💃عرس شعبي💃
بقلمي: أريا ستارك
الحلقة السادسة: شداتني شطحة
نكافات كيشوفو فيهم وحابسين ضحكة من طريقة لي كيهضرو بيها بحال ولاد درب مجمعين فراس درب، هزات أمينة عينها فلمراية وبتاسمات وشوية جمعاتهم شوية عاودات ضحكات خلات نقافة وقفات جنبها وحطات يدها على كتفها:
نقافة: بسم الله علك اختي نتي فعار الله
امينة: امالك اختي شفتي جن؟؟ راه غير كنفكر وصافي .... واش منير جا؟؟ لعريس؟؟
نقافة: وي جا مم قبيلة وهو واقف كيستقبل ناس مه ماماك وماماه
امينة: صافي غايتزوج بيا نيت ماغايهربش؟؟
نقافة: نعلي شيطان اختى دري فرحان وكيتسنى فعروستو
امينة: مسكين ولهيلا جا ههههههههه غانتزوج ولهيلا ههههههههه بنت لحرام نوال نسيت مافقصتها كانت كتقوليا عمري نتزوج وغانبقى بايرة.... نوضو ياله نخرجو راجلي كيتسنى
نقافة: الله يهديك امينة خاصنا نتسناو حتى ترجع عندنا ماماك
امينة: اويلي راه راجل كيتسنى دابة يعيى مايتسنى وهرب ياله ياله نخرجو
نقافة: لبنات وحدة فيكم تمشي تعيط لصحبتها لي خرجات تشطح تجي تعاونا عليها
*******************
اما نوال خرجات كتزرب لبسات اي شربيل جا فطريقها ولابسة تقاشر معولة تلبس سبرديلة باش تشطح فخاطرها ولكن هاد لفرصة داهمتها... مع لخرجة ضربات فشخص بابهى حلة ليه واقف بكل شموخ كيشوف فدراري مقصرين بشطيح ولغنا في انتضار وصول للعروس لس غايزفو دخلة ديالها، اما دفوعها محطوط فلأرض دايرين بيه دراري بلباس خاص غير حاضينو، هزات راسها فدري لي بتاسم ليها بسنانو لي مستفين بيضين وعلى وجهة فرحة باينة...
نوال: نتا لعريس ياك؟؟
منير: ونتي واقلة نوال
نوال: هي بشحمها ولحمها ولكن غانعتادر دابة منك مانقدرش نهضر بزاف شاداني واحد شطحة شي شهور وانا حابساها، غير نسالي ونرجع نتحتو ونقولك اسرار أمينة ههههههه
منير: هههههه غادي نتفاهمو كيبان ليا .....
نوال: مبروك علك موصيبتنا لصقات فك ههههههه
ولاد درب شافوها دارو ليها طريق دخل للوسط وشدو دق صوتها كيتسمع وسطهم كتر من صوت شيخات ولا لعونيات ودراري كيردو عليها
*وا جيب اخويا وجيب جيب* *ياولا ماصبتي ماتجيب* *جيب غاكويلات حميمصات* صوتها وسطهم تسمع ومعاه شطحات علة شكل ديال عبيدات الرمى *ياولبيسطاش غالي عليه ولبيسطاش غالي عليه...*
أنت تقرأ
عرس شعبي
Humor(قصة قصيرة كاملة) . 💃عرس شعبي💃 ⛔حصريا على مجنونات القلم⛔ 🖤خاص بعيد الحب🖤 من العنوان كيعطيك مضمون القصة لي احداتها كدور احداثها في قلب حي شعبي وبضبط وسط عرس شعبي...
