ايوب : المهم وتي روحك يام ماشيين بنخطبو هي توا السﻻم عليكم ....ام ايوب : تعالا جاي يا ولد وين ماشين ....ام عماد : ههههههه خلي الوليد ....ام ايوب : ماقلتيليش من هادي يلي تتكلمو عليها ....ام عماد : يا حنه هادي جارتي زي وخيتي بالزبط راجلها توفا ليه مده وهيا ماعندهاش غير بنيه وبنتها هيا يلي نتكلمو عليها ....ام ايوب : واني ولدي وين شافها ومنين يعرفها ...ام عماد : ماهو هاجر بنتي صاحبتها بعد وفات بوها ﻻطلعت لاخشت بنتي هاجر تجيب فيها عندنا تغير جو البنت ياسرها من الحوش ....ام ايوب : اممم والله مانعرف منين طلعلي بقصه الخطوبه شافها مره وبيخطب ....ام عماد : تبي الحاق البنيه قنينه لين خﻻص ومحترمه واني بروحي حاطه عيني عليها غير وليداتي ﻻ بانيين وﻻ شي مش واتيين وبيعطلو ومانبيش نقطع في نصيب البنيه ﻻكن ايوب واتي بحوشه وبسيارته ومعاشه ناقصاته المرا ....ام ايوب : والله ما نعرف غير يروح توا نفهم منه ...ام عماد : اسمعي هيا بالك خلي نتصل ب واحد من الوﻻد يروح بيا وقت ....ام ايوب : والله ماك مروحتها اقعدي تعشي ماكش برانيه ...ام عماد : ﻻ فكيني بعدين الوﻻد تلقيهم ﻻهين والله ما نلقا من يروح بيا ....ام ايوب : ﻻﻻ اقعدي عاد حلفت توا نوصلك اني ومحمد (خو ايوب الكبير ) وﻻ ايوب خيرك عاد .....المهم قعدت ام عماد ودارو العشاء وهدرزو المهم ام ايوب كلماته باش يجي يروحو بي ام عماد ...جي ايوب ولما وصلو ....ايوب : غير اصبري يا عمتي ماتنزليش ....ام عماد : نعم وليدي ...ايوب : ياام صكري ودانك شويه هههه... ام ايوب : هههه برا هي ادوي ... ام عماد : هادي بنت جارتكم شن اسمها .... ام عماد : عﻻش ؟؟ ...ايوب : تي غير قوليلي ....ام عماد : اسمها ساره .....
ايوب : باهي جيبلنا رقمها عاد هههههه....ام ايوب : اشبح الولد مافيش حشم مره وحده عيني عينك .... ام عماد : هههههه ﻻ يا حبيب البنت هادي نظامها خش من الباب .... ايوب : هيا تصبحي علي خير هههه .... ام عماد : ههههه هربت عاد .... ايوب : ﻻ ما قلت شي ههههه ...ام عماد : هيا اماﻻ بالسﻻمه صحيتو تعبتكم معاي ... ام ايوب : بالسﻻمه تعبك راحه تصبحي علي خير ...
وروحو ايوب و امه ... ام ايوب : تبصر انت وﻻ بجد بتخطبها البنت هيا .... ايوب : مش عارف غير اهو .... ام ايوب : ماخشتليش دماغ اني البنت ... ايوب : تي انتي غير امته عرفتيها ياام ...ام ايوب : اني مادميتهاش ﻻكن يستر الله المهم دور باهي انت ... ايوب مباش يرد ....ام ايوب : توا نكلم ام عماد ونشوفها البنت و يصير خير ....ايوب قعد ساكت لين وصلو الحوش ....
المهم تاني يوم ام ايوب كلمت ام عماد وقتلها ماشيه بنشوف ساره .....المهم ام ساره قالت لي ام عماد في احتمال ان ساره ما توافقش .... المهم بعد سبوع جت ام ايوب تزور في ام عماد وهاجر تسبلت ونادت ساره تعاونها المهم عولو وين جيت ساره بتروح ....
هاجر : وين ماشيه يا مصيبه .....ساره: بنروح وقت
هاجر : تعالي يا همي غير تعالي خشي لي الدار .... ساره : خيرك
هاجر : اسمعي عيب عاد المرا تسال عليا وﻻزم نطلع نسلم
ساره : باهي بري عاد شن موقعي ان .... هاجر : ﻻ ماهو ماما قتلها هاجر وصاحبتها يعولو قتلها قوليلهم يجو واني هكي وﻻ هكي ما نبيش نمشي بروحي .... ساره : مش جايبه معاي حواجر وﻻ شي فكيني ....هاجر : خالد خوي جايبلي حوايج من تركيا تعالي نعطيك تشيرت وسروال هيا عاد .... المهم لبسو ونزلو سلمو ...ام ايوب ما حولتش عيونها من علي ساره ... ام ايوب : ساره صف شن تقري ....ساره : هوا المفروض نكون في اخر سنه صيدله ﻻكن الله غالب مش كاتب نكمل قرايا ... ام ايوب : كم عمرك انتي ... ساره : 20
ام ايوب : كيف 20 واخرلك سنه ... ساره : ماهو رابحه سنتين قاريه قبل عمري ... ام ايوب : امم صح .... ساره : هيا نستادن بنمشي نصلي المغرب قاعده ما صليتش .... طلعت ولحقتها هاجر ... ساره : دارتلي تحقيق .... هاجر : سايريها ههههه ... ساره : هادا يلي درته .. روحت ام ايوب ورح بيها محمد ولدها ... وين خشت للحوش لقت ايوب فالكوجينه .... ام ايوب : شفت ساره حقا ...... ايوب : وين ؟؟
........ يتبع
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
