نيران على وشك ألانطفاء

البارت السابع عشر

'' نيران على وشك الانطفاء ''

للكتابه زهراء المياحي..

~°~°~°~°~°~°~°~°~°
طيبه: حطيت ايدي على صدري وابچي؛ اطلع إلي متخاف من رب العالمين اطلع لا اعيططط وافضحكككك ؛ فتح الباب وطلع گعدت بالگاع منهاره رحت للغرفه الثانيه امسح بالمكياج وابجي

همام: طيببببه.. وينج..

طيبه: فزيت مسحت المكياج بسرعه وطلعت؛ باوعلي من فوگ ليچوه وأني اباوعله برود

همام: هاا هيج ماكو شي

طيبه: فتحت الكنتور طلعت ملابسي؛ أريد انزع الفستان مگدرت لتفتت اله؛ ساعدني بس افتح السحاب

همام: تعالي..

طيبه: قربت منه درت وجهي وكعدت بالأرض حتى يكدر يوصل لمستوى السحاب؛ فتحه على گيف وأني گاعده على اعصابي انتظره يمته يخلص

همام: خلصت

طيبه: ثبتت الفستان لايوگع مني ورحت للغرفه الثانيه ابدل ملابسي وابچي؛ غسلت وجهي ومشطت شعري طفيت الاضويه شربت مي
تمددت على التخم مالي نفس أنام بصفه
كمت افرك برجلي موتني من الكعب العالي غمضت عيوني وغفيت

وجدان: ططططططيبه!!!!

طيبه: فزيت مصدومه اماني وجدان و ريم واحلام واكفات يباوعن الي مصدومات خيررر شنوو همام بي شيييي.... كووولن ليش هيج تبااوعن

وجدان: هاي شنو نايمه هنااا؟!! من يمتىٰ تنامين هنااا...

طيبه: حطيت ايدي على كلبي مصدومه يمه خفت حسبالي شي

وجدان: لج شنووو خفتي صدك تحجين انتي من شوكت تنامين هنا بس لا تكولين ماكو شي بينج وبين هماممم؟

طيبه: باوعت لريم صافنه بيه واماني رافعه حاجبها جريت حسره شبيجن خوفتني
كمت من مكاني لا بس وكت الفجر اجيت اصلي تاخرت عن الصلاه صليتها قضاء وبقيت ادعي علي القنفه وغفيت ما ادري

وجدان: واذا طلع كلامج جذب..

طيبه: اشرتلها شوفي اكو بطانيه غطاء مخده لا وين اكو وحده تنام بدون هيج شوفي مصلايتي مفروشه ما مشيوله

وجدان: اي هيج كولي...

طيبه: هي تريد تروح حطيت ايدي على كتفها حبيبتي وجدان اني ساكته لاجل همام جاي تتصرفين وياي بالفتره الاخيره بفضاعه ارجوج
بطلي اسلوبج الجاف والتحقيق بحياتي عيب فزعتيني حسبالي اكو شي هي بعدت ايدي عن كتفها و طلعت لتفت لاحلام بتسمت الها صباح الخير عذريني صارت بوجهج

احلام: لا حبيبتي عادي اني رايحه بالاستقبال نروح نشوف العروس بدلي براحتج واكليلي ماشي

طيبه: اخذت اماني و ريم وطلعت كعدت على القنفه شلون نمت هيج رحت للغرفه همام ماكو هذا هو الشعور إلي تحس بي من شريك حياتك يكون ما مهتم حتى وين تنام ما مهتم لراحتك نومه القنفه صح كسرتني بس مو بكسره كلبي لعدم اهتمامه
تركيت وكعدت يمهن؛ وجهي باهت ماكدر اضحك واتفاعل وياهن؛ راحن يباركن للعروس كتلهن ماكدر اطلع بدون موافقه همام والصدك مابيه حيل اروح