'' نيران على وشك الانطفاء ''
للكاتبه زهراء المياحي.
®°®°®°®°®°®°®°
طيبه: عگدت حواچبي ؛ بحضن منو؟
ريم: بسبب عرگه البارحه همام راح لبيت عمي وهو صارلنا سنتين مواصل هناك يعني شنو؟ رجعت علاقته بيها احنا زوجناج حتى تقوين علاقته بيها وتسوين مشاكل لو تبعدي عنهاااااا
طيبه: هو يگرها مي...قاطعتني
ريم: أبقي هيج غبيه خليها تاخذه منج وانتي ارجعي لبيت اهلج مسلوبه الحقوق
طيبه: طبيت للغرفه هو متمدد باوعلي ورجع دار وجها ديباوع للتلفزيون ؛ اخذت ملابسي طبيت للغرفه الثانيه ابدل وكلام ريم يرن باذني؛ خيارين كدامي اول واحد اسئله ليش رحت واعارگه مثل مسويت وي يوسف وهنا راح اطلع أني ام مشاكل واطور من الحبه قبه لو اصير ذكيه واسئله بطريقه غير مباشره بدون تهجم صدك هو رايح يشوف جمانه وعلاقتهم راجعه لان هسه لو شما اسوي ماينطيني اي جواب حقيقي لو يلف ويدور لو يزمخ بيه
_طول الاسبوع المر ؛ ميحجي ابدا ولايطلب مني أي شيء اذا ملابس وصخه يگول لام حسن ومياخذ برايي وأني هم تركته ماحجيت بسالفه جمانه ولا قربت منه ولا اهتميت باي شيء ركزت على شي واحد على اخبار اهلي وشنو محتاجين ومره ثانيه من اروحلهم شسويلهم؛ وگفت گبال مكتبته اختار گتاب اقره الملل وصلني لهل العجز دخل هو للغرفه وحجه
همام: الصفنه متفيد...
طيبه: فزيت من صفنتي لتفت اله؛ هااا مووو داباوع عليهن
همام: تباوعين عليهم شراح تستفادين بله
طيبه: لتفتت اباوعله؛ گلت بگلبي ليش هل التهجم هذا أني واگفه بيني وبين نفسي اباوعلهن يدخل ويبسمرني ويگول متستفادين شي وإذا احجي حرف يصيح بيه اسكتي لاتحجين بس تسوين مشاكل تخليني اطلع ؛ حجيت برود
صحيح كلامك ما اكدر اقراهم اغلبهم مواضيع معقده وصعبه افهما راح اكتفي اباوع عليهم من هنا... بلكت احبهن
همام: ههه شنو هااي
طيبه: گلت بگلبي؛ ابقه انت استهزء بيه رغم ممحتگه بيگ
همام: مراح تستفادين أي شي بس مجرد تضيع وقت لا أكثر ولا غيرر مو من نوعج هيج كتب كلش صعب تفهميهم... ابدااا وتقريهم
طيبه: التفت اله بكل كلمه كالها جان يقصد اهانه إلي بكل معنىٰ؛ حجيت بهتمام؛ همام؟ ليش تبسمرني أني مسويه شيء بوگفتي گبال المكتبه؟ استمريت تحجي باستهزاء وياي لاتباوعين لاتقريهن مراح تستفادين شي ادري شسوي يعني ضايجه واكفه شبيك وياي؟
همام: لا مو هيج قصدي؛ انتي الفهمتيها غلط
طيبه: گعد على الچربايه وأني تمدت اگلب تلفون وگالبه وجهي؛ دگ التلفون رفعته اختي المتصله تعجبت شعجب تتصل من تلفون رجلها رديت عليها؛ الو؟
أنت تقرأ
نيران على وشك ألانطفاء
ChickLit#قصه_حقيقيه _رگعت الباب بقوه چبت المفتاح أقفل باب الغرفه وأيدي تتراچف؛ هديت كل حيلي على الباب حتى لا يدخل؛ جسمي صابته قشعريره والرچفه زادت علي؛ قفلت الباب وگعدت وره أبچي؛ سمعته يصيح گمت افتر بالغرفه مثل المخبله ما أعرف شسوي؟ دوخني الله لا يوفقه _دگ...
