وعن القلب إذا غَوَّي "عشقت مخادعة"

الفصل الواحد والثلاثون🙂

"سبحان الله وبحمده سبحان الله العظيم"

إبتسم إياد بقوه وهو يقول: آي والله يا بتول، لو شفتيه هتموتي من الضحك ويا سلام لو شوفتي سيلين وهي بتقول أنا إسمي مدام وربنا مقدرت أمسك نفسي
قالت بتول بحنق مصطنع: إخص عليك يا إياد بتضحك على سيلين، دي مريضه

ضحك إياد بصخب وهو يقول: أنا مضحكتش عليها ضحكت على ردة فعلهم تفرق لو سمحتي، وبعدين تعالي هنا نازلة أسئلة عن سيلين سيلين سلين، فين إياد من دا كله يعني فين اللهفه إلي كانت في عينك لما كنت راجع من العمليه، إيه أروح أنتحر علشان أنول كلمة عدلة من حضرتك

قالت بتلقائية: إياد متقولش كده بعيد الشر عنك، أقفل يا إياد علشان بدأت أفقد أعصابي
ضحك إياد بحب وهو يقول: خلاص أسف، إيه ده يلهوي

قالت بتول بقلق: في إيه، إياد مالك في حاجه حصلت
ضحك إياد بشده وهو يقول: الحرب هتقوم يا بتـــول، كرم داخل الحديقه شايط، أقفلي أقفلي

صرخت به وهي تقول: أقفل إيه يا إياد متعصبنيش هدي بينهم يا إياد سيلين مش فاكره حاجه، بقولك مترحش أحسن، متدخلش بينهم يا إياد والله أزعلك لو عرفت بس أن سيلين زعلت

نفخ إياد ثم قال بطفوليه: يا بخت سيلين، كل الإهتمام يروحلها وأنا هنا بتشحتف علي عامل إيه، أهو يا ستي وقفت بعيد علشان مشوفهمش أصلي هتعصب
ثم أكمل بداخله: وربنا لوريكي يا بتول تبقي في بيتي بس وسيلين دي هحرمك منها وأخليكي تقولي حقي برقبتي يا بنت الأدهم، يارب الصبر

نظر كرم لسيلين بغضب وهو يقول: أنا مش قولتلك متتحركيش
أغمضت عينها من خوفها، ولم تشعر بنفسها غير وهي بين أحضانه ليقول كرم بحب: أوعي تخافي مني، أنا قولتلك كده علشان خرجتي قبل كده وإنخطفتي يا قطتي، أوعي تخافي مني تاني أنتي متعرفيش أنا حاسس بإيه وأنا شايفك كده

قالت بتعجب: خطفني!؟
هز رأسه ثم قال محاولا تغير الموضوع: تعالي يلا علشان تاخدي الدوا
عقدت حاجبها وهي تقول بتقزز: أأأع دوا، لاء، ليه هو أنا مريضه

إبتسم بحب ثم تحرك وهي مازالت بين أحضانه ليقول بهدوء: لاء أنتي حامل ودي حبوب علشان تتقوي والبيبي يجي كويس
عقدت حاجبه وهي تقول: حامل، هو أنت ليه بتقول كلام مش فهماه
بعدت عنه بأخر جمله ليتجاهل الموضوع فهي لا تتذكر شئ.

جلس كرم بعدما مسك كوب الماء في يداه واليد الأخري حبة الحبوب وهو يقول: طب أقعدي وأنا هفهمك
جلست على الأريكة المقابلة وهي تقول: بس إتكلم بسرعه أصل بصراحه شيفاك بتتكلم كتير أوي أوي يعني لوكلوك كده