جت ام ايوب سالت ساره .... ام أيوب: بنتي انتي حامل؟؟ .... ساره: ﻻﻻ ما دقوليليش سامنه راهو غير القفطان واسع ... ام ايوب: ﻻﻻ ﻻكن يومها اغما عليك وايوب خداك لي الدكتور قلت اكيده حامل ....ساره: ﻻﻻ عندي هبوط من قلت الماكله فتره القرايا كلها مش فاضيه نقرا وبس .... ام ايوب : قولي الحق يا بنتي ما ادسيش عليا اني زي امك راهو ....ساره: والله مش حامل .....ام ايوب : نحسابك حامل وماتبيش تقولي خايفه من العين .... ساره: اه ﻻﻻ مزال مش وقته ....ام ايوب: كيف مش وقته ليك قريب سنه متزوجه ندادك بصغارهم ....ساره: مزال عاد .... وهما يتكلمو جت احلام تنادي ....احﻻم :شن تقولو فالاسرار .... ساره:اه ﻻﻻ نهدرزو .... وطلعت ساره ..... ام ايوب:جيل توا لسانه طويل .... احﻻم : خيرها شن قالت .... ام ايوب:نكلم فيها ع الحمل تحكيلي مزال ....احﻻم :هيا شكلها تزوجت ايوب غير باش تقرا ويصرف عليها بنوت مش متربي ....ام ايوب:هوا شي صكر راسه يبيها هيا شن بديريله .... علي خشت هدي ....هدي: ماما شن مسيبتني مع البارده هديكا ماتتحشمش بكل متكيا علي كتفه وﻻ كان .... احلام :هيا نمشولهم قبل ما تجينا واني توا نكلمها وغمزت لي ام ايوب ..... مشو رجعو لي الصاله ..... احﻻم: هادي الشهاده وخديتيها وشن مخططك توا .... ساره: بنخدم شن اماﻻ عﻻش واخده الشهاده .... وجه ايوب تلون الموضوع ماعجباش نوعا ما .... احﻻم : يا نهارك وامته مقرره تفرحينا بعيل هكي..... ساره: ايح مزال خلي نخدم وملحق علي الصغار و دوشتهم ماعندي وين هاربه منهم .... احلام : شكله حكومتك بي ايدك ماعندكش راجل تشاوريه (تحرض في ايوب علي ساره) ... ساره: ﻻ كل شي تحت موافقه ايوب والشور شوره .... احﻻم شافت لي ايوب وقتله : كانا ساره ما تبيش تجيبلك الصغار والله ما تهون عليا يا وليدي نعطيك هدي بنتي انتو من يوم يومكم لبعض .... ايوب : ههههههه مﻻ انتي يا خالتي ... ساره قامت راسها من علي ايوب وتنرفزت .... ساره: شن هما لبعض ايوب متجوز ولي بنت تانيه مش لهدي وتانيا من قال ما نبيش نجيبله مش قتلك الشور شوره وهادي مواضيع تخصني اني وهوا .... احﻻم : الشرع حلل اربعه ههههه ..... ساره:اوكي خلي راجلك يشبع بالحلال وياخد عليك التلاته يلي حللهم الشرع ..... احﻻم :تحشمي علي وجهك .....وهيا تتكلم تلفونها رن ...احﻻم : الوو هيا نازلين ......
هيا نوضي بوك جي .... وهما طالعين ام ايوب واحﻻم وهدي كلهم قالو تصبح علي خير يا ايوب وما جوروش ساره ....بعد ما طلعو ....
ايوب بعصبية: مش عيب عليك هكي .... ساره: ﻻ مش عيب شوفتها شن قالت وﻻ ..... ايوب: زي ما انتي مرتي هادي خالتي مانبيش المشاكل هادي .... ساره: باهي علاش انت ما حليتش الموقف .... ايوب : كيف يعني .... ساره: قتلها اني ما نبيش غير ساره ﻻ هدي وﻻ غيرها تبي ادفلك بنتها بالسيف ....ايوب: بنسايرها شن بندير يعني ..... ساره واجعها كﻻم خالته وقريب تبكي قتله : كﻻمها اني مانتحملاش ولو هيا محترمه ما تقولهوليش خيره ما رضاتاش فروحها واني توقعتك بتقول حاجه مش بتسكت حتي لو خالتك كنت تقدر تقلها نبي ساره .... وناضت ساره ..... شدها ايوب :علاش نقولها نبي ساره وبس شن دخلها ماهو انتي تعرفي ان نبيك انتي بس ومانبيش غيرك .... ساره : ﻻ ما نعرفش .....
ايوب : هههه اهو عرفتي اني نبيك انتي وبس وبسسسسسس .....
ساره:امشي مانحبكش اني هههه .... ايوب : متاكده ؟ .... ساره:ايه متاكده ههههه .....وجت ساره حضناته .... ايوب:معليشي حولي ماتحبينش انتي .... ساره: نحول ؟ .... ايوب:ايه حولي احضنيني لو تحبيني بس ..... ساره: متاكد نحول؟؟ .... ايوب: متاكد هههه ....ساره: اوكي ...... وهيا كيف حولت وجبدها لعنده ... ايوب:وين تحولي بس يا كبيداا يا حبهااا ههههه .... ساره: فيك حاجه حلوه نحبها ههههه .... المهم تاني يوم الصبح وتت الفطور لي ايوب .... ساره: حبيبي ..... ايوب:اممم .... ساره: الصيدليه يلي في بدايه الشارع كويسه نخدم فيها تناسبني .... ايوب:انتي توا ارتاحي من القرايا وبعد فتره نلقو حل .... ساره: اوكي كيف ما تبي ....
هما يفطرو اتصلت هدي ..... ايوب مش مسجل رقمها ... رد ..
ايوب:الو السﻻم عليكم .... هدي وعليكم السﻻم ...ايوب:من معاي ... هدي : اني هدي شن الجو .... ايوب: تمام شن جوك انتي ...ساره فتحت عيونها وقتله من هادي .... هدي :تمام ومش تمام ...ايوب:خير ياهدي شن صاير ....ساره: وااك شن تبي هادي توا .... هدي : امي زعﻻنه منك ومن مرتك .... ايوب:باهي توا نخل الموضوع هي سﻻم توا .... ساره:شن تبي ....ايوب : خالتي زعﻻنه ....ساره: وتزعل ... ايوب: ساره ~_~ .... ساره: ماقلت شي .... ايوب : توا نفوت عليها نرضيها .... ساره : ﻻ وتتلقاك الزفته هدي .... ايوب: انتي شن تغاري منها .... ساره: نعم شن قلت تغاري منها ............. يتبع
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
