نيران على وشك ألانطفاء

البارت الخامس

'' نيران على وشك الانطفاء ''

للكاتبه زهراء المياحي.

٠.٠.٠.٠.٠.٠.٠.٠.٠.٠.٠.٠.٠.٠.٠.٠.

مشهد مستقبلي"

_رگعت الباب بقوه چبت المفتاح أقفل باب الغرفه وأيدي تتراچف؛ هديت كل حيلي على الباب حتى لا يدخل؛ جسمي صابته قشعريره والرچفه زادت علي؛ قفلت الباب وگعدت وره أبچي؛ سمعته يصيح گمت افتر بالغرفه مثل المخبله ما أعرف شسوي؟ دوخني الله لا يوفقه

_دگ الباب دگات أستفزازيه خفيفه ركضت چبت الكرسي حطيته وره الباب وأني أخدع نفسي لأن اعرف كلش زين الكرسي وجوده وره الباب ما راح يأثر هو من يريد شيء ياخذه والكل يوافق علي
قرب يم الباب يحجي بحقاره

_وهاي هي البيت فرغ النا ؛ سامعه بمقوله ثنين وحدهم والشيطان ثالثهم؟ هل المره انتي والشيطان بنفس المكان

___________________

طيبه: لزمتني امي تهدي بيه

أم طيبه: اني وياج طيبه مو تخافين

طيبه: هزيت رأسي وحجيت بهمس أعرف انتوا سندي بهاي الحياه أعرف مراح تركوني؛ وصلنا نزلت من السياره ودخلنا بيت جبير هذا مو بيتهم هذا بيت گرايبهم؛ دخلت للاستقبال اجتي مريه جبيره بالعمر استقبلتنا؛ بوستنس وبارگتلي؛ قربت ريم تهمس باذني

ريم: هاي تصير صديقه عمه... رجلها شيخ...و هذا بيتها.... طلبنا منهم يعقدون النا....و هو كال تعالوا للبيت وراح يعقد عليج امشي ندخل محضرتلج مفاجئه

طيبه: دخلت جوه للغرفه الثانيه؛ تعجبت؛ محضره كل سوالف العقد حتى ملابس العقد ملبستهن على لعابه؛

ريم: هاي ملابس العقد وهاي ترتيباته واني اساعدج

طيبه: هزيت راسي عمته طلعت هي وصاحبه البيت وخلتني يم ريم فتحت البوكس بي قفطان مغربي لونه بنفسجي وابيض وذهبي كلش حلو ولونه يخبل فخم؛ استحست ابدل كدامها

ريم؛ عزا تستحين تبدلين يمي؟ ياله هياتني درت وجهي اخذي راحتج

طيبه: هي دارت وجها أني بدلت ردت أسد السحاب صحت الها تقربت سدت السحاب

ريم: فتحي شعرج لان حيحطون شال على راسج مو تلبسين حجاب

طيبه: أي اعرف فتحت شعري لبست الحذاء الكعب؛ حجت وهي تطلع بالمكياج

ريم؛ هسه تجي مرت اخوي المكرهوها كلش اضوج منها؛ اني ومرت اخوي ممتوالمات ابدا؛ هي صح بنت عمي بس ياختي ماطيقها فد شايفه نفسها ومگبره روحها

طيبه: گوتلي شعري وتسولف عنها ؛ خلصت طلعت علب المكياج تحطلي

ريم: وأريدج مو تبتسمين الهن وهم لا تباوعين وتسلمين ماشي لان هن خبيثات وهاا لا تخافين تراا اخوي يخوفهن مو حسبالج ينطيهن مجال يتجاوزن عليج