عرس شعبي

الحلقة السادسة عشر: تخراج لعينين

💃عرس شعبي💃

بقلمي: أريا ستارك

الحلقة السادسة عشر: تخراج لعينين

وسط بيت فين كاينين نقافات ولعروسة واقفة حدا ختها وصاحبتها مبتاسمة وكل مرة تعاونها فاللبس وتقاد معاها لمجوهرات لي مزينة لبسها...

أمينة: نوال شفتك كتحتي مع داك قاسم مادصريهش علك قاليا منير داك دري كل ليلة مع وحدة ... كيفسد بزاااف
نوال: ياختي عصبني فينما ندور يخرج ليا من جنب ولد لحرام عارف راسو زوين وطياح غير يضور وفرنس كيبين ليا فدوك تقابي الزين بزعطة غير هو لي عندو تقابي زين..
امينة: ولهيلا بصح بيكيييص ولكن حبيبي منير حسن منو..
نوال هزات نيفها لسما ولاحت شعرها جنب كتعيب صحبتها: حبيبي منيرر نن نننن ننن غير ضربتي كحل فلبيض وغاتبداي تصدعي ليا مخي براااااجلي منير
امينة ضرباتها لدراعها: ومالك المغيارة راااااه مول داري وراه راااجلي وشللي بيها فمك
نوال: ترجلك رجلة وتعاودك دحشة ان شاء الله...

أمينة طلقات ضحكة بصوتها لعالي عينيها مدمعين من منضر صاحبتها كتعيب فيها وكتحرك فحالها وعاد أعصابها من كلمة راجلي.
تدفع لباب ودخلت مرأة خمسينية بحلة أنيقة هازة مناخرها للسما وقالت:  لعروسة ماخاصش صوتها يكون عالي هاكة (طلعات وهبطات شوفتها ٥نوال تفكراتها مقفضة كتشطح ومناخرها زادو طلعو للسما) وهاد لبيت لي كتبدل فيه لعروسة ماكيدخلش ليه من والااا...
نوال شافت فيها بطل برود:بصح!! إوا أش دخلك هنا ألالة؟
أمينة شدات فدراع نوال وكتقرص وبإبتسامة صفرا شافت فلمرأة: ماما هههههه مرحبا ههههه ماديش على نوال راه فيها كترة ضحك
نوال شافت فأمينة: بسم الله علك حبيبتي موك سمرة هادي بيضة مجاتش حتى بالضحك
امينة كتعض على قنوفتها: هههه نوال باراكة من ضحك هادي مامات منير (شافت فعكوزتها) هادي نوال لي عاودت لك عليها
نوال بتاسمت: مشرفين اخالتي (حدرات صوتها بهمس وهي كتبان مزال مبتاسمة ولكن كتهضر ورا سنانها) كتقولي لعكوزتك
امينة كتقرص فيهت باش تسكت وحتى هي كتهضر بنفس طريقة: لقوة اختي لقوة حتى من شهر لعسل موحال ندوزو غانطلق فنهاري معاك
مدام سعاد ضربات ضورة فلبيت وكطلع وتهبط نقافات: ممممم مشرفين واش نتي لي ضربتي ولدي بمغرفة؟؟
نوال خرجات عينيها: ليوم نهار فرح وعرس صاحبتي تانساليو وجي لاباغة تبراي
امينة : **ويلي على بنت لحرام ويلي ويلي !!! ** احم ماما سعاد راه قلت لك ماقصداتش غير بغات تلوحها للطيابة وزلقات ليها من يدها ورجعات لور جات فعثمان
نوال تحت من لسانها: كون غير فقد داكرة بحال افلام كعما نوصلو للتبرية (هزات راسها لقات سعاد مقابلاها وهي تبتاسم بزز وبزربة بدات تزغرت) يويويويويويويويويويوو تبارك الله عليكم النقافات ولهيلا معطياكم تانقافت وتبارك الله على موت لعريس كتولد غير زين (ضارت جنب ووشوشات لأمينة)  ***من غير بو مغرفة هداك واقلة عير مربي*** (رجعات بصوت عالي تصلي على نبي) صلااااااااة وسلااااااااام على ...