ايوب : شن تقصد هدي .. ساره :تلقح الحماره .....ايوب : علي شن تلقح ....ساره : علي موضوع صار .....ايوب : ايه باهي شن هوا الموضوع ....ساره : في واحد خطبني .....ايوب : سن تقولي انتي ...وبدي يجري لين خﻻص ....ايوب : من هوا من هوا تكلمي ....ساره : ايوب بتقتلنا بالشويه ....ايوب : من هوا تكلمي ...ساره : والله مانعرف امك تعرفه ....المهم حطها فالحوش ومشي لي امه سال علي الولد ومشي طووول للولد ضربه قريب قتله .....ﻻكن ماروحش ماضت ساره تاني يوم ما لقاتاش ....
المهم فاتو تلاته ايام ماخشش للحوش المهم ساره كانت تعبانه ومريضه هلبا علي جيت سلفتها عفاف لقيتها مريضه ...عفاف : نوضي البسي خلي نعاينك قبل ما تخلصي ....ساره : مافيا شي نشرب حاجة سخونه وتمشي اموري تمام ...عفاف : نوضي وجهك اصفر نعاينوك مش خاسرين شي ....ساره : المشكلة ايوب مايردش ....عفاف : زيدي اتصلي بي وكانا ماردش عادي انتي مش ماشيه لي مكان ماشيه تعايني .....المهم ساره اتصلت ورد ايوب ساره قريب نقزت .... ساره : ايوب وينك قداش ليك يوم شغلتني عليك ....ايوب : اني مروح الحوش ....ساره : ماشيه مع عفاف بنعاين ...ايوب : باهي....وصكر ما سالهاش عﻻش وﻻ كيف وﻻ شن فيك كلمها ببرود ....المهم مشو وهيا كانت شاكله ان يطون عندها مرض فالدم وﻻ حاجة كلمت الدكتور ودارلها تحاليل وقلها بعد ساعتين ونص يطلعو ....عفاف : هيا نوضي نشوفو المحلات اهني نضيعو الوقت .....مشو وقعدو يدورو ويدورو وفاتو تلاته ساعات وهما مش حاسين ع الوقت عفاف شرت حجات لي بنوتتها وساره شرت زوز عبايات لي امها ....مشو للمستشفى ....ساره كانت متاكده ان عندها مرض فالدم تكلم فالدكتور بخوف ....
ساره : انشاء الله خير بس اني ناخد في دواء متع فيتامينات ومواضبه عليه .... الدكتور : ﻻﻻ خير خير معاش تخاديهم الفتامينات خﻻص .... ساره : اوكي ..... الدكتور : مبروك انتي حامل وﻻكن بتردي بالك علي روحك وعلي بيبي وتاكلي كويس ....ساره فرحت وتكنطت فنفس الوقت ....ساره : الله يبارك فيك ..... عفاف : مشاء الله مبروووك ....ساره : يبارك فيك .... ساره فرحه ﻻكن خافت ان تقول لي ايوب ويتصرف مع موقف ببرود يكرها فالحمل وفروحها ....
روحت ساره لقيت ايوب راقد المهم صلت المغرب وفتحت التلفزيون وبعدها جو9 ناض هوا ودوش وصلي وجي بيطلع ....ساره : ايوب اقعد نبي نقولك حاجة .... ايوب : بعدين مش فاضي توا بنطلع ... ساره : حاجه ضرورية هلبا ماتتاجلش .....ايوب : ايح هي شن تبي ....ساره : باهي تعالا لي الصاله هادي ... ايوب : ادوي اهني .... ساره شداته من ايده: هيا تعالا .... ايوب حول ايده : ايح هي ادوي ....ساره : اني بتقولك حاجة يا بتفرح هلبا يا بتتنرفز ....ايوب : ايه شن هيا .....ساره : اني حامل :-( .... ايوب : تبصري توا وقت برادتك .... ساره : والله مانكدب بجديات حامل .... ايوب : امته صار .....ساره تنرفزت وناضت : شن امته صار ◀_▶ ........ كيف بتمشي شدها ايوب : غير وين ماشيه تعالي نبصر عليك ....
ساره جبدت ايدها ومشيت لي دارها ....خش ايوب :توا عﻻش تبكي ....ساره : سيبني في حالي برا زيد اطلع اقعد برا تلاته ايام تانيات ...ايوب : ﻻ مانطلعش ونسيب مرتي الحلوه ....ساره : اني نكرهك باهي اطلع وخليني في همي الناس تقول مبروك وﻻ تقول كلمه طيبه وانت تحكيلي امته صار ....ايوب :ﻻكن اني نحب ومانيش طالع واصلا كنت نبصر عليك شن معاش نبصر ...ساره : ايه معاش تبصر ....ايوب : باهي حاضر معاش تبكي ....ايوب : ماتزعليش عاد قلنا نبصرو ....ساره : نحسابها الحاجة هادي بتفرحك ﻻكن طلعت غالطه ....ايوب من قال ما فرحتنيش والله فرحت هلبا ﻻكن انتي جبتيهالي طول فالبدايه ما صدقتش ....
تاني يوم الصبح ساره تفطر هيا وايوب ....هوا طلع علي حاله وهيا بدت في روتين الضمان وبعد ما كملت اتصلت بي امها ... ساره : الوو ماما ... ام ساره : اهلين بنيتي كيف حالك .... ساره : الحمد لله شن امورك انتي يا ماما .... ام ساره : تمام الحمد الله .... ساره : اني حامل يا ماما ... ام ساره: مشاء الله مبرووك مشاء الله .... ساره : ربي يبارك فيك امي تعالي واني نكلم هاجر وامها ونديرو غدي مع بعض.... ام ساره : باهي تمام ....
مع الضهر جو ودارو الغدي مع بعض دارو كسكسي وكلو وبحبحو ....
بعد مرور سنه
ساره جابت ولد يهبل وسماته محمد علي اسم بوها وطبعا سيبت الخدمه .... هاجر بنت جارتهم تجوزت واحد كان يقرا معاها ....واميره اخت ايوب نخطبت ...خطبها واحد دكتور يخدم في دبي .... هدي واحﻻم معاش ضايقو ساره .... وساره وايوب عاشو فرحانين ...... THE END ......
(شكرا لي كل يلي يتبعو فالقصه وانشاء الله تكون عجبتكم )
أنت تقرأ
ساره و ايوب
Romantikقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
