ناضت ساره وتلفونها يرن .... ساره:الوو ..... ام ساره: بنتي مبروووك ....ساره : علي شن ....ام ساره: نجحتي يا بنتي مبروك اوا راجل خالتك جاب النتيجه ..... ساره : الله يبارك فيك الحمد الله امالا خليني نمشي نبشر ايوب .... مشت تجي فتحت الضي ونقزت علي ايوووب .... ايوب بعصبيه: خيرك كسرتيلي ظهري ..... ساره: ايوب اني نجحت .... ايوب رد بفرحه : مشاء الله مبرووووك خلي نكلم امي نبشرها ... ساره: اني هليني نقول لهاجر ولصاحباتي .. .ايوب اتصل بامه ....ايوب: صباح الخير ياام .... ام ايوب : صباح النور يا ولدي ......ايوب: ياام ساره نجحت ..... ام ايوب : مبرووك يا وليدي اميره قعدتلها ماده .......ايوب:تشد حيلها وتصفيها مش مشكلة ..... المهم ساره مشت وتت الفطور و هيا فرحانه قريب اطير .... ايوب: مشاء الله علي مرتي ....ساره:اني قريب نطير يا ايوب ....ايوب: من حقك هيا تعالي افطري .....
المهم فطرو وايوب طلع وساره بدت اضم فالحوش ليه ليه عاد الناس بيبدو يجو ....وهيا اضم رن الجرس ....مشت فتحت لقتها هاجر وحضنتها ....ساره:شن المفاجأة الحلووه هادي ...هاجر والله ماستنيت قلت خلي نجي نباركلها ....ساره: احسن ما درتي مستاحشاتك هلبا ...هاجر: والله حتي اني اسمعي انزلي عماد خوي يبي يباركلك ..... ساره:نلبس عبياتي وننزلو ...المهم نزلو لقت عماد قدام السياره عماد :هاجر نسيتي تلفونك اه مبروك ساره وﻻ نقولو الصيدلانيه ساره ....ساره: الله يبارك فيك ﻻﻻ قول شن تبي كلها مليح هههه هيا تفضل نديرولك فطور وﻻ حاجه ...عماد : ﻻﻻ بنروح نرقد هاجر جت فوق راسي من الصبح ارفعني ....ساره:هههه ماشي براحتك ....عماد :هيا سﻻم توا ..... مشي عماد وخشوو
وبدت هاجر وساره يضمو فالحوش وبعد ماكملو ضمان ....ساره:تعرفي تعبانه هيا خلي نديرو شي سريع ...هاجر:هيا مكرونه باشاميل سريعه ومليحه ....بدو يديرو فيها وحطوها فالكةشه خش ايوب ....ايوب:حبي ...وخش ولقي هاجر وجها تلون تحشم ورجع ....ساره: تعالا يا مهبول عادي هاجر صاحبتي ....فالبدايه ماباش يخش .... ساره:تي تعالا هيا عاد ...خش ومنزل عيونه ...ايوب: السﻻم عليكم ...ردو :وعليكم السﻻم ....حط الحجات ومنع طوول قعدو يضحكو ...المهم ساره بدت توتي فالحلويات وهكي ﻻن تاني يوم بيجو يباركولها ..... مع المغرب روحت هاجر ...
تاني يوم ناضت فطرت ايوب وسقداته ودارت دوره ع الحوش وتت الصفر وماعين التقديم وخشت دوشت ...لبست سروال وبلوزه تلاته رباع ....وهيا تجفف فشعرها جي ايوب شافلها من فوق لي لوطه ...ساره:خيرك هكي تشوفلي ...ايوب : نشوف فيلي ﻻبساته ....ساره:ايه خيرها لبستي ...ايوب : ﻻ ماخيرها شي غير السروال مشحط والبلوزه تحسها شفافه ....ساره: اخخخ عادي ...ايوب:عادي عينك بري غيري امشي البسي حاجه زي الناس ....ساره :حاضر
مشيت غيرت لبسه قفطان طويل لي الركبه وتلاته ربع وكمامه شفافات .... المهم وتت روحها ورن الجرس ....فتحت لقت هاجر وجارتهم جو المهم باركتلها جارتهم وجابتلها خاتم دهب بسيط هديه ....هاجر:تفو عليك يا حيوانه قفطانك نبيه ....سارة :وهوا ليك بعد مايروحو نعطيهولك ....هاجر:مش هننسا راهو ...ساره:مايغلاش عليك ...المهم وتو الحلوات وهكي وبدو الناس يجو وفجأة خش النحس ايه خشت هدي ... ساره:وااااك ...هاجر :شن فيك ...ساره:جت الفرخه هادي نكرها ....هاجر:خيرها ...ساره :بعدين نحكيلك ....هدي :مبروك يا حنه ...ساره:الله يبارك فيك يا حنه ....هدي:شن فرح ايوب عاد ...ساره شافتلها بغرور وقتلها:عاد كبيدته نجحت مابيش يفرح قريب طار من الفرحه ...هدي:ايه تفكا من موضوع ارفعني لي الجامعه ...ساره: ﻻﻻ انتي ما تعرفيش ايوب يحب يدير حاجه تفرحني ومايحسب فشي معاي تعبي راحه ....
هدي :ههههه توا نشوفو شن بيجيبلك هديه ....ساره:مانبي منه شي هوا بروحه هديه وانتي عارفه شن نقصد ...هدي:من حقك تقولي هكي ﻻن لولاه ما كنتيش تخرجتي وﻻ قريتي ...ساره حرقتها كلمتها وقتلها :بالعكس اني بنت حلوه زي نا تشوفي وايوب وﻻ غيره كان هيقريني ﻻن البنات يلي زيني الخطاب عليهم بالهبل فيعني اني فالحالتين رابحه ....وناضت ساره ....هاجر:حي ع الحقيره عيني عينك ....ساره:ﻻكن ااااه بردت علي قلبي شوفتيها كيف سكتت ...هاجر:قهرتيها قريب ماتت ...سارة: تستاهل الحيوانه ....
المهم رجعو مع الضيوف ومع المغرب روحو قعدو غير عيله ايوب ....خش ايوب :السﻻم عليكم ....ردو : وعليكم السﻻم ... ام ايوب:مبروك يا ولدي ...ايوب :الله يبارك فيك .....احلام :عاد شن يا فرحه شني نديرلك .....ايوب:ايه والله فرحتني ﻻكن عارفها بنتجح ....ساره قعمزت جنب ايوب وتكت راسها علي كتفه ....ايوب: الحق شطوره ودارت جهدها ولهت بقرايتها ...هدي :هههه تحشمي يا ساره شن متكيا عليه ....ساره:شن المشكله ماكمش برانيه هادي امه وخواته وخلاته والخاله ام ....ام ايوب: فنون الرد لسان ومن يسلك ههههه غير تعالي نبيك في موضوع ...ساره شافت لي ايوب بي معني شن في ...ايوب:مش عارف .....وطلعو لي الدار التانيه ام ايوب قالت لساره .............. يتبع
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
