عرس شعبي

الحلقة الثانية عشر: أب ولدي

💃عرس شعبي💃

بقلمي: أريا ستارك

الحلقة الثانية عشر: أب ولدي

وقفات قدام لحفلة صغيرة ديال دقايقية كتقاد فتكشيطة ديالها وعينيها حاضين لبراتي لايدخل ولا شي واحد من وللد درب لايسكر ويجي يحيح... من بعد ما وصات خوها يسخسخ عثمان بلغرامة وخويو ليه جيابو، صونا ليها تيلي فيدها بتاسمات وبعدات على لحفلة دخلات وسط ضيور بنيقة صغيرة جوبات كتوصي فدراري لي مشاو يجيبو لكومند ديال خبز ولمونادة كتأكد معاهم لعدد لمطلوب لي يقدهم ... قطعات لابيل وقرنات حجبانها وهي كتسمع صوات قراب مافرزات أش كيقولو حتى هزات تكشيطتها وتبعات صوت وقفات قدام لمنضر لي قدامها ويدها فوق فمها حابسة ضحكة بزز...

قدامها قاسم واقف مخنزر شداه مراة تكون فلخمسينات من عمرها زاطمة على دراعو ومن جيهة لأخرى بنتها إلهام لي عارفاها نوال مزيان وفهماتهم أش كيديرو...
قاسم مخنر وكل مرة يجر دراعو من وحدة : واش نتوما بعقلكم؟؟ فين كنعرفك الشريفة طلقي مني نتي وبنت
إلهام: لاعنداك أماما هو ولهيتا هو أب ولدي لي فكرشي هو هو أنا متأكدة
لأم: والله ياوليدي لاطلقتك ليوم تادير لكاغط مع بنتي ولا نعيط لبوليس راه باقي لنحضر محلول كيقلبو علك
قاسم نتر يدو بجهد من الهام وباقي محتارم لمرا لي قدامو مابغاش يعنفها بلهضرة ولا حتا ينتر يدو: والميمة واللهما كنعرفك لانتي لابنتك واش بعقلكم  ... أش هاد لقنت لي جابونا ليه
إلهام: نتا نتا واللهتا نتا ...ماما قلت لك غير نشوفو نعرفو هو هو ....
نوال حابسة ضحكة وقربات ليهم: وا إلهام هادا هو دري سابع لي شديتي هاد سيمانة واش كل نهار واحد راك عيقتي... حنا لقيناهم تانتصورو معاهم نتي باغة تزوجي كااااع...
إلهام خرجات عينيها: نوال راه هو ولهيلا هو مول داري
قاسم هز راسو فيها مبتاسم: هاية حبيبة جات ههههه هادي هي عمارت داري 
نوال خنزرات فيه اما هو هز حاجب وعاد زاد بتاسم ورجعات عينيها لأم إلهام هزات يدها حطاتها فوق من ليد لي شادة فدراع قاسم: وامي نعيمة يهديك الله واش نتي غاتبقاي ضوري بإلهام فالزناقي
لأم حدرات راسها وعينيها غرغرو: سطاو ليا بنتي النوال تكرفصو عليها خرجو ليها على شبابها بغيت غير نرتاح من جيهتها قبل مايدي مول أمانة أمانتو...
نوال عنقاتها وباست على راسها: الله يخليك ليها ولينا ياعمارة الدرب والله ياخد لحق فلي كان سباب... شوفي هاوا قاسم الله يعمرها دار قاليا غايشوف ليها طبيب نفسي ومن لي يتزاد تربية يدير ليه تحاليل وعرفو باه شكون
لأم خرجات عينيها: هاااااو؟؟ يعرفو لبااات من تحاليل؟؟ كيدارو ليها هادو باسم الله رحمان الرحيم ولاو يعلمو لغيب لاحول ولاقوة إلا بالله