نيران على وشك ألانطفاء

البارت التاسع

'' نيران على وشك الانطفاء ''

للكاتبه زهراء المياحي

طحت بديره حتىٰ شايبهم نذل

~°~°~°~°~°~°~°~°~°~°~°~

_طلعنا من الغرفه استقبلونا بالهلاهل؛ گعدنا بالاستقبال وهما يبارگون ويبوسون بهمام وهمام! أكثر مممثل ماهر شفته بحياتي فرحان ومتونس يمثل عليهم ؛ وأني مثل كل مره اخفي زعلي بابتسامه متصنعه؛ رجعت بذاكرتي لأيام چنت خايفه من الزواج وفعلاً تحقق هل الخوف احس باحساس الوحده رغم وجودهم كلهم خايفه منهم ومن المستقبل المجهول المنتظرني هنا شوي ودخل عمي ابو همام ومرت ابو اللبس الابسته گله حرير وفرو والمكياج والكعب عبالك هي العروس مو أني

_بارگلنا ابو همام وگعد گبالي شوي ولتفت إلي نضراته تبدلت لوحده حقيره حسيت بيها؛ شگد شمئزيت من نفسي على هذا الموقف المينحسد علي شكد عيب عمج يبارك الج و هو يعرف كلش زين البارحه ابنه ما قرب منج خلاني هلكودتي ما أعرف أحجي و ابرر لنفسي كعد عمي بصف مرته حط ايده وره ظهرها هي تسولف وياه وتضحك اشوفه مبتسم إلي بخبث عيونه موجها إلي بخبث دنكت الغصه بلعومي كوه متحمله نفسي ابقىٰ ثانيه هنا لتفت لهمام يسولف وي ولد عمه

_أقتربت ريم كعدت يمي أخذت أيدي و أيد همام
تريد تاخذ صور وتنشر بالانستا لزمت ايدي وايده وشابكتهن من لزمت ايدي دافيات حيل وأني عكسه أربع و عشرين ساعه أيدي باردات منعت نفسي ما أدمع تعبت؛ قاطعتنا عمته وصاحتنا للصاله بيها ميز طعام ناكل بي؛ گعدت بصف همام اجت العامله إلي تطبخ هنا قدمت اكل لهمام بيض سلك ولحم وطبق ثاني بي شوفان وكرز وتوت وحليب وگلاص وعصير برتقال مبين أگله منظم؛ خلصت قبله لأن ما اشتهي أي شيء نفسيتي مسدوده واحس بلعبان نفس

_گعدنا بالاستقبال دخلو عمام همام وياهم جمانه تطگ بگعبها وتحرگ شعرها باصابيعها شعرها طويل چوه خصرها؛ گعدت بصف ريم؛ وريم تقززت منها؛
أچه حماي يوسف گعد يمها هي قربت منه تاخذ صور وياه؛ ويلعبون بوجوهم من باب الشقه؛ لتفتت همام مدنگ وساكت؛ مو عساس جمانه متعاركه وياهم شو ماخذه راحتها وي اخو ؟ لتفتت جمانه تباوعلي وتباوع لهمام وتضحك عرفت عرفت دتضحك علينا وعلى وضعنا رجعت باوعت لهمام اشوفه ياگل بروحه وغارس اظافيره برجله وجها متهجم ؛ حطيت ايدي على ايده فز ولتفت إلي حجيت بصوت شبه مسموع؛ نروح لغرفتنا؟ باوع لجمانه رجع باوعلي وهز راسه؛ دخلنا غرفتنا نزعت حجابي أخذت نفس

همام: شنو؟

طيبه: ماكو شيء؛ بس نضرات جمانه إلي نرفزتني؛ تعرف مصاير بينا شي؛ هو نفخ

همام: طيبه اني...

طيبه: قاطعته؛ راح يجون أهلي فد شوي

همام: هلا بيهم

طيبه: فتحت الكنتور طلعت ملابسي دخلت للغرفه الحمام؛ غسلت ولبست حجابي شربت مي حطيت عطر وطلعت؛ قربت من الجربايه اخذت التلفون عن الشحن دگ الباب