عرس شعبي

الحلقة الخامسة:صديق العائلة

💃عرس شعبي💃

بقلمي: أريا ستارك

الحلقة الخامسة:صديق العائلة

وقفات شقراء قدامه كتقاد فكسوتها لي لبساتها منها للحمها ديريكت هازة سترينغ ديالها بين صباعها هزات يدو وحطاتو ليه بين صباعو وغمزاتو: call me (اتصل بيا)
بادلها لغمزة غير خرجات مشا لاحو فنفس طارو زبل مع لعازل طبي توجه للدوش دخل وحل لما يسخن ورجع هز تيليفونو مضور نمرة..

قاسم: وافين اصحبي؟؟!!
عثمان: انا فكازا دابة
قاسم: تعطلتي واقلة على عرس لخوادري؟؟
عثمان: واياااه اصحبي وهاد لقنت لي داير فيه لعرس مانعاودش لك شابع مرايقية
قاسم: هههههههه واش راك واجد بعدا ولا شنو لبلان
عثمان: علاش غاتجي تانتا؟؟ لا ماتقولهاش؟؟
قاسم: عرض عليا منير خوك وحتى لواليدة قالت لك غاتمشي مع لواليد.. فين قلتي هاد لقنت؟؟
عثمان: فواحد درب فحي شعبي ودايرين لعرس فزنقة
قاسم: وااااايلي؟؟!! حاضر لعرس عروبية ولكن احياء شعبية والو... فرصة مقودة هادي
عثمان: أشمن فرصة ولا زمر اصحبي ديمهم كنحس براسي فالرباط لي كنسولو كيوضرني وحدة شيرات عليا بمغرفة كااااع
قاسم: لااااااا هههههههههههه مغرفة كاااع؟؟ اش درتي ليها
عثمان: مانعرف لديمها بنت لكلب وضراتني باقي راسي كيضرني واقلة كتصحابني عايرتها حيت كيسحابلي كانت مع نكافات...
قاسم: هههههههه عايرتي نسابك ههههه من لول تاقبها اولد لعبد من بدايتها
عثمان: هههه الله ينعل لي خلا بلاصتو زوينة فهاد لبلاد... فينك بعدا أقاسم؟؟
قاسم: ياله صدرت واحد زعرة قلت ليها مسافر ههه لقيتيني غاندخل ندوش دابة
عثمان: واش قريب من حي ***** عتق خوك خاصني نحسن وندوش ونلبس
قاسم: عندك لحوايج ماتلبس؟؟
عثمان: واحد لخوادري قالك غايدوزهم لعند عبد الله دهيبي واللهما عرفت فين هاد خونا كاين دوخو ديمي فهاد لقنت
قاسم: نتا فين كنتي اصلا؟؟
عثمان: كنت فمراكش كنعاون دراري في واحد الرياض
قاسم: هي غاتكون مرجتل نيييت صافي انا نعيط لعبدو يدوز عندك وقف فشي قنت باين وسيفط لوكاليزاسيو، وماتخممش فلبس كاين كوسطار جديد..... ياله تلاح..

                         *******************

وسط أبسط الأحياء الشعبية واقفين ولاد درب وينات درب وحداهم دقايقية لي اغلبيتهم دراري قراو معاهم ولا ساكنين حداهم، كيتسمعو أهازيجهم وغنائهم حتى لقعر دار لعروس لي شادة فصحبتها بزوج يدين...
امينة: بقاي معايا الله يرحم باك غير شوية وسيري
نوال: واسااااااطة راك لابسة ومقادة وكلشي طلقي شداتني شطحة تي طلقي
أمبنة: ديمك غاتسمحي فيا وتمشي باش تشطحي؟!!
نوال: واش تسطيتي نعزل بينك وبين شطيح؟؟ راه بطبيعة لحال غانعزل شطيح  ههههه
امينة: هههههههه بنت لكلب ديما صريحة
نوال: عايرتي لواليد جمعي راسك أهياتا راه نخسرو
امينة: صافي العشير سمح لينا هههه
نوال: تلاح اساط انمشي نشطح شوية
امينة: واااعنداك توسخي تكشيطة وباقي حتى مابدينا