ساره انشغلت هلبا وخصوصاً ﻻنهم مايدروش جت الساعه تنين وساره خﻻص بتهبل وينهم ماجوش. ..... سمعن صوت تخبيط الباب وكانت جارتهم تخبط ...ساره فتحت الباب ....الجاره :تبكي وتعيط .....ساره خﻻص قلبها طاح :شن في شن صاير ...الجاره: البسي عبايتك وتعالي ...ساره: يا عمتي ابتسام شن صاير ماتخلعينيش ....الجاره:امك وبوك دارو حادت ....ساره : شني تي شن دقولي شن دقولي شن صارلهم ردي عليا شن صار كيف....الجاره:هما ف المستشفى هيا بنمشولهم بري معانا .....ساره لبست وطلعن مع جارتهم وقعدت تبكي لين وصلو للمستشفى لقت عمهت رزاق ....ساره:عمي بالله عليك شن صار وينهم قولي حالهم باهي ...رزاق:انشاء الله خير اونا دخلوهم ...ساره كانت تستنا في كلمه وحده تهدي بالها ....طلع الدكتور وجو يسالو في .....الدكتور البقيه فحياتكم الراجل متوفي في مكانه والمرا اسعفناها وانشاء الله هتبدا احسن .....ساره اغمي عليها ...المهم عطوها يبره مهدي ومنوم وقعدت راقده تاني يوم ناضت بدت تعيط ...جي الدكتور ...ساره: امس انت قتلي بابا توفي صح وﻻ صح وﻻ رد عليا انت نكدب قولي انك تكدب .....الدكتور: اهدي نفهمك بوك وهوا يسوق جاته سكته قلبيه ودار حادت هوا ماقدرناش نسعفوه ﻻكن امك اسعفناها امك في واحد لحقهانا بسرعه المهم تبي تشوفي بوك ؟...ساره قعدت تبكي خﻻص معاش تحملت .....خداها الدكتور ولما جابولها بوها باست جبهته ...ساره: بابا يا غالي عﻻش موتت عﻻش مشيت وسيبتني والله الدنيا مستحيل تمشي وانت مش موجود بالله عليك نوض بابا بابا بابا نوض والله نحبك والله بالله عليك ماتسيبنيش...تكلم في وتبكي ...الدكتور تاتر خﻻص تعالي ...ساره:بابا اني مش مصدقه ان هادي اخر مره نشوفك فيها :'( :'( :'( :'( ....جو رفعو بوها والدكتور شادها بالسيف :انتي بنت مسلمه ومؤمنه بي اراده ربي صبري بالك يهديك الله افرحي امك قعدت عايشه ربي يدومها بصحتها تعالي باش تشوفي امك ...ولما رفعها تشوف امها ..........
يتبع
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
