بدت ساره شغل فالصيدليه كان دوامها من 8لي 3 .... وكان في واحد يسكن في نهايه الشارع كان ديما يجيها لي الصيدليه واي واحد يحتاج حاجة من الصيدليه هوا يمشي يجيبها باش يشوف ساره ...المهم بعد ما فاتو شهرين من خدمتها الولد كم امه والولد كان اسمه (رائد)... المهم رائد كان يخدم في محل تلفونات ....المهم جاب امه لي الصيدلية باش تشوف ساره ....والمرا عجبتها ساره هلبا ....روح الولد بي امه ورجع جو 2:30 قدام الصيدليه جي ايوب الساعه3 روح بي ساره ومشو لحوش العيله ﻻن امه مناديا وﻻدها كل .....المهم رائد حفظ الحوش ومشي سال علي لقب امالي الحوش وبدي يسال علي حسبهم ونسبهم يحساب ساره بنتهم .....رائد قال لامه علي لقبها ﻻكن قاعد مايعرفش اسمها ....تاني يوم خش لي الصيدليه لقاها .....رائد:السﻻم عليكم .... ساره: وعليكم السﻻم ....رائد:عارفك بتقولي هادا خيره ديما اهني ﻻكن الحق ﻻهي بالعيله ويلي يبي حاجه يكلمني مانحب نرد حد كلها مزرده فيا ههههه ....ساره: ربي يعاونك .....رائد: معليشي اختي عندك تاينانول ..... ساره: ﻻ الحق توا ما عنديش يمكن بعد سبوع نجيبو ....رائد: اوكي تمام وشكرا يا اه حقا شن اسمك انتي ....ساره: ساره ....رائد: اوكي شكرا يا ساره .....وطلع روح رائد تغدي وكلم امه قلها الخميس هادا بنرفعك تخطبيهالي المهم اتفقو وكل شي وجي يوم الخميس رائد رفع امه لي حوش ام ايوب ﻻن كان يحساب ساره بنتهم .....ام رائد: ههههه نهاري الاحرف مسيت اسم البنت ....رائد: ساره ياام ما تنسيش هههه .... ام رائد: خﻻص ادكرتها .....المهم خشت ام رائد وهدرزو وقتلها نبو نخطبو ساره ....ام ايوب: ماعنديش بنت اسمها ساره قصدك اميره ....ام رائد : بنتك هادي هكي صغيره في بدايه العشرينات صح وﻻ ....ام ايوب: ايه اميره ....ام رائد:ساره مش اميره تي بنتك الصيدلانه .....ام ايوب: ااااه قصدك علي ساره ....ام رائد: ايه هادي ام عيون خضر .....ام ايوب: ﻻ هاديكا مرت ولدي ايوب ....ام رائد: مرت ولدك والله ما كنت نعرف سامحيني والله نحسابها بنتك سامحيني يا وخيتي ....ام ايوب : حصل خير انتو جدد اهني .... ام رائد : ايه جدد لينا سنتين وﻻ اقل ....ام ايوب :بالجوده .....وبعدها روحت ام رائد جي رائد روح بيها ...... رائد : ها شن صار .....ام رائد :حشمتني يا ولدي قدام الناس ....رائد :شن صار ......ام رائد : هديكا مش بنتهم يا فالح .... رائد:بنت من امالا ....ام رائد: الحوش هادا مش حوش البنت ....رائد: مش مهم المهم عرفتي حوش البنت ....ام رائد: المرا يلي جيت بنخطب منها ساره طلعت عزوزه ساره يعني ساره متزوجه ولدها ..... رائد حط ايديده علي راسه : مﻻ عار كيف ما سالتش حتي اني حمار مﻻ عار درته ...... المهم روح رائد بامه .....
تاني يوم اتصلت اميره بساره لما كانت تفطر هيا وايوب ....اميره: ههههههه يا مصيبه كانا تعرفي شن صار .... ساره:شن صار شن صار قوليلي ....اميره: في واحد جي خطبك من امي يحسابك بنتها ما يحسابكش مخطوبه .... ساره ناضت من علي الطاوله ومشيت لدار تانيه ....ساره: اهم شي ما قلتوش لي ايوب يقلبها فوق روسنا كل .....اميره: مانعرف ما اعتقدش قالوله ﻻكن امي هتقوله نعتقد ....ساره: انشاء الله لا اسمعي خلي نمشي نكمل فطور وبعدين نكلمك .... رجعت ساره ...ايوب:من كلمك باش هربتي ..... ساره: اميره ....ايوي : وعﻻش هربتي هكي .... ساره: دوه بنات شن تبي تكسر ودنك .... ايوب: باهي خﻻص هوا قاعد يتكلم اتصلت امه ............. يتبع
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
