عرس شعبي

الحلقة السابعة: لحب صعيب عليه

💃عرس شعبي💃

بقلمي: أريا ستارك

الحلقة السابعة: لحب صعيب عليه

فحال شي قنبلة موقوتة غير قالت اخر حاجة وتسيف ولاد وبنات درب بلغوات **ولكركاع غالي عليه ** وشطيحهم تخلط  .. حسات بشي حد شدها من يدها وبكل فرحة ضارت وزادت بتاسمات من لي لقات راجل فخمسينات من عمره بكوستيم انيق شاد فيدو مرا واخة كبيرة لعمر جا معاها وجهها كيبان طفولي لملمس وباتسامتها نابعة من قلبها حتى هي شدات فيدها لوخرا... بصوت عالي باش يسمعوه تكلم مع نوال

رجل: اتبارك الله على بنتي النشيطية
زوجة: عرفتك غاتمشي ليها هههه فكراتني فشبابي هههه
بكل فرح عنقاتهم واخة اول مرة كتشوفهم بركو يشطحو مع بعضياتهم ونوال دايرة يدها على شكل قبضة فحال كتهضر فلميكروفون...**ياوجيب اولدي وجيب جيب** دوزات يدها لعند رجل لخمسيني بمعنى نوبتك وحتى هو قال بصوت عالي **ولاماصبتي ماتجيب!! ** ضورات يدها لمراته لي كضحك من قلبها حتى هي تسمع صوتها احسن من نوال وبحتو خلاتها حلات فمها فيها: **وجيب غير عروسة للدار** ضحكات نوال من كلام هاد لمرة لي باينة كدق على ولدها هادشي إلا كان هنا وسط لحضور... لاحت دراعها على لمرأة وقالت **ياولحب صعيب عليه... ياوزواج غالي عليه... يا ولاموغ صعيب عليه**

ياله حط سيارته وخرج هو وصاحبو لي مقابل فين كيشطحو وكيتسطى بالضحك: ▪︎هههههههههه ورق ليا اساط لهضرة علك هههههههه واناري لحاج ولحاجة وسط دقايقية محيحين ههههههه لهربة
بتاسم بكل عفوية وتقدم بخطوات تقيلة هو وعدنان صديق الطفولة:
قاسم: عزيز عليهم زدحات مايمكنش يفلتو عرس واخة تقوليهم لعروبية يتبعوك بزز كنقنعهم يمشيو للحفلات لي كنحضر كيقولك كيجيهم نعاس بلملل
عثمان: ورق ليا لبنت لي كتشطح مع باباك شفتيها؟؟
صغر عينيه كيدقق فلبنت لي شادة فباه كتشطح معاه وكيتسمع صوتها كتقول **أتبارك الله على عمي** بتاسم من قلبو وهو كيشوف ضحكة باه ولأم ديالو لي ناشطين رجع عينيه للبنت شعرها طويل شوية بوكلي فلقهوي وأطرافه قريب للاشقر، حقق فملامحها وحروفها زينها طبيعب عادي ومن لي كضحك وجهها كينور بتاسم جنب بمكر وعينيه كيهبطو مع جسمها لي كيتمايل، وقفو عينيه على ط.رماحة وزاد بتاسم من لي لقا دكشي لي كيعجبو بقا مركز معاها حتى حط يدو لعريس فوق كتافو فيقوو...

منير: وايلييييي قاسم هنا؟؟ مرحبا اسيدي مرحبااااا
ضار عنق اخ صاحبو وفحال خوه صغير منير وبتاسم :
قاسم: اهلا بسي لعريس وراك منور اصحبي صافي تقولبتي وغادخل للكاج (قفص)
منير: أخويا عفا الله عما سلف صافي لقيت نصي تاني وتوأم روحي
قاسم: اوا لعقبة لينا

ضحك عثمان وعنق خوه منير ولكن عينيه على لي قال عقبة لينا: هههههههه كتكدب علينا؟؟ هاد لهضرة قولها قدام واليديك اما حنا حاااافضييينك
منير: اصحبي بعد منو لايكون تزعط وناوي لحلال
عدنان: صاحبي وعارفو مزياااان...