بقصر النادر
سحبها من ايدها بقوة: شقاعده تسوين انتي
عهد صرخت: وانت شلك فيني
عصب وضغط ع ايدها: عهد منو هذاا، كل مره اشوفج معاه
طلال طلع بعد م حس ان عهد تأخرت برا، عقد حواجبه وراح بسرعه اول م شافهم: ولييد
وليد عاقد حواجبه بعصبيه: دشي داخل
عهد عصبت: مالك شغل فيني
طلال يبي يهدي الوضع: خلاص عهد دشي داخل ابوي يسأل عنج
دشت عهد ودمعتها ع خدها
طلال: وليد شفيك الله يهداك
وليد: طلال منو هذا
سلطان: سوري طلال شكلي ييت بوقت غلط، انا استأذن
طلال: اذنك معاك
راح سلطان، ووليد يطالعه بنظرات شرار
طلال: لا تخاف وليد، انا اعرف سلطان، اهو وعهد يحبون بعض، ويبي يخطبها أول م تخلص دراسة
بلع ريجه واهو يسمع طلال، شلون شلووون
عهد دشت واهي تمسح دموعها، صادفها حسين اللي طلع يشوف وليد اللي كان قايل له شوي واوصل
تقدم من عهد بخوف: عهد بابا شفييج
عهد ضمته: قول لوليد لا يتدخل فيني
حسين باستغراب: ب شنوو
عهد: اسأله وراح يقولك، ودشت
حسين استغرب الوضع، وبعدها سمع صوت طلال ومعاه وليد
راح لهم: شفت عهد تبجي، شصاير
طلال طالع وليد: ماكو شي سوء فهم بسس
حسين: طلال قولي شصاير
طلال: تذكر سلطان؟ كان ياي لها ووليد شافهم
حسين بلع ريجه: اوكي طلال انا أفهمه
دش طلال، ووليد تقدم له: شنو راح تفهمني حسين، شنو راح تفهمني يعني انت تدري وساكت
حسين سكت لأنه يدري ان عهد تحب سلطان
وليد بقهر: انت تدري اني احبها، شلون تخبي عليي انها تحب واحد غير ولاا بعد خاطبنها شلون حسين شلوون
حسين: وليد صدقني انا م كنت ادري، وبالصدفه دريت، وبعدها طلال وعهد قالولي كل شي وما قدرت اقولك
قعد وليد يم الباب بصدمه: يعني شلوون، يعني عهد م راح تكون لي اااه
حسين قعد يمه وحط ايده ع جتفه: مادري شاقولك وليد، بس انا م اقدر اغصب اختي ع اي شي، وصدقني كنت اتمناها لك بس اهي حره باختيارها
وليد حط ايده ع راسه، ونزلت دمعته، عهد اللي يحبها من واهي صغيره ومحد يدري بهالشي غير حسين، تطلع تحب غيره، ليش ليش ي عهد ااااه
يوم الجمعة
الصباح
ببيت منيرة
دشت اهي وهيفاء يايين من السوق، وبايدهم أكياس من كل المحلات: وااي تكسرت
هيفاء قعدت بتعب: اووف صج صج تعب،
بعدها قامت بحماس، واهي تفتح الأكياس: بس يستاهل كل التعب، افف اخيرا بروح الجامعه وبكشخ مثل العالم
تأففت منيرة: زين قومي سوي لنا شي خنتريق
هيفاء: يما لو انج سامعه رأيي وقعدنا نفطر بكوفي مو احسن
منيرة: لا طبعا لأن هالبيزات اللي بتروح بالمطعم، راح نحتاجهم بشي غيررر
هيفاء: اففف
قطع عليهم طق الجرس، قامت هيفاء وفجت الباب
الشخص: السلام عليكم، هذا بيت منيرة؟
هيفاء: ايه تفضل، الحين اناديها
راحت هيفاء تنادي امها، بعد دقيقة طلعت منيرة : تفضل انا منيرة
الشخص: احنا من شركة عمر، ويايين نسلمج السياره اللي بتكون خاصه فيج، لو سمحتي وقعي هني
وقعت منيرة واهي مستانسة، مد لها مفتاح السياره: الف مبروك، بس لازم عليج تروحين تخلصين الاجراءات
منيرة: إن شاء الله ولا يهمك
الشخص: مع السلامة، راح وهيفاء نطت ع امها
وحضنها بقوة: واااو يما اخيرا اخيييرا
طلعت منيرة تشوف السياره ومعاها هيفاء
هيفاء بانبهار: واااو حدها عجيبه
منيرة ابتسمت: ايه والله، بروح أدق ع استاذ عمر اشكره
دشت منيرة وهيفاء للحين تتأمل السيارة
