش مصاحب مع ق*** بحالك... اصحبي ماتبقاش تهضر عليهم هاكة فحال سلعة..
قاسم: درتي ليا طيارة العشير مالك؟؟ فحال ماكتنعسش مع لبنات؟؟
عثمان: ماشي بحالك وراك عارف ماكندير شي موصيبة حتى كنشرب وشحاااال ماقصت داك لعجب
قاسم: جايب معايا شي لعيبات فطوموبيل تبغي نمشي نجيبهم؟؟
عثمان شنق عليه: ز**** بوك ياك قلت لك عرس لخوادري دوزو على خير
قاسم كيضحك وكيحيد لصاحبو فيدو: اصحبي تيتيز لا شراب لا اش جابني لعرس لحبس هادا هههههه أطلق اصحبي ماغانشربش والله غير طلق ولكن ديك نوال ماغانخرجهاش من راسي تانجرب مهم لي وصل ليها لول ربح
عثمان شدو من دراعو قبل مايتحرك وزير عليه: عارفني ماعنديش مع تبرهيش فحال هاكة ولكن عندي لك اقتراح...  دابة عشرة ليل غانعطك من دابة تال جوج صباح لاخديتي غير نمرة تيليفون ديالها من عندها نعطك ديك مغانة لي مصدع ليا مخي عليها، ونقلب عليها... ولكن لاماعطاتكش نمرة اول مرة وأخر مرة تحاول تهضر معاها ولا تشوفيها..

قاسم بقا كيشوووف فصاحبو لمدة طويلة: واشنو ليك نتا من هادشي كامل؟؟ واش عاجباك ساطة تال هاد درجة ولا شنو؟؟ أصلا اصحبي باينة ماكتحملكش غير كتشوفك كتشعل متأكد هي ضرباتك بمغرفة ماشي نتا لي ضربتيها هههه
عثمان ضار شاف فلعرس وحك شعرو وجهو ترسمات عليه ابتسامة خفيفة، رجع شاف فصاحبو ابتاسم جنب وهز حاجبو فصاحبو:
قاسم حبس ضحكة لي عارف لاخرجها غير غادي يستفز صاحبو كتر: صافي مشات تلاح خليني نبالي...