وعن القلب إذا غَوَّي "عشقت مخادعة"

وعن القلب إذا غَوَّي (2)

"سبحان الله وبحمده سبحان الله العظيم"

أخذ موزة عدت أنفاس ثم قال متسرعا: محمود إتسرفلي في عربية بسرعة
عقد محمود حاجبه فأكمل موزة كي لا يأخذ وقت: مش وقته يا محمود غمزة كلمتني وهي بتصرخ وبعدين مسمعتش حاجه.. بسرعة بالله عليك

أخذ محمود نفس عميق ثم قال: طب أهدي، هشوفلك عربية وأنت كلم حد من معرفك لو يعرف بيتها أو المكان إللي هي قاعدة فية مش معقول تفضل تصرخ أي كان السبب لحد ما توصل يعني

هز رأسه ليتصل بأحدهم فعندما جاوب قال بهدوء: زيد.. عارف بيت غمزة صح.. أيوة هي البنت دي.. هتعبك معايا تروحلها لأنها أتصلت بيا وكانت بتصرخ وبعد كدا مسمعتش حاجه والعيلة كلها مسافرة.. أيوة بالضبط كدا.. تسلم يا باشا هنتعبك معانا.. طمني بالله عليك.. طب سلام

وفي هذا الوقت كان محمود جهز له سيارة وفي طريقة له..

أغلق مروان الهاتف وهو يتنهد بقوة متحدثا: يارب كفاية عليا المجانين إللي في حياتي.. يجيلي واحده عندها إنفصام

أمسك هاتفه وأتصل مرة أخري عليها مره أخري ولكن لا رد، صر على أسنانه وهو يعاود الإتصال بها قائلا: ما تردي يا كايلا الزفت

أخيرا جاوبت علية، لتقول عندما فتحت المكالمه: خير يا مروان جاي تشتمني.. خلاص يا عم عرفت أن عندي إنفصام في الشخصيه ومحدش بيطقني أصلا وكلكم زي بعض رجالة وحريم وأنا وحشه ومعنديش دم وزبالة ومنتنه ومتحولة و...

إبتسم بهدوء وهو يهز رأسه مقاطعا إياها: خلاص أهدي.. حقك عليا يا ستي ها ختي الدوا؟!

هدأت من أعصابها ثم قالت بهدوء: الصراحه يعني.. لاء مش عايزه أخده طعمه وحش وبيخليني نايمه أغلب الوقت

تنهد مروان وهو يقول بهدوء: قولنا بيهديكي وبعدين أنتي بتنامي!! قولي كدا بتنامي أمتي

فكرت قليلا ثم قالت: يعنـي على عشرة حداشر بليل

قال بتهكم واضح: أه تاخدي العلاج الساعه تلاته العصر وتنامي عشرة بليل ودا كله بسبب الدوا مش كده

أحمر وجهها غضبا وهي تقول: أتريق عليا كمان.. دا كله علشان أنا إنسانة تعبانه وعندي ظروف صحيه فتتريق عليا روح منك لله يا شيخ.. إلاهي يارب مراتك تتعبك في حياتك وتجريك وراها ومترضاش بيك بردو