بـ تركيا تحديدا بالفندق بغرفة وليد قاعده تتنفس بقوه بعد م بعد شفايفه عن شفايفها شالت ايدها وحطتها ع شفايفها وجنها قاعده تتحس بوسته قعدت تطالعه وتنفسها يزيد بعدها قامت بسرعه وطلعت من غرفته واهي تركض دشت غرفتها وللحين ايدها ع شفايفها، وكل مالها وابتسامتها تكبر، صعدت ع السرير، وقعدت تنط عليه واهي تضحك: هههههه اااه احبك احبك احبك احبك مو مصدقه انها كانت بين ايدين وليد، وباسها بشفايفها، مو مصدقه انها كانت بحضنه اااه تمددت ع السرير وللحين الابتسامه م فارقت ويهها: حبيبي حبيبي والله اموت فيييك قعدت تحرك لسانها ع شفايفها وجنها تحس بطعم شفايفه: احلى يوم بحياتي بقربك شالت بلوزته وحضنتها بقوه، ونامت اخيرا براحه ووليد م راح عن تفكيرها ابدا
اما وليد كان منصدم من اللي سواه، شلون م قدر يمسك نفسه بقربها الحين شبتقول عنه: اووف اوف اكيد راح تبتعد عني وما راح تيي لي مره ثانيه، اكيد راح تفقد ثقتها فيني، انا شلون سويت فيها جذي شلوون بلع ريجه واهو يتذكر طعم شفايفها: اااه عسل والله، اخيرا ذقت احلى طعم بالحياه، حبيبتي والله م قدر يخفي ابتسامته واهو يتذكر لما كانت حبيبته بحضنه وقريبه منه حيل والاهم البوسة اللي حظى فيها: احبج ي كل دنيتي ي اجمل عهد بالحياة
الصباح ببيت خالة هديل قامت من النوم بتعب، مشتاقه حق بندر حيل تنهدت: ااه لهالدرجه انا مو مهمة بحياتك لا تدق عليي ولا تسأل عني نزلت دمعتها واهي تتذكر المكالمة: شتبي فيني وانت معاك بديل عني قامت من مكانها بكسل، دشت أخذت شاور طلعت وعليها الروب، اختارت لها لبس، ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت المطبخ وسوت لها قهوه تنشطها، لازم تدور لها شغل وتعتمد ع نفسها، اهي من يوم تزوجت بندر تركت الشغل، بس الحين لازم ترد تشتغل قعدت تشوف صورها اهي وبندر ونزلت دموعها بشوق قطع عليها صوت الجرس، فزت واهي تفكر من ياي لها لا إراديا دق قلبها حيل لا يكون بندر، عدلت نفسها، وراحت بسرعه تفج الباب، أخذت نفس ووو ليال بابتسامة: هاااي ي حلوه هديل ابتسمت لها واهي تحس باحباط: هايات سلمت عليها ودشت، قعدوا بالصالة ليال: شلونج هديل، شخبارج هديل: الحمدلله حبيبتي، انا بخير، شلونكم انتَو ليال؛ والله نسأل عنج يالزعالة هديل ابتسمت بحزن وقامت: خل اييبلج شي تشربينه ليال مسكت ايدها: قعدي قعدي انا مابي شي قعدت هديل واهي تلعب بايدها ليال بحنان: شصار بينج انتي وعمي تنهدت بقوه وتحس دموعها بتطيح ليال: يلا عاد هديل، قبل لا تقولين اي شي، عرفي أن عمي بندر مو بس يحبج الا يموت عليج هديل: ايه والدليل كل يوم والثاني ايي لي ليال: م تدرين ان عمي مسافر هديل عقدت حواجبها: مسافر وين ووليش ليال: مسافر تركيا، واللي فهمته من حسين انها صارت مشاكل بينه وبين شريكه بالصفقة هديل حطت ايدها ع قلبها: هئ ياربي كان وايد يحاتي هذي الصفقه وحاس انه راح يصير شي ليال سكتت واهي تنطرها تقول لها السالفه بس هديل صار قلبها عند بندر: زين م دقيتو عليه ليال: دقينا ع عهد، اهي رايحه معاه اهي ووليد، بس يقولون للحين م رجع من الاجتماع وتدرين صعب يتواصلون معاه هديل: ايه والله ادري، الله يحفظه يارب ليال ابتسمت: شفتي شلون تحبينه بس تتغلين هديل تنهدت: م اتغلى هديل، بس انا سمعته بأذني يخوني ليال فجت عيونها: يخونج، مستحيل عمي يسوي جذي هديل: وانا بعد كنت مستحيل أصدق، بس سمعته بأذني هديل واهو يكلمها ليال هزت راسها: لا هديل اكيد انتي سمعتي غلط او ما فهمتيه اللي اعرفه ان عمي مستحيل يكلم غيرج هديل سكتت واهي تدري محد راح يصدقها ليال كملت: هديل من صجج، عمي بندر ما له بهالسوالف، من لما توفت عمتي الله يرحمها واهو وحيد وما يفكر ابدا بأي مره، وبعدها احنا اللي اقنعناه يتزوج، واحنا شفنا شلون كان يحبج من اول أيامكم بالملجة وشكثر تعلق فيج، تقولين الحين انه يخونج مستحيل يسوي جذي هديل بدموع؛ ليال اقولج سمعته بأذني يواعدها ويقولها راح التقي فيج، ولا يقولها اموت فيج ليال احتارت صج، بس للحين اهي متأكده ان عمها بندر مستحيل يسويها: إن شاء الله راح يتصلح كل شي بينكم هديل ابتسمت: زين بقوم اييبلج عصير ليال: ههههه شفيج هديل، انا لو ابي شي م راح استحي، وبعدين البيت بيتي، قوليلي انتي تبين أساعدج بشي هديل: الصراحه هديل انا ابي ادور شغل ليال: من صجج انتي هديل: ايه ما فيها شي، ابي اعتمد ع نفسي ليال قامت واهي تبي تصكر الموضوع: عمي م راح يرضى، بروح اشرب لي ماي، تبين هديل هزت راسها بلا، وليال راحت للمطبخ بهاللحظة دق فونها، وشالته: هلا حسين حسين: هاا عرفتي شصار بينهم ليال: ايه عرفت، بقولك اول م ارجع حسين: اووكي، عيل انا بشيل بندر عند مرت طلال وبروح الشركة ليال: اوكي وانا م راح اتأخر سدت منه، وبطلت الثلاجه، شالت لها بطل ماي صغير، وقعدت تشرب واهي تفكر بكلام هديل معقوله يكون صح وعمي صج يكلم غيرها، لا لا مو معقوله بطلت الزباله وقطت البطل بعد م شربت الماي وكانت بتطلع من المطبخ بس وقفها شي، ردت بسرعه واهي تبطل الزباله، وشهقت انحنت وشالت اللي بالزباله، وشهقت: هئ هدييل
