ام ايوب : شوفت ساره ... ايوب : وين ؟؟... ام ايوب : عند حوش عماد جن غادي ..... ايوب : اممم .......
ام ايوب : هيا باهيه قنينه ﻻكن بنت خالتك احﻻم احﻻ منها
ايوب : تي مني من بنات احﻻم هما كلهم غوﻻت ....
ام ايوب : اماﻻ من هدي شينه زي الغزاله
ايوب : تي مﻻ شنكه تي برعي جارنا احﻻ
ام ايوب : مفضاني ندوي معاك اني ....
المهم تاني يوم ساره طلعت مع امها و جارتهم و ولدها خالد مشو للمستشفى ام ساره عندها تحليل ...المهم خشو دارو التحليل
ام عماد : خالد وليدي بالله عليك وقفنا اهني خلي نشوفو المحﻻت هادو ..... المهم نزلو وين خشو لقو ايوب .... ام عماد : ايووب !! تخدم اهني ؟ .... ايوب : اهﻻ عمتي ﻻ غير وليد صاحبي يخدم اهني وماشي لتونس يومين واني شادله الخدمه ....ام عماد : باهي ربي يعاون يا وليدي ... ايوب : سلمك .... المهم قعد ايوب يشوف لساره ...طبعا ساره انتبهت ان ايوب مركز عليها ....طبعا المحل متع عطور ....المهم ساره شافت رائحه وعجبتها ... ساره : شكلها حلو ﻻكن زعما كيف ريحتها .... ام ساره : والله ما نعرف اسالي .... ساره مشيت لي ايوب بتساله ....ايوب يشوف فيها جاياته و
بدي يقول لروحه شدت ....وين قربت ساره دار روحه ﻻهي فالتلفون ....ساره : معليشي خوي ....ايوب : تفضلي يا دكتوره ...ساره فرحت بي كلمه يا دكتوره ....ساره : :-) عجبني شكل الرائحه هادي ﻻكن نبي نعرف ريحتها مليحه وﻻﻻ ...ايوب : اصبري نجيبك وحده مفتوحه باش تجربيها .... جاب وحده وجاها ...شافتها ساره وماحبتش ريحتها ... ايوب : ها شن وضعها (يبي يخلق موضوع بالسيف )...ساره : قويه هلبا مانعرفش باهي شن تنصحني شن هيا اكتر وحده يشرو فيها .... ايوب : ههههه مانخدمش اهني اني والله ما نعرف ....ساره : هههه اوكي نحسابه محلك المهم شكرا ....ايوب ماكانش يبي ينهي الحوار السعيد ...ام عماد : هيا بالسﻻمه سلم علي امك ... ايوب : سﻻم يوصل يا عمتي .... ايوب خﻻص ساره خاشه لي دماغه ومش عارف كيف يوصلها .... مافيش حل غير انه يخطبها .... ايوب مشي بيكلم امه .... ايوب : ياام نبيك في موضوع مرام وموده نوضو انتم (هادو خواته يلي مش متجوزات )...ام ايوب : نعم وليدي انشاء الله خير .....ايوب : ياام بري كلمولي امالي ساره ....ام ايوب : مسرع امته عرفتها ●_• وسع بالك واختار براحتك .....ايوب : ﻻﻻ خاشه الدماغ البنت هيا تميلي فيها وخﻻص .....ام ايوب : مش عارف منين طلعتلي بيه الموضوع ﻻكن كيف ماتبي المهم زيد فكر ورد عليا ...ايوب : ياودي تميلي فيها مفكر ومكمل ......
يتبع
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
