مشو لحوش العيله ولقت جارتهم عاد هما وعيله ايوب صحاب وكشت طول سلمت عليها وتلفتت لقت خالتهم احلام وبناتها ...المهم سلمت وقعمزت جنب جارتهم ....ام عماد (الجاره) عاد ردو بالكم علي بنتنا يا ويله ايوب لو يزعلها .... ام ايوب : ما توصيشي عليها يا حنه .... احلام : قولها هيا ترد بالها من ايوبنا ... ساره شافت لي احلام نضره متع موتي حسد : ايوب كبيدتي حاطاته في عيوني ... احلام لفتت وجهها ما عجبهاش كلام ساره ... ساره ناضت قامت الصفره ...ام عماد : وين يا ساره ... ساره :بنرفع الصفره للكوجينه وبنشوف ايوب خليته ياكل غادي ... طلعت ساره واحﻻم نخصت بنتها قتلها الحقيها ... المهم خشت ساره حطت الصفره وشافت ايوب يغسل في ايديه ...ساره : صحه صحه .... ايوب :سلمك ... وهما يدوو ساره شافت هدي جايه ... المهم طول نقزت حضنت حسام ...خشت هدي :احم نخش كملتو وﻻ مزال. ... ايوب:اسمعي اني ماشي للمربوعه ...ساره:ماشي حبيبي ..ايه يا هدي شن الجو هههه ... وساره تشوفلها في نضرات انتصرت عليك نانانا .... هدي :عيب راه الحركات هادي قدام الناس قصدي حطيتي ايوبي في موقف حرج .... ساره : اوﻻ اني حضنت راجلي حلالي وماكان في حد وتاني شي شن دقولي لي واحد متجوز ايوبي مافهمتهاش .... هدي :اني هكي متعوده نقوله وهوا يقولي دودي قصدي من يوم مومنا اني دلوعته وهكي وتعودت ...ساره :ﻻكن توا الوقت تغير اني دلوعته ...وطلعت ساره وسيبتها ...ساره اتصلت بي ايوب وقتله لما تكمل كلمني باش نروحو .... المهم كيف وصلو للحوش ايوب قعد يدور في خيط الشحن وساره مقعمزه فوسط الحوش تفكر وايوب ينادي فيها سااااره سارره ... ايوب :شن معاش تسمعي ساره من بكري انادي فيك .....ساره طول خطر في بالها كﻻم هدي وقالت ينادي في دودي وتوا اني يعيط يقولي ساره خيره مايقوليش حتي حبيبتي عندها حق شكله كان مدلعها ....ايوب:تسمعي وﻻ انطرشتي نقولك الشحن وين ....ساره: الشحن فالدرج ... ومشي ايوب بياخد الشحن وخشت وراه ساره وكان واضح انها متكنطيه ....ايوب :ياستر شن في هي ... ساره:ﻻ شي .... ايوب :ساره شن في .... ساره:ومزال تقولي ساره والله شن فالح غير هيا تقولها دودي ... ايوب :شني ....ساره:ماتستعبطش انت عارفني ندوي علي هدي .... ايوب :خيرها !..... ساره:ادلع فيها دودي واني تجي تعيط يا ساره .... ايوب :ايح عاد ﻻ دلعتها وﻻ شي خيرنا عاد ... ساره :هيا قتلي اني دلوعته ... ايوب: مانسلكوش شكلنا دلوعه شن .... ساره :اسال روحك ... ايوب:معاش ادوريها ومعاس اديري عقلك من عقلها راهي فرخه 18السنه ....ساره سكتت وقعدت تشوفله وقالت في خاطرها حي مصح وجهها فعلا طلعت هيا دلوعته .....ساره: شن اني عزوز يعني اني 21سنه ... ايوب : وااك عليا كبدي درهت منا الموضوع وطلع ايوب وسيب الدار .... ساره قعدت تبكي واتصلت بي اميره ...اميره:اهلا ... ساره: :'( الحقيره هدي نكرها ...اميره :شن في ...حكتلها يلي صار ....اميره: اخخخ ما ادوريهاش تبي تزعلك بس ...ساره:هيا حلوه البنت .... اميره: انتي احلا مشاء الله جسم وشعر وعيون ... ساره:هيا عيونها كبار هلبا :'(..... اميره:يعني انتي صغار ... ساره: ﻻكن هيا أكبر .... اميره :ﻻكن انتي خضر .... ساره :هكي دقولي ... اميره :ايه يا هبله ....علي خشت ايوب ......
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
