نيران على وشك ألانطفاء

البارت الثاني والعشرون

'' نيران على وشك الانطفاء ''

للكاتبه زهراء المياحي.

~'~'~'~'~'~'~'~'~'

لهنا وخلصت مشاكلي وي عيالي واذيتهم وبلشت مشاكل اهلي وعناد امي؛ كل ساع رزلتني ليش متجاوبين على رجلج ليش متحجين وياه ردي علي صدك حاظرته؟ وهو الحقير متصل بيها وگايللها متعاركين عركه بسيطه تصير بين كل زوج وزوجته مو؟ بعد ليش هل الاعناد ماترجع ؟

_كعدت يمي وهي تحجي بقهر وتلهث وتعبت قنعتني ماقنعت شفت حالتها كلش سائت بقيت مصدومه هاي لو اكللها اني زعلانه لان جذب علي وكعد يطرد بيه وگلي اني بدبي وطلع مو بدبي شتسوي؟ لو اسولفلها عن حماي والتحارش وشلون ضربني لو زوج ريم سماني كحبه وضرب راسي بالحايط لو..... چان ماتتت بسكته قلبيه؛ لذالك سايرتها بالحجي وكتلها خوش خوش كمت اسوي نفسي عود داتصل بي واحجي افتح تلفوني واحجي واهز راسي واسده لوتدري بس اني حاظرته جان شسوت بيه!

_بيوم جنت متمدده تعبانه كلش فزززتني الصبح تخوزر بيه نصدمت ليش هيج نظراتها حطت التلفون على اذني وحجت وهي صاكه سنونها

ام طيبه؛ حسابج بعددددين

طيبه؛ طلعت من الغرفه فزيت ابعد شعري عن وجهي اجاني صوته

همام: صبااااح الخير..

طيبه: حتىٰ عيني بعدني ما فتحتها

همام: الله والله وكت طيبه ترد برود و من وره خشمها أول شيء صباح الخير وبيج خير ودللي و بعدها فتحي عينج

طيبه: وين ألكه الخير هذا؟

همام: هههه ليش متگئبه طيبه

طيبه؛ عايشه بسعاده همام اني خاصه وي اتصالاتك

همام؛ أني أخليچ تلكين الخير رحت للمسبح وكعدت أمرن رجلي دزيتلج فديوا شوفي
أول شيء شوفي نظافه المكان بعدين شوفي
رجلي شلون أسبحهن داحركهن شوي

طيبه: اريد ارجع انام

همام: زين وأرجع للعراق أرجع أخذج لدبي

طيبه: سديت التلفون رحت للواتساب شفته كاعد و رافع بنطرونا حاط ايده وره ومنتجي مبتسم يحجي وياه وأحد مصري هو هز رأسه وضحك كام يحرك برجلي هااي شنو بهل السرعه بس يحرك بيهن كلش بطئ ؛ اتصل بيه رديت

همام؛ شفتيهن الحمد لله شوي صرت زين

طيبه؛ الحمد لله ؟

همام؛ أن شاء الله وضعي يتحسن

طيبه: أي أنتظرك ترجع حتىٰ تطلكني سديت التلفون
صار يدزلي صور شلون يسند نفسه ويساعدوا ويمشي عمي عافه بدبي ورجع للعراق يدزلي رسايل وأني ما أجاوب أريد أعوفه بهذلني ما راح أرتاح وياه حتى لو رجع لحالته الطبيعيه يرجع يمشي يمكن يراويج الويل وأني خلص گلبي بعد گلبي ميتحمل أي صدمه أمر بيها