نيران على وشك ألانطفاء

البارت الخامس عشر

'' نيران علىٰ وشك الانطفاء ''

للكتابه زهراء المياحي.

بعدنه إحنه
إعله ديرتنه
إعله طيبتنه
إعله حطتنه
و لا عنوانه تغير

§~§~§~§~§~§~§~§~§~

طيبه: دائما أسئل نفسي هل السؤال شنو السعاده
شنو معناها بشنو تحس لما تعرف نفسك سعيد
السعاده ابديه الها باب منو إلي يدليك عليها
شخص شيء!!

_محسيت قبل بسعاده إني طول عمري احس باحساس القناعه و الرضىٰ بس السعاده ما اعرف
احساسه خلال وكفتي بوسطهم ودفاع زوجي
عني حسيت بسعاده بشعور إني ما حاسته قبل
شعور اريده يكون دائمي اني بسيطه ما أطلب اهواي لذالك مجرد ما شخص يدافع عني احسها
سعاده وسعاده جبيره هم

حاكم: يوسف بعد متدخل البيت ينحرم منك هل البيت والسياره إلي اشتريتها الك والمصرف إلي انطيك اياه

يوسف: شنووووو وين أعيش..

حاكم: تدبر نفسك أنت اذيت اختك و مرت اخوك
واخوك هم وصاير تمد ايدك على مرتي لو تشوفلك ملهىٰ يلفيك لو تعيش بشقتك منا لمن تسامحك طيبه و ريم ياله الكل على غرفته راسي كام يوجعني

طيبه: دار وجها همام وطلع رحت وره دخل للغرفه دخلت وره بقىٰ صافن دقايق باوعلي ورجع دنك
ابتسمت اله؛ تسلم اخذت حقي منه وكفت وياي...قاطعني

همام: اول وتالي حدافع عنج لان مرتي اذا وكفت ضدج راح انهان اني

طيبه: حجاها بنبره حقاره جان يكدر يكول سكتي سكتي لا تحجين اعرف اني مسوي فضل عليج
بس غلست لأن أول شي حقي ماضاع والكل صدك بيه وثاني شي همام بينلهم هو واحد وياي واخر شي احس بي زين وياي وگلبه طيب بس مايقبل يستمر وياي بحنيه وطيبه لأن خاف يجرب يحب مره ثانيه اكيد ماكو غير هل التفسير وحاسه بي

_صار ليل يوسف حضر جنطته وطلع من البيت حيل رتاحيت احس هسه أخذ راحتي بليل جابوا ريم

همام: اجتي ريم روحي يمها اعرف سببت الج مشاكل اهواي وهي من تصحىٰ اعاقبها بطريقتي بس هسه روحي الها منهاره ما جاي اجبرج اذا ميعجبج لا تروحين الها بس مو تاذيها الي بيها مكفيها

طيبه: هزيت رأسي اي راح اروح الها كلت بكلبي اصلا هي يتيمه و اخوانها وابوها مو زينين وياها اروح اني اذيها واسوي مشاكل وياها خطيه معرفت تتصرف صح و اذت نفسها؛ لبست جبتي وحجابي دخلت شفت وجدان واماني و مسار وبنات عمها يحجون وياها دخلت سلمت عليها وتحمدت الها السلامه هي صافنه بقت دقايق عمتها كامت تتحسر وتمسح بدموعها

ريم: ليش وجهج ازرك

مسار: يوسف ضربها بسببج...

اماني: مساااارررر شنو هل الحجي...

ريم: تكدرون تطلعون شوي أريد أتنفس...

طيبه: أريد اكوم هي منعتني...