وعن القلب إذا غَوَّي "عشقت مخادعة"

الفصل الواحد والعشرون👿

"سبحان الله وبحمده سبحان الله العظيم"

صرخت همس بوجع قائله: حرام عليكي ليـــه بتعملي فيا كده ليـه مش ذنبي أني بنت ليــه كده
جاءها رد والدتها بكل برود: هو إيه إلى ليه أنتي هتبجحي ولا إيه، الظاهر أن سيبانك بوظك يا فاجره

صرخت بها همس قائله ببكاء: هتصدقيني لو قولتلك بكرهك
ضحك والدتها بسخريه قائله: هو أنا إلى بحبك مثلا هههههه ضحكتيني والله

نزلت دموع همس وهي تقول: بكرهك والله العظيم بكرهك، عمري ما أتمنيت أقولك كده بس أنا بكرهك، بكره كلمة أم بسببك، عمرك ما حسستيني أنك أمي
قالت والدتها ببرود: لأنك عــــــار

قالت همس ببكاء مرير: علشـان بنت أبقي عار، علشـان بنت أتعاقب بالشكل ده، علشان بنت تحرمني من حنان الأهل إللي عمري ما شوفته منكم، علشان بنت أترمي الرميه دي، علشان بنت أعيش من غير أهلي، أترمي لكلاب السكك، الكدمات تعلم في جسمي طول العمر، أنا بحمد ربنا مليون مره أنكم سافرتوا وسبتوني هنا لوحدي في جنه بعيد عنكم...

تنهدت والدتها قائله بملل: خلصتي، عموما كنت متصله علشان أقولك جهزي عمر علشان هبعت أخده
قالت همس بضيق: تاخدي ميـــن أنتي إتجننتي

قالت والدتها بغضب: الظاهر أنك عايزه تتعاقبي من تاني، عموما مش هكرر كلمتي بكره هبعت محامي من العيله يجهز أوراق عمر علشان هخده هنا وأنتي هتفضلي زي الكلبه عندك
وقبل أن ترد همس كانت والدتها تغلق المكالمه لينزلق الهاتف من يد همس ودموعها تهبط بغزاره على وجنتها تحاول كتم شهقاتها حتي لا يسمعها أخيها الصغير، غافله عنه فهو يتابعها من بدايه الحديث ومعه مروان الذي جاء ليتحدث مع محمود....

صرخ كرم قائلا وهو يوجهه حديثه للحرس: أنااا بدفعلكم فلوس علشان تناموا ولا تحرسوا المكان يا شويه بقر

أخفضوا رأسهم الأرض ليقول واحد منهم: روبي هانم هي إلي طلبت مننا نكتر الحراسه على الجزء الأمامي

تنفس كرم الصعداء داعياً الله بأن ما يفكر فيـه خطأ...

قال بصوت جوهري: صالح هتيجي معايا وهات أربع رجاله معاك
هز صالح رأسه قائلا: أوامرك ياباشااا
وبالفعل تحرك كرم في سياره بمفرده وتبعه صالح مع أربع حراس، قاد السياره بسرعه جنونيه ليفتح هاتفه للإستعانه بشخص متيقن أنه سيساعده...

عَشِقتْ مُخادِعةٌ 🍒
زينب فراج ZEINAB FARAG 🍒

في ألمانيا وتحديدا في منزل ذالك الرعد، كان يجلس مع شاهندا في جو هادئ ليقول بملل: شاهي أقعدي بقااا
زمت شفاتيها قائله بضيق ظاهري: ماشي يا رعود خليك فاكرها