'' نيران على وشك ألانطفاء ''
للكاتبه زهراء المياحي
°°°°°°°°°°°°^°°°°°°°°
طيبه: خطبه شنو يوم الجمعه شنو ورجلج شدخله؟ عيوني انتي فاهما الموضوع غلط
عايده: هاي اخت زوجي ام حمزه ناشبه وياي هي و عمتي اني متزوجه صارلي خمس سنوات و مايصير عندي اي أطفال و هي تدورلها على وحده تزوج بيها اخوها و البارحه من عركه أم سامي وهي تحش راس زوجي... هاي طيبه زينه وخوش بنيه و بالف رجال.... اوكف وياها... صير زوجها تخلفلك عشيره مو مره واحد يخسر إذا يضيعها
_و أني حايره من البارحه لليوم و الله مبين عليج انسانه تخاف الله هما يردون يزوجوج لزوجي وإني احبه ما عندي غير زوجي والله اذا تزوج وين اروح كبل أموت عشت اشياء وأيام صعبه احد يعيشها والله تسوين علي مو بس فضل كل ما اتنفس اشكرج و أندعيلج فدوهج لا تكونين سبب خراب بيتي
طيبه: كلامها مثل الاسهام تدخل گلبي؛ حجيت بسرعه أكد كلامها
لا تخافين لا تخافين اني ما اظلم أحد
معقوله اتزوج واحد تحبه زوجته واشاركها
هي تشكرت مني طمنتها وأني بالي مشتت
اگول ام حمزه فرحانه اثاري هيج السالفه عازمتنا وعيد ميلاد وفرحانه بينا اثاري هيج السالفه صدك نغثيت من كلامها وتصرف ام حمزه؟ تضحك علي شافتني بلا سند وتصرف بكيفها؟ اني واثقه بيها تالي تريد تزوجني لاخوها المتزوج ما الها حق تخطب بكيفها شنو اني ماعندي رايي ورفض ؟
_رجعت للغرفه هي تصفك و فرحانه؛ اخذت التلفون سويت نفسي اتصل ؛ اي بيبي تردينا اي هياتنا جايين دقايق منطول؛ سديت التلفون ورفعت راسي يمه
أم طيبه: هاي يمه
طيبه: اجتي ام حمزه مستغربه
ام حمزه: هاا طيوب خير وين
طيبه: بيبي تخربطت وحدها بالبيت صايمه رايحه اشوفها
ام حمزه: اخذي واحد من الولد
طيبه: لا متقصرين ما بيها شي ان شاء الله بس دوخه تصير رايحه اشوفها
ام حمزه: ياااا تكوم بالسلامه بس اقطع الج كيك و
طيبه: قاطعتها لا تسلمين لا ما اكدر هسه اروح اشوفها؛ لبست عبائتي واني اتشرد منها ومن نضراتها الخداعه؛ طلعت باستعجال؛ داتمشه امي سئلتني مجاوبها انطيتها عذر من يمي مر يومين وإني بالي مشتت كل ما أتذكر أضوج أمي و بيبي العصر ندك الباب دخلت ام حمزه و مرت معين وياها جوارينهم؛ دخلت قدمت الضيافه وأني لوني مخطوف
_بقن يحجن ب ام سامي و يمدحن بينا شلون استقبلناها واني نادره وام وكفات وماكو مثلي وشاطره واني بهل العمر؛ يسولفن ويضحكن وأني نار جواي اعرف عليمن جايات؛
ام حمزه: أحنا رايدين طيبه الذهب لاخوي معين
وتعرفون بعد هاي مرته هنا خطيه ميصير عدها خلفه اسم عليج طيوب؛ واجتي ويانا هي موافقه؛ اعرف جايه مستحيه اطلب منكم هل الطلب بس طيوبتنا دره مال الله وين نلگه مثلها ؛ كلنا نعرف اخلاقها وتصرفاتها الواعيه وكلنا نعرف ابوها وامها منو أخوي طلبها من شاف شجاعتها و أصرارها
القوي تساعد جيرانها و أني طبعآ ما وافقت. من ناحيه هي شابه ما متزوجه يعني بس اصرار أخوي هو ألي دفعني
أنت تقرأ
نيران على وشك ألانطفاء
Literatura Feminina#قصه_حقيقيه _رگعت الباب بقوه چبت المفتاح أقفل باب الغرفه وأيدي تتراچف؛ هديت كل حيلي على الباب حتى لا يدخل؛ جسمي صابته قشعريره والرچفه زادت علي؛ قفلت الباب وگعدت وره أبچي؛ سمعته يصيح گمت افتر بالغرفه مثل المخبله ما أعرف شسوي؟ دوخني الله لا يوفقه _دگ...
