'' نيران على وشك ألانطفاء ''
للكاتبه زهراء المياحي
بنيـه ومحد يكسرلي كلمهہ وقويـه وبالف زلمهہ
°°°°°°°°°°°°^°°°°°°°°°
طيبه: دخلت للاستقبال أمي من شافتني فزت وي دخولي بعدت عن بيبي ورفعت رأسها ألي مبتسمه....تنهدت أكيد هسه عدهم سالفه شوف شنو غلست عليهم سديت الباب تقدمت بخطواتي حطيت صينيه الچاي بالأرض قدمت الاستكان لبيبي ولامي كعدت بالأرض أخذتلي أستكان اخوط بي
جميله: يمه بيبي شلون صرتي؟!!
بعدها بطنچ توجعچ؟! تمضمضي بماي و ملح و شربي چاي أخضر تصيرين زينه
طيبه: هزيت رأسي بنفي لا يضل بالج أصلاً أخذت برد لان طلعت من الحمام وما نشفت شعري زين
ام طيبه: صوبه و مفتوحه بعد عليمن هذا العجز روحي گبالها وما تتمرضين يمه مو زين عليچ
طيبه: أي الله كريم شنو چنتن تحچن و أني دخلت و قاطعتچن
جميله: لا حبوبه ماكو شي
طيبه: چا يمه شبيچ فزيتي من دخلت
ام طيبه: نسولف علىٰ أم أيمن
طيبه: هاااا هيچ هزيت راسي بعدم رضىٰ؛ اي ام أيمن هاا شربت من الاستكان شوي
جميله: مدام بنتچ عرفت بينا راح أحجي
طيبه: أي أي أني أعرف بيچن مو خاليات وأعرف شنو راح تحجن! شنو الموضوع
جميله: أنتي من صرتي حطيتچ بحضني
طيبه: نفخت بملل من بدايتها عرفت أكو خطبه و زواج بالموضوع
جميله: من شفت هل الابنيه كلت هاي طيبه مثل امها خل أسميها طيبه هل الاسم مميز حيل و يعبر عن طيبتج يا حبيبتي
طيبه: هزيت رأسي أكيد أكيد دخلي بالموضوع
شنو؟! هي بقت تحجي عني و عن ندارتي و تمدح بيه لتفت صافنه على الحديقه
جميله: والناس بدت تحجي هاي بنتكم ليش لحد الان ممتزوجه وممرتبطه راح يفوتها القطار وانتي مو مثلاً عندج التزام و دوام شو كاعده حتى مدرسه ما كملتي تزوجي والله الزواج ينور الوجه و يكمل الدين اذا ما تتزوجين شنو تسوين بعد
ام طيبه: اي بنتي صح كلام بيبيتج صح صار عمرج بالثلاثين
طيبه: لتفت الها يمه عمري ثنين و عشرين
جميله: شنو ثنين و عشرين اني تزوجت عمري 12 سنه امج 15 سنه بعد شنو هل اللعب احنا هم انطيناج مجال احسن شي تزوجي والله الكعده و الصفنه تروح شبابج حتى من يصير عندج اطفال تديرين بالج عليهم كل ما جنتي صغيره احلى هسه بعد سنه ثنين يكومون يتقدمون الج زلم كبار حته متزوجين و ارامل
ام طيبه: شنو القصه يمه خلصت الشباب تاخذلها احسن واحد يعيشها ملكه ابووج الله
يرحمه لو جان عايش يمنا حيل فرح و رحب
بالموضوع كافي صفنه و تعب إحنا ما باقين
الج صدكيني هو ما عندج غيري حتى أخوان ما عندچ و اختچ وتزوچت
أنت تقرأ
نيران على وشك ألانطفاء
ChickLit#قصه_حقيقيه _رگعت الباب بقوه چبت المفتاح أقفل باب الغرفه وأيدي تتراچف؛ هديت كل حيلي على الباب حتى لا يدخل؛ جسمي صابته قشعريره والرچفه زادت علي؛ قفلت الباب وگعدت وره أبچي؛ سمعته يصيح گمت افتر بالغرفه مثل المخبله ما أعرف شسوي؟ دوخني الله لا يوفقه _دگ...
