نيران على وشك ألانطفاء

البارت الواحد والعشرون

'' نيران على وشك الانطفاء ''

للكاتبه زهراء المياحي.

~°~°~°~°~°~°~°~°~°~°

طيبه: السبت الجاي تروح لدربي؟ هز راسه وابتسم دنگت اطبگ بچراچف الجربايه

همام: ليش ضجتي

طيبه: كملت سديت الكنتور ؛ أكيد أضوج يعني اكول من صار وياي زين حيروح

همام: من أرجع حتشبعين مني

طيبه: بس أهواي ست أشهر

همام: يجوز أكثر أقل قابل بيوم وليله أكوم وكبل أمشي أكيد لا

طيبه: أهم شيء ترجع بالسلامه؛ خلصت شغلي تمددت هو فتح تلفزيون يگلب بي مد ايده تقربت منه حطها وره ظهري وحضني أني هم حضنته اتابع الفلم وياه

_مر يومين والبيت كالعاده هدوء ما اطلع من الغرفه اهوايه ام حسين تجيب الاكل لغرفتنا اغلب وقتي صلاه واستغفار وبليل اتمدد بصفه نبقه نسولف لحد منام باليوم الثالث اجتي وجدان زعلانه من رجلها وصايره اعصاب نار ماتحجي وي أحد باليوم الرابع گعدت تغير اثاث البيت گله واصيح تگول ليش هاملين البيت تردون الناس تجي تعيب علينا بيت شكبره مهمول ؟ ليش متنظفون ليش متلاحظون خيسه البيت

_مهتميت لكلامها لسه رجفه وخوفه بيه شلون ردت انتحر وأني كلي ايمان لو جنت مجرده من الأيام شسويت؟ أصلا كوه ساكته وصايره هاديه ومنا همام صاير أعصاب حيل على أقل عاط وصيح على ريم وعمي من يطلع من الغرفه وكل ساع متعارك يگولون يريد يجي يوسف يبوس رجلي ويعتذر لان مبهذل حالته وبس سكران ؛ ردت أرجع للبيت بس ما قبل وكم يوم ويسافر شلون اعوفه

_سوت حمله على البيت جابت عاملات ونظفن البيت كله وهي تشرف وتصيح غيرت اثاث البيت الظاهر هاي باقيه محترجع إني أطلع على كد الأكل بس؛ صار العصر كعدت امسح بمكتبه همام من التراب انظف الغرفه قبل لا يروح ويسافر واحطله الكتب إلي يريدهن ندگ الباب ونفتح مدت راسها

وجدان: وين الكركم..

طيبه: ما أعرف يوميه أم حامد تغير مكانه..

وجدان: مو أنتي مشرفه على الطبخ؟!

طيبه: لتفت الها ليش عيوني مشرفه على الطبخ أم حامد هي إلي تطبخ

وجدان: لعد شنو شغلج؟!

طيبه: ما أسوي شي درت وجهي وأمسح بالكتب

وجدان: شوفي البنات وين وصلن وأنتي مكابله الغرفه أربع وعشرين ساعه.... طلعتي أخوي من البيت شوي شوي ريم وهسه دوري موو؟! وحق ربج ماا أعوووف البيت ألج ضلي بحركاتج الاستفزازيه..

طيبه: غلست عليها؛ صاح بيها همام دخل للغرفه باوعلي رجع باوعلها

همام: كافي تعبت كافي بس مشاكل وجدان لا تخليني اطردج اني راسي راح ينفجر..