عرس شعبي

💃عرس شعبي💃

بقلمي: أريا ستارك

الحلقة الخامسة والعشرون: حصلة خاااايبة

بدون تردد جوباتو: ختي لكبيرة تمن سنين ماعرفناها فين راها تزوجات وسافرات معاه لأستراليا ومابقيناش عرفناها حية ولا ميتة
برك فدروج لي تحت منها باش يهز فيها راسو ور يشوف وجهها: بغيتي نقلب ليكم عليها؟؟
نوال مسحات دمعتها وهزات حاجبها: كيفاش؟
عثمان بتاسم بهدوء: عندي معارفي وصحابي نبقاو مقلبو تانلقاو شي حاجة
نوال بتشكيك: واشنو لمقابل؟؟
عثمان شاف فيها مطولا: ماكيجيش معاك لبكا لمقابل انك تسكتي من لبكا وتقولي ليا إمتى نجيب لعائلة لعندكم؟؟
نوال وقفات بزربة: لالا بلاش بلاش اصلا ماعنديش ختي انا عندي غير خويا صااافي ولا زدتي شي جملة أخرى نقدر نتبرا حتى من خويا
عرفها من النوع لي من لي كيتوتر كيهضر بزااااف وماكيقول والو فنفس لوقت، طلق ضحكتو لعجيبة وعينيه تغرغرو من لي شاف ابتسامتها بسباب ضحكتو حس بشي حاجة تبدلات فيه قربها لغندو بزربة وهمس ليها فودنها: غاتكوني ديالي غير ستسلمي هههههه
كتفكر تجاوبو حتى تسمع صوت من وراهم: أش هاد لبسالة؟؟ عثماااان؟؟ ماربيتكش انا فحال هاكة
نوال دفعاتو حيت طريقة لي كان قريب منها من نقطة شوف أمو سعاد فحال كان كيبوسها...: لا خاااالتي ماششيي..
رجعات عينيها للنوال وخنزرات فيها: مانسمعش حسك!!! جايبة لك تيليفون لي خليتي لتحت وتابعاك تالسطح نهج وفلخر من لي نلقاك تكوني نتي وياه هاكة ؟؟ (رجعات عينيها للعثمان) ماحشمتيش اولدي؟؟ ها؟؟ وسط دار ناس ودربهم ودارهم وكديرو هاد لبسالات هاكة؟؟ ماكنتش كنتوقع ولدي هاكة
عثمان: لواليدة غير خليني نشرح لك راه لي بان لك ماشي لي واقع
سعاد: اشنو غاتكدب عينيا؟؟ ماغانسمحش لك ضحك على بنات ناس بحال صاحبك..
عثمان: واااالواليدة
سعاد هبطات لعندهم وقفات قدام نوال: شوفي لي نطولوه نقصروه دري مدام قاسك يتزوج بك من لي هو خفيف لهاد درجة يخلص ثمن خفته
نوال بتوتر ومع دلك محافضة على طريقتها لخاصة فلهضرة: هو يخلص وانا مالي؟؟ انا مباغاش نتزوج باغة نكمل قرايتي باااغة...
عثمان: انا ماعنديش مشكل نخليك تقراي ولكن للخدمة إلا لمكانوش لولاد نهار نولدو مابقاتش للخدمة
سعاد: إوا هاوا مسمار طرقناه
نوال خرجات عينيها: خالتي اشمن مسمار راني باقة باغة...
يعاد خنزرات فيها: من لي مباغاش زواج ياله نشوفو ماماك فين نقولو ليها على فضيحتك تعاودك فالتربية لاباقي فك مايتربى...
نوال: لالا ماما كتفاهم غير بلكراطة بلاتي غير نقولك راه مكنا كنديرو والو هاوا عثمان يقولك