عرس شعبي

💃عرس شعبي💃

بقلمي: أريا ستارك

الحلقة التانية والعشرون: bad boy

عثمان فحال شخصيتو فحال كلامو ماكينش ضوران حول لمواضيع، كيدخل فصلب لموضوع ديريكت ولمهمة تانية هي انه لقا لحلول لجميع مشاكلو، وفهاد لحضة أكبر مشكلة هي نوال من لي تلاقاها ومزاجو مخربق وخاصو يعرف السبب
عثمان: علاش عطيتيه نمراتك واخة صاحبي عارفو غير كيتفلى على لبنات
نوال بقات بقات كتشوف فيه وعينيها كيرمشو ببطء وهي كتلصق فأجزاء لغز حتى فهماتو أش بغا يقول وعرفاتو كيهضر على قاسم وشافها من لي خدات تيليفونو...
بلامبالات هزات كتافها: عادي تانا ماباغاش نتزوج
كلامها زاد عصبو عروقو بداو كيبرزو تحت من جلده دقات قلبه كتسارع باغي يضرب شي حيط يبرد ولا يضرب صاحبو ولكن خاف يقتلو، **علاش لبنات لي كيبانو بنات ناس كيكونو هاكة** هادي هي لفكرة لي كان ديما كيرددها فعقلو ولكن قدام هاد لبنت لأول مرة دخلو شك، كلامها ماقنعوش لامبالاتها خلاتو يشك فجرئتها زايدة تكون كتخبي لعكس تماما بتاسم جنب ومابقاش دوا فاجئها ولات هي لي كل مرة تشوف فيه، تحط قدامهم دجاج محمر ديال عراسات بشرمولتو جنابو فطبسيل لوسط وعاد فجناب طباسل صغار ملاصفين مع طبق لكبير فيهم لي صلاد، بدات كتاكل نسات هي فين وحدامن ماكتسطانعش وماكتبعككش بكل عفوية طاحت على طبسيل، عينين عثمان عليها طريقتها فلأكل جاتو مثيرة عجبو انها ماتسوقاتش لوجوده حتى هو كيبغي لمرا لوكالة، شاف فطبسيل وحرك يديه قطع فخض ديال دجاجة كامل وحطو ليها قدامها، رجع صبعو للفمو وخرج لسانو وفنفس لوقت هزات راسها نوال شافت فيه مطول خربقات ليه أحاسيسو، اما هي كتسنى غير تخوي فمها باش تهضر غير نضغات قالت: وابقا تفرق فحقك وتبقى بجوع
بقا كيشوف فيها ولاحض أن كاع لي فطابلة مقابلينهم بنص عين، رجع لماكلتو ومع دلك كل مرة يقسم وحط ليها وحتى هي كتاكل بلا ماتهز راسها...
سالة الشوط الأول وكيتسناو فالشوط تاني؛ مسحات صباعها ورجعات حلات تيليفونها كتعزل فتصاور لي تحط وكتبتاسم من لآخرين لي فيهم هي وأمينة بوجوه كضحك...
تاني غير ابتسامتو خلاته يكسر صمته ونتاهز لفرصة أن تاس لي فطابلة معاهم بداو كيتحتو، مال لجيهتها وقال: واش كاع لبنات كيعجبهم دري يكون شكل bad-boy؟
نوال بقات كتفكر عاد هزات عينيها فيه وحابسة ضحكتها: بغيتي تقول قاسم بادبوي زعمة داك ستيل لقتال لمافيوزي زير النساء ههههههههههههههههه يقدر يكون bad-boy ديال كيليميني اما عندنا هنا باقي كيبان كيليميني...