لقت عمها رزاق فالحوش قلها انتي معاش بتقري لين يجيك نصيبك ...ساره : وعﻻش معاش بنقرا ....رزاق : بتقعدي تلهي في حوشك وامك واني توا ندورلك راجل وانشاء الله خير ...ساره:نلها بي تمي من غير ما توصيني وتقعد في عيوني من غير توصايا ﻻكن تدورلي راجل ومش عارف مش قاعده عالا علي قلبك ايوه برت دوره لي بناتك ...رزاق :ضمي فمك لسانك يبي القصان حكومتك في ايدي مش عندك وكلمه مانعاودهاش .... ساره نخصتها امها وقتلها سايري . .المهم بعد ما روح عمها ...ساره : طيح سعد شكله كان يحسابني بناخد الراجل يلي بيجيبهولي وعﻻش يخلي فيا نسيب قرايتي ...الام : يا بنتي سايري هادا عمك ويبي مصلحتك وتاني شي انتي رابحه سنتين يعني فتره وتوا يبرد ويخليك ترجعي تقري ... المهم ساره خشت لي دارها قعدت تبكي هيا عارفه ان امها واقفه معاها ﻻكن عارفه ان عمها بيقعد يتجمل علي امها وبيضايق امها لو ساره صكرت راسها ...تاني يوم ناضت الصبح لقت جارتهم عندهم تفطر هيا وامها ...ساره : صباح الخير عمتي ....الجاره : صباح النور يا غزاله هيا افطري معانا تعالي ...المهم قعمزت ساره تفطر بعدين هاجر اتصلت بي امها ...هاجر : الو ماما اعطيني ساره نبيها ...الجاره : هاك هاجر طلع شن تبيك .... ساره : صباح الخير شن الجو ....هاجر : تمام شن جوك انتي ...ساره : ماشيه .....هاجر : تعالي اليوم جايين صاحباتي ...ساره : ماعنديش خلوق خليها مره تانيه ....هاجر : ضمي فمك اصﻻ نبيك تجي من توا باش تساعديني ... ساره : باهي يصير خير ..هاجر : مايصيرش خير تعالي غير اعطيني ماما ... المهم قالت لي امها تجيب ساره ...
فطرو وساره صمت الكوجينه والحوش ومشت مع ام هاجر ولما وصلو للحوش كان ايوب علي جيه (صاحب عماد ) نزل سلم علي ام عماد وسلم علي ساره ...ايوب : تي غير شن الجو يا عمتي .... ام عماد :باهيه يا وليدي شن اخبارك وكيف حال اميمتك ...ايوب : والله بخير ديما تنشد عليك ...ام عماد : سلمها قلها تجي تهدرز ....ايوب : انشاء الله غير بالله عليك ضبحيلي علي عماد عطل شحطني فالشمس ههه ...ام عماد : ههه حاضر يا وليدي ....
المهم ايوب قعد يتفرج علي ساره ﻻكن عاد مش عيني عينك ﻻن ام عماد واقفه ....المهم خشت ساره وقعدو هيا وهاجر يعولو ...وفاتت اللمه ومع جو المغرب روحت ساره ..
نحكيلكم علي ايوب ..عمره 26 عنده 4خوت و 4خوات ولد معتمد لي روحه ..طرف طويل ونقشه قنين ويلبس كويس ...
المهم خلينا نرجعو في ساره .....
مع مرور الايام ساره كسدت معاش في ﻻ قرايا وﻻ شي دابها وداب امها ... مرو تلاته شهور علي نفس الحال
المهم اخت ايوب جابت مشي المهم لما جيت اخته تزور في امها ام ايوب كلمت ام عماد قتلها تعالي .... المهم جو العصر مشت باركت لي بنتها وشافت البيبي وهما يهدرزو خش ايوب .... ايوب : اووو شن الزياره الحلوه هادي ....ام عماد : يا بنت عمي ولدك هادا لسان مفلحه هههههه ....ام ايوب : هههه وانتي شن ريتي اساليني اني ... ايوب : انا برئ تﻻقيتو عليا عاد ....ام عماد : عاد شن دميناك هادا شكر .... ايوب : حقا عمتي دكرتيني من هيا يلي كانت معاك يومها ...ام ايوب : اشبح جيل توا معاش في حشم يسال علي بنت قدام امه واخته ....ام عماد : هههههههه شوفتي باللهي .... ايوب :درت جريمه عاد اني سالت ماقلت شي تي غير من هيا هاديكا ....ام عماد : هديكا بنت جارتي هادي يلي بوها توفا ربي يرحمه ....ايوب : ربي يرحمه وشن وضعها البنت ....ام ايوب : تي مش قتلك معاش في حشم برا علي حالك يا ولد ...ايوب :ههههه ما تقطعيش في رزقي يااام ...ام عماد : ﻻ بنيه محترمه ومتربيه وغزاله بناخدها لي واحد من وﻻدي ....ايوب : يفتحلك ربي بيصير فيها رقب بعدين هههههه ...ام ايوب : تي تحشم يا ولد ... ام عماد : ههههه خلي الولد يهدرز ....ايوب : المهم وتي روحك يام ماشيين بنخطبو ........
يتبع
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
