بقصر النادر
بجناح هديل وبندر
دشت هديل الجناح، شافت بندر نايم
ابتسمت بإحباط، ودشت تبدل ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت ع السرير قربت منه واهي تمسح ع ذراعه العاريه، بعدها انحنت وباست ذراعه: آسفه حبيبي مادري شصار لي
تنهدت: ادري اني عصبتك وايد، بس صدقني انا احبك انت وما احب غيرك وانت زوجي وكل دنيتي
قعدت تمسح ع شعره، واهي ندمانه ع اللي سوته، هذاك م يستاهلها، قعدت تفكر جذي
بعدها طالعت بندر بابتسامه، انحنت وباست خده وبهمس: نوم العوافي حبيبي
بعدها تمددت يمه، ودفنت ويهها بصدره ونامت
فتح عيونه، كان م نايم وسمع كل كلامها، يحبها ويغار عليها من كل شي، تنهد وغطاها ونام براحه واهي بقربه
الصباح
بشقة نايف
قامت من النوم واهي تحس بكسل
عقدت حواجبها واهي تسمع حركة بالشقه: معقوله نايف هني
قامت بسرعه، دشت تأخذ شاور، ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت وما شافت احد، وبعدها دشت المطبخ، شافت نايف قاعد يسوي كوفي ومرتب الريوق ع الطاوله
قالت بتردد: صباح الخير
نايف: صباح النور، تعالي تريقي
هزت جتوفها واهي حيل مستغربه، راحت وقعدت ع الكرسي واهي تطالعه، أول مره يسوي جذي
نايف مد لها كوب الكوفي: هااج
أخذته وللحين تطالعه باستغراب
قعد نايف ع الكرسي يمها: اليوم سويت لج الريوق عشان اشكرج باللي سويتيه معاي
عقدت حواجبها: ليشش شسويت
نايف: تدرين ان الصداع إذا ياني م اقدر اخليه يروح الا وانا ماخذ مسكن، بس الصراحه شكل ايدج فيها سحر وخلتني انام سيده وراح كل الصداع
ابتسمت له بهدوء: يقولون انك دكتور
نايف: ههههه بس تدرين م ينفع معاه الصداع
ابتسمت له ونزلت رأسها
نايف بغشمره: بس هااا الحين عاد بتعود وكل م احس بصداع راح ايي لج ههههه
ابتسمت ع ضحكته، اول مره تشوفه جذي مستانس ويضحك: إن شاء الله ولا يهمك
نايف ابتسم لها وقعدوا يتريقون مع بعض
