وعن القلب إذا غَوَّي "عشقت مخادعة"

الفصل ما قبل الأخير

"سبحان الله وبحمده سبحان الله العظيم"

حكم أدم على معصم جنة وهو يقول: إيه السرعه دي رجلي وجعتني

نظرت له جنة بضيق ثم قالت: لااا ألف سلامه عليها
إبتسم أدم بحب ثم قال بهدوء: جنة إتظبتي، وأوعي تكوني فاكره أني هعدي الضربة دي على خير، بس أحب أقولك حاجه أنا لو بسكوتلك فبسكت علشان بحترمك مش خوف منك، ومش عايز أزعلك مني، لكن تضربيني قدامهم لاء يا جنة ولا حتي من وراهم

نظرت له بعيون داميه ثم قالت: طلقني يا أدم
نظر لها أدم بتعجب ثم قال: يا شيخه إتوكسي مش لما أتجوزك الأول
نظرت له جنة بحزن ثم قالت: لاء طلقني، أنت مش بتحبني، ومش بتفهم حبي ليك، دايما شايفني هبلة وغيورة فأحنا كده مش هنعرف نكمل مع بعض

صفق بيداه بسخريه، ثم قال ببرود: عظمه على عظمه يا ســـت، أخرسي يا جنه إلا وربنا هنهال عليكي بضرب مبرح يجيبك الأرض

نظرت له جنة بحزن فهمه من عينها، ليضع يداه خلف حجابها ثم قربها منه، وضمها بحنان إلي صدرة، لتحاول جنة التحرير من عناقة لكن لا جدوي، فقال آدم بهدوء: خلاص إهدي يا جنة الأدم
هدأت جنة بين أحضانة، لتبدأ في سبها الذي لم ينتهي أبدا، فقال آدم بتحذير: جنــــــة عيب بقا

رفعت وجهها تنظر له بضيق قائلة: والله العظيم أنت إنسان وسخ وبارد
وقبل أن يحذرها للمره التي لم يعلم عددها، قالت هي في ضيق: مش قادرة لازم أطلع كل الضيق ده في حد وأكيد الحد ده أنت

مسح آدم على حجابها وإبتسم بهدوء قائلا: والله عارف دماغك الهباب دي راحت لفين، بس مفيش آي حاجه من دي، أنا هفضل أحبك طول ما أنا عايش يا جنة الأدم، مش علشان مبقولكيش بحبك كل شوية يبقي مش بحبك، أنا خايف عليكي أنتي، أنا عارف شايفة كل الرجالة إزاي، علشان كده مش عايز أتحط من ضمن الرجالة دي

قالت جنة بزعر مكتم: يعني أنت مش عايز تقرب مني علشان مريضه مثلا
هز رأسه بيأس، ثم قال بهدوء تام: خالص يا جنتي، بس مش عايز أزعلك حتي من غير ماخد بالي، عايزه تفضلي ملكة متوجه كده، بلااااش كلام رضوي الشربيني إللي مالية بيه دماغك ده

نظرت له بضيق حقيقي، ليبتسم بخفوت قائلا: مش قصدي حاجه وربنا، الله يسامحك يا رضوي يا شربيني، حبيبتي طبعا هي بتقول كلام عظيم جدا وبتوعي البنات لحاجات ساعات كتير بيكونوا غافلين عنها، بس مش أنا، أنا محترم والله

إبتسمت جنة لطريقة حديثه، ثم قالت: ماشي إبعد بقا
قالتها وهي تدفعه بهدوء ليبعد عنها هو الأخر لكن لم يترك يداه...